Linge 99:3 - Ghari

³ Migira na tinoni sui sauba kara tsonikaea na lokina ma gana tangirongo na asana tabu. !Aia segeni e tabu loki!

Linge 99:3 Referans Kwoze

Isaia 6:3

Mara vaiguvigi mara tsaria, “!Tabu, tabu, tabu! !E tabu loki na Taovia Susuliga Sosongo! Ma na mararana e mararasi poponoa na barangengo.”

Na Vaolusi Ketsa 28:58

“Me ti vaga igamu kamu tau muri kalavatavigira pipi sui nina totosasaga God ara maretsunagira tana papi iani, me ti vaga kamu tau goto padalokia na asana tabu kukuniga na Taovia nimui God,

Linge 111:9

Aia nogo e laumaurisigira nina tinoni, me naua kesa na vaitasogi saliu kolugira. !Aia segeni e tabu loki me susuliga tsapakae!

Na Katemai 4:8

Me pipi tugira sui tatasa vati na omea mamauri tugira, ara tu tamanina sui tango ono tu rapoqira, me liasi mata moa tu kokoraqira popono i laona mi taba. Na dani ma na bongi tugira ara tu tau goto kuti na lingena na linge vaga iani: “Tabu, tabu, tabu Taovia God susuliga sosongo, aia e totumai nogo tuu tana tuturigana, me totu goto kalina eni, me sauba ke visumaitugua.”

Ioane 17:11

Mi kalina eni inau au mai i konimu. Me utu kau totu oka goto i barangengo, migirani ara totuvisu moa i barangengo. !Mama, igoe o tabu loki! Ko reitutugudougira tana susuligana na asamu igira igoe o saunogoa vaniau, na rongona kara gini kesa moa igira vaga igoe minau ka kesa moa kaita.

Linge 145:17

Na Taovia e gotolaka pipi tana omea aia e naua, ma na omea sui aia e naua e aqosigira tana galuve.

Linge 66:3

Tsarivania God, “!Ara loki sosongo manana na omea sui igoe o naugira! Eo, e loki sosongo nomoa na susuligamu, aia na rongona ti igira gamu gala ara taotsuporu i matamu tana matagu.

Nehemia 4:14

Minau au reigira na tinoni ara gini boe sosongo, mau tsarivanigira me vanigira goto gaqira ida ma niqira tinoni lokiloki, “Kamu laka na mataguniaqira gada gala. Kamu pada tugutugua laka nida Taovia aia e loki tsapakae me mataguga sosongo, migamu kamu malagai na vailabu mateqira gamui verakolu, ma na dalemui, ma na taumui, ma na valemui.”

Nehemia 1:5

“!Taovia God ni Baragata! Igoe o loki tsapakae, migami sui ami kukuni loki tanigo. Migoe o dona na manaliana sailagi nimu tabana na vaitasogi o naua kolugira igira ara galuvego mara naua na omea o ketsaliginigira.

Josua 24:19

Ma Josua e tsarivanigira na tinoni, “Tau na omea lakagana na aqo vaniana na Taovia, rongona aia segeni moa e tabu loki, me dona ke masugu, me utu ke padalegira nimui sasi.

Na Vaolusi Ketsa 7:21

“Me vaga ia, migamu kamu laka na mataguniaqira na tinoni girani. Na Taovia nimui God e totu kolugamu; aia na God loki tsapakae, maia segeni moa kamu matagunia.

Linge 76:1

Igira ara totu tana vera ni Juda igira ara donaginia God. Ma na asana e tangiloki tana Israel popono.

1 Samuel 2:2

“E tagara ke kesa ke tabu loki vaga na Taovia; me tagara ke kesa ke atsalina aia, me tagara goto ke kesa ke reitutugugita dou vaga e naua nida God.

Jeremia 20:11

Migoe Taovia o tabana koluau, mo malagai susuliga sosongo, migira ara rotasiau e utu moa ke managaqira. Sauba kara paluvangamaqira saviliu, rongona e utu saikesa kara tangomana. Ma niqira paluvangamâ sauba e utu saikesa na tinoni kara padalea.

Linge 76:12

aia e molotsunaligira na tinoni taovia vanga kaekae me molo matagu sosongo vanigira na taovia loki tsapakae ni lao eni.

Nehemia 9:32

“!God, nimami God, igoe o loki tsapakae saikesa! !O mataguniga loki, mo susuliga sosongo! Migoe o manali saikesalia na vaitasogi igoe o naukolugami. Mi kalina ia igami ami totu tana rota loki, mami nongigo ko padagami mo ko sangagami. Tuturiga tana tagu kalina na taovia tsapakae ni Asiria e bingi sekoligami, me poi tsau kalina eni, igami ami rota loki sosongo. Nimami taovia tsapakae, ma nimami ida, migira na manetabu, ma na propete, ma na mumuamami, migira sui goto nimami tinoni ami rota loki sosongo. !Ko padatugua kiki na rota loki ami vatsangia igami!

Nehemia 9:5

Mi muri mara visana na Levite ara soagira na tinoni kara mai lotu vania God: tugira nogo a Jesua, ma Kadmiel, ma Bani, ma Hasabneia, ma Serebia, ma Hodia, ma Sebania ma Petahia. Mara tu tsaria: “!Kamu tû ma kamu tsonikaea na Taovia nimui God na dani ma na dani! Na tinoni sui kara tsonikaea na asana tabu, atsa moa ti ke tagara goto sa nina tsonikae na tinoni ke ulagana.”

Linge 100:4

Sage bâ i laona nina Vale Tabu, mi tana kamu soadoua ma kamu tsonikaea. Kamu soadoua ma kamu tsonikaea na asana.

Linge 103:1

!Na tidaoqu ke tsonikaea na Taovia! !Ma na tobaqu popono ke tsonikaea na asana tabu!