Linge 98:3 - Ghari

³ E manalinogoa nina veke e nauvanigira na toga ni Israel ma nina galuve vanigira e totu kalavata me vô ke oli. Migira na tinoni pipi tana nauna sui ara reia kalina e managana nida God.

Linge 98:3 Referans Kwoze

Linge 22:27

Igira na puku sui sauba kara padatugua na Taovia. Me pipi tana nauna sui tana barangengo sauba kara pilovisumai i konina aia; migira na mamatana sui na tinoni sauba kara samasama vania moa aia.

Aqoaqo 28:28

Mi tana a Paulo e suilavaginia nina goko me tsaria: “Me vaga ia, migamu nogo kamu dona laka na turupatu dou tana rongona na mauri saliu e talu i konina God e laba nogo vanigira na tinoni ni veratavosi. !Migira nogo sauba kara tamidou na rongomiana!”

Aqoaqo 13:47

Na rongona iani nogo na omea vaga e ketsaligami na Taovia kalina aia e tsarivaganana vanigami: ‘Inau nogo au molovanogo igoe, ko gini lia na marara vanigira na tinoni ni veratavosi, rongona na tinoni sui tana barangengo popono kara gini tamanina na mauri saliu.’ ”

Luka 1:72

Me tsaria ke saugaluve vanigira na mumuada me ke padatugua nina veke tabu.

Na Vaolusi Ketsa 4:31

Na Taovia nimui God aia na God na galuve; maia sauba e utu ke tsonilegamu, se ke matesiligigamu, se ke padalea na vaitasogi aia segenina nogo e naukolugira na mumuamui.

Isaia 52:10

Na Taovia sauba ke gini aqo na susuligana tabu, migira sui tana barangengo kara reia kalina aia ke laumaurisigira nina tinoni.

Linge 98:2

Na Taovia nogo e katevulagia laka e managana; me sauvulagia na susuligana loki vanigira na puku sui.

Na Katemai 5:9

Mara teaa kesa na linge vaolu mara tsaria, “Igoe e ulagamu sosongo na adiana na viviruna na papi ma na pokatiligiaqira na bubulutina. Rongona igoe nogo ara labumatesigo, mi tana mateamu nogo igoe, o volivisugira na tinoni sui vania God, pipi tana puku, ma na tavosi goko, me pipi sui na duli i laona pipi na vera, me pipi sui na mamatana tinoni.

Roma 10:12

Ma na goko iani e kalegira na tinoni sui, rongona i matana God ara tau tavosi na Tsiu ma na tinoni ni veratavosi. God aia e kesaatsa na Taovia vanigira na tinoni sui, me vangalaka loki sosongo vanigira sui ara nongia tana asana.

Luka 3:6

!Migira na mamatana tinoni sui sauba kara reivulagia laka God aia nogo e vagamaurisigita!’ ”

Mika 7:20

Me sauba ko sauvulagia nimu tobalaka ma nimu galuve vo oli vanigira nimu tinoni, igira ka kukuaqira kaira a Abraham ma Jakob, vaga nogo igoe o vekea vanigira na mumuamami i sau.

Isaia 49:6

Ma na Taovia e tsarivaniau, “Eo, igoe niqu mane aqo, sauba rago ko adikaetugua gaqira tangirongo na tinoni ni Israel, igira ara matepitsa tana vailabu, ma kara lia tugua na puku loki. Bâ, mi kalina ia, inau au ngaoa kau moloa kesa goto na aqo vanigo, me ke loki goto bâ. Minau sauba kau naua migoe ko lia vaga na marara loki ke mararasigira na puku sui, rongona kara gini mauri na tinoni sui lakalaka tana barangengo popono.”

Isaia 45:22

“Bâ, mi kalina ia, igamu sui na tinoni tana barangengo popono kamu pilomai i koniqu inau me sauba kamu mauri, rongona inau segeni lelê moa au God, me tagara goto sa god tavosi.

Linge 106:45

Tana rongoqira nogo igira, ti aia e gini padavisua na taso e naukolugira, mi tana nina galuve loki ti aia e mololetugua na sekoliaqira.

Linge 67:7

God e vangalaka manana vanigita; me dou ti igira na tinoni sui tsau bâ tana vovosana na barangengo kara kukuni tania aia.

Roma 10:18

Minau kau veisuagamu: ?Laka e mana ia laka igira na Israel ara tau vati rongomia moa na turupatuna? Igira ara rorongo rago, e utu ke tagara, rongona ara marenogoa tana Mamare Tabu mara tsaria: “Na tatangina na lioqira e kuvia na barangengo popono; ma niqira tsaqina goko ara ba tsau nogo i tana e vosa na barangengo.”

Aqo Manetabu 26:42

mi tana ti inau sauba kau padavisua niqu vaitasogi au naukolutugira a Jakob, ma Isaak, ma Abraham, ma kau vaolusitugua niqu veke au naua laka kau saua na kao iani vanigira niqu tinoni.

Isaia 52:7

!E dou sosongo na morosiana aia e adi turupatu mai. E ulo gaukutimai tana vungavunga, me adimaia na turupatu dou, na turupatuna na rago! E katevulagia laka God e laumaurisigira nogo nina tinoni, me tsarivania Sion: “!Nimu God aia nogo e taovia tsapakae!”