Linge 99:1 - Ghari

¹ Na Taovia aia nogo e taovia tsapakae; migira na tinoni sui ara gariri i matana. Aia e totu tana nina sasana na totukae i kelana na rapoqira na angelo, me gini kakasisi popono na barangengo.

Linge 99:1 Referans Kwoze

Linge 97:1

!Na Taovia e taovia tsapakae! !Igoe na barangengo ko gini magemage! !Migamu goto na momoru sui ni tasi kamu mage loki!

Binaboli 25:22

Minau sauba kau tsodogo igoe i tana, mi kelana na vovongona i ka levugaqira na nununa na angelo kaira, i tana nogo inau sauba kau tusuvanigo niqu ketsa sui vanigira na tinoni ni Israel.

Linge 97:4

Nina angaanga e mararasi poponoa na barangengo; ma na barangengo e reia me gariri loki.

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Na Katemai 20:11

Mi muri, mau reigotoa kesa na sasana na totukae, e loki me sere, ma na tamanina e totu kaekae i konina. Mi kalina kaira sui na barangengo ma na baragata ara morosi vaganana ia, mara ka mataguni sosongolia, mara ka tsogoligi tania, mara ka ba nanga lee saikesa.

Linge 80:1

Taovia, igoe niqira Reitutugusipi igira na Israel, ko rongomigami; igoe o matalidougira nimu sipi, ko rongomigami. Igoe o totu tana sasamu na totukae i kelana na rapoqira na angelo,

Na Katemai 11:17

mara tsaria, “!Taovia God susuliga sosongo, igoe o totu kalina eni, mo totu nogo tuu tana tuturigana! !Igami ami soadougo rongona igoe o adidatonogoa na susuligamu loki, mo tuturiga na gini tagao!

Na Katemai 6:14

Ma na masaoka e tavongani nanga lee, vaga moa kesa na viviruna na papi ara virua, me pipi sui na vungavunga ma na momoru ara viri ratsuligi tania na sasaqira tana ara totu.

Pilipi 2:12

Eo, igamu na kulaqu galugaluve, igamu amu rongomangaqu dou sosongo kalina au totu kolugamu i votangana. Mi kalina ia, inau au tau nogo totu kolugamu, ma nimui aqo ti kamu rongomangaqu dou sosongo baa nomoa. Au nongigamu kamu aqo dou babaa tana kukuni ma na parovata, ti kamu gini tangomana na tamaniginiana na mauri saliu.

Luka 19:27

!Mi kalina ia, kamu adimaigira ieni gaqu gala inau, igira ara tau reingaoa laka inau kau lia gaqira taovia tsapakae, mieni kamu labumatesigira i mataqu!’ ”

Luka 19:14

Migira gana verakolu na mane taovia ia ara reisavia, mara tuu, mara mologoko tsari baa i murina mara tsaria, ‘Igami ami tau reingaoa na mane vaga ia ke lia gamami taovia tsapakae.’

Luka 19:12

Ma Iesu e tsaria, “Kesa dani, me totu kesa na mane taovia, maia e vano kesa tana vera ao sosongo rongona i tana kara ba tabua, ti aia ke visumai me ke taovia tsapakae vanigira na tinoni ni verana.

Jeremia 50:46

Mi kalina ke puka na Babilon, sauba ke manunu loki sosongo, me ke gini kasisi na barangengo popono, migira na puku tavosi sui kara rongomia na tatangina niqira ngangai.”

Jeremia 49:21

Mi kalina ke puka na Edom, sauba ke manunu loki me ke gini kasisi na barangengo popono, ma na tatangina niqira ngangai sauba kara rongomia ke vosa bâ tana Mangalonga ni Aqaba.

Jeremia 5:22

Inau nogo na Taovia. ?Egua igamu ti amu tau mataguniau inau? ?Megua ti amu tau gagariri i mataqu? Inau nogo au moloa na one i tana ke vosa mai na tasi, aia na vovotana kalavata, me utu goto ke liusia. Na tasi atsa moa ti ke karara loki, me tau moa tangomana ke liusia, ma na panu kara kukutu loki, me tau goto tangomana kara liusia.

Jeremia 4:24

Mau morosigira na vungavunga, mara viri aligiri sui, migira na tetena ara viri olaola kagi.

Isaia 19:14

Na Taovia e bulesigira, me gini tangi tavosi niqira sauparovata vanigira na tinoni. Me vaga ia, migira na tinoni ni Ejipt ara nau sasilia moa pipi na omea, mara tapulepule bamai lê vaga moa na tinoni e inu bubulega me tsotso terere tana mumutana segeni.

Linge 96:10

Ma kamu katevulagia vanigira na puku tavosi sui laka “!God aia segeni moa e taovia tsapakae! Aia nogo e vaturikakaia na barangengo, me utu goto ke ratsu bamai; me sauba aia nogo ke pedegira na tinoni sui tana pedegoto.”

Linge 18:10

E gini lovo tsaku tana rapona na angelo, me gini vanovano na rapona na guguri.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Linge 82:5

“!E pono nomoa na tobamui igamu, mamu tau dona sa omea! Igamu amu liu saikesa moa i laona na rodo, ma na pedegoto e nanga taninogoa na barangengo.

2 Samuel 6:2

maia e vano kolugira i Baala tana Juda kara ba adivisumaia nina Bokisi na Taso God, i tana e totu na asana na Taovia Susuliga aia e totukae tana sasana i kelana na rapoqira na angelo.

1 Turupatu Dato 16:30

migamu sui tana barangengo popono kamu gariri i matana aia. Aia nogo e vaturikakaia na barangengo, me utu goto ke ratsu bamai.

Linge 80:2

ko sauvulagi segenimu vanigira na puku tu koniqira a Epraim, ma Benjamin ma Manase. !Ko sauvulagi vanigami gamu susuliga; mai mo ko laumaurisigami!

Linge 96:9

!Samasama vania na Taovia tana tobamale, migamu sui tana barangengo popono kamu gariri i matana aia!

Esekiel 43:7

“Dalena tinoni igoe, ieni nogo niqu sasana na totukae. Mieni nogo na nauna i tana igira na tinoni tangomana kara mai na samasama vaniaqu. Inau sauba kau totu sailagi nogo ieni i laoqira na tinoni ni Israel. Mi muri, me sauba ke tagara goto sa tinoni ni Israel se sa niqira taovia tsapakae ke paluvangamana goto na asaqu tabu. Me utu goto kara samasama vanigira na god peropero. Migira na taovia tsapakae e utu goto kara logo vataraginimaia na valeqira tana valequ inau. I sau ara logo valeqira vaganana nogo ia, me kesa moa na baravatu e votagami. Mi kalina ti kesa na taovia tsapakae e mate i laona na valena segeni, maia nogo e naua me gini kaulinaqu goto na valequ inau. Migira ara naugotoa danga na vatana na omea marasibiga, mara sekoliginia na asaqu tabu. Mi tana nogo ti inau au gini kore loki sosongo vanigira mau toroutsanigira.