Linge 98:4 - Ghari

⁴ !Igamu sui tana barangengo popono, kamu gudato vania na Taovia tana magemage; kamu tsonikaea me ke tangidato nimui linge na magemage!

Linge 98:4 Referans Kwoze

Isaia 44:23

!Ko gudato tana magemage igoe na baragata! !Ma kamu gû dato igamu sui goto amu totu i vavana na barangengo! !Kamu gudato tana magemage igamu na vungavunga me pipi sui na gai i laona na goana atsi! Na Taovia e sauvulagia gana loki tsapakae tana laumaurisiaqira na Israel igira nina tinoni segeni.

Linge 100:1

!Igamu sui na momoru taligu, kamu linge vania na Taovia ma kamu tsonikaea!

Na Katemai 19:6

Mi muri, mau rongomia kesa na omea e maququ vaga kalina ara gogoko kesa na alaala loki, ma na tatangina e qulututu vaga na alealena na sasavu na ko loki, me vaga na podana na vivisa. Mau rongomigira ara tsaria, “!Ka tsonikaea God! !Rongona na Taovia nida God Susuliga, aia segenina nogo e Taovia Tsapakae!

Linge 66:1

!Igamu sui na toga kamu gudato vania God tana magemage!

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Linge 95:1

!Kamu mai ma ka tsonikaea na Taovia! !Ida ma ka linge tana mage vania God aia e reitutugugita!

Na Katemai 19:1

Mi muri, mau rongomia kesa na omea e maququ, vaga moa ti kesa na alaala loki na tinoni i gotu i baragata ara gudato mara tsaria, “!Ka tsonikaea God! Aia e laumaurisigita nogo, maia segenina moa e loki me susuliga tsapakae.

Mateo 21:9

Migira na toga ara idaida vania a Iesu tana sautu, ma na toga ara tsatsarimai i murina. Migira sui ara tuturiga na gugu dato, mara tsaria, “!Soalokia na Dalena a David! !Ka soadoua aia e labamai tana asana na Taovia! !Ka soalokia God!”

Sepania 3:14

!Kamu linge ma kamu gudato tana magemage igamu na toga ni Israel! !Kamu magemage tana tobamui popono igamu na Jerusalem!

Jeremia 33:11

gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

Linge 67:4

Eo, igira sui na puku kara magemage ma kara lilinge, rongona igoe o tagaovigira na tinoni sui tana gotolaka, mo mataligira pipi na mamatana tinoni tana barangengo popono.

Isaia 42:11

Igamu sui amu totu tana kaomate, kamu tsonikaea God; migamu goto na tinoni ni Kedar, kamu lilinge ma kamu tsonikaea. Migamu amu totu tana verabau ni Sela kamu gudato tana magemage i kelaqira na vungavunga.

Linge 66:4

Igira sui na tinoni tana barangengo popono ara samasama vanigo; ara lingena na tsonikaeamu igoe, mara lingena na tsonikaeana na asamu.”

Linge 71:22

Inau sauba manana kau tsonikaego tana taiana vanigo niqu itai tatangi. Sauba kau tsonikaea nimu doulaka tsapakae igoe niqu God. Tana niqu itai tatangi nogo inau, sauba kau gini linge vanigo igoe na God ni Israel igoe o tabu loki manana.

Linge 95:2

Ka tû i matana ma ka soadoua, ka linge tana mage ma ka tsonikaea.