Linge 98:1 - Ghari

¹ !Lingena na linge vaolu vania na Taovia; rongona aia nogo e naugira na omea loki! Tana nina mana segeni mi tana susuligana tabu aia e gini managana.

Linge 98:1 Referans Kwoze

Binaboli 15:6

“Taovia, na limamu madoa e susuliga tsapakae; maia nogo o tairutuginigira gamu gala.

Isaia 52:10

Na Taovia sauba ke gini aqo na susuligana tabu, migira sui tana barangengo kara reia kalina aia ke laumaurisigira nina tinoni.

Na Katemai 14:3

Migira sui na kesa sangatu vati sangavulu vati na toga na tinoni girani igira God e suivisugira tania na barangengo, ara tutuu aro baa i matana nina sasana na totukae na Taovia, mi tu mataqira tu vati na omea mamauri migira na tuqa tabu, mara teaa kesa na linge vaolu igira segeni moa ara dona kara lingena.

Linge 96:1

!Lingena na linge vaolu vania na Taovia! !Linge vania na Taovia igamu na momoru taligu!

Linge 33:3

Linge na linge vaolu vania aia. !Taidoua nimui itai tatangi, ma kamu gudato tana magemage!

Linge 96:3

Katevulagia gana loki tsapakae vanigira na puku sui, ma kamu turupatuna vanigira na toga sui na omea loki aia e naugira.

Na Katemai 5:9

Mara teaa kesa na linge vaolu mara tsaria, “Igoe e ulagamu sosongo na adiana na viviruna na papi ma na pokatiligiaqira na bubulutina. Rongona igoe nogo ara labumatesigo, mi tana mateamu nogo igoe, o volivisugira na tinoni sui vania God, pipi tana puku, ma na tavosi goko, me pipi sui na duli i laona pipi na vera, me pipi sui na mamatana tinoni.

Kolose 2:15

Mi tana nina gai ulutaligu, a Iesu e tsogori pukalia na susuligaqira na tidao levolevo. E sorigira me raqagira i murina aia kara gini moro na toga sui.

Ioane 16:33

Au tsarinogoa na omea girani vanigamu rongona i koniqu inau kamu totu, ma kamu gini tamanina na rago i tobamui. Na barangengo sauba ke rotasigamu. !Migamu kamu malagai moa! !Inau au tangomana nogo tana vailabugi koluana na barangengo!”

Na Katemai 3:21

Me vanigira igira e managaqira, sauba kau mologira kara totu i ligisaqu i baragata, atsa vaga inau au tangomana nogo, mi kalina eni au totu i ligisana na Tamaqu i baragata.

Aqoaqo 2:11

na Tsiu, migira goto na tinoni tau Tsiu ara sangasage nogo tana niqira lotu na Tsiu. Me visana goto na vidada a talumai i Krete mi Arabia. !Migita sui moa a rongomigadovia tana goko ni verada tatavosi ara gini goko tana rongona na omea loki sui aia God e naugira!”

Luka 1:49

tana rongona na omea loki aia God susuliga e nauvaniau. Me tabu loki na asana;

Jeremia 31:22

?Ke oka koegua sagata kamu baribari, igamu na dalequ vanga petsakoe? Inau au aqosia kesa na omea e vaolu me rerei tavosi, vaga moa na daki e reitutugua na mane.”

Isaia 63:5

Mau beke sosongo inau kalina au morodato mau tau goto reia ke kesa ke sangaau. Bâ, ma niqu momosatoba loki nogo e susuligasiau, mau gini tangomana segeniqu.

Isaia 42:10

!Igamu sui na tinoni tana barangengo popono kamu lingena kesa na linge vaolu na mani tsonikaeana na Taovia! Kamu tsonikaea igamu sui amu liu tana vaka i tasi; migamu goto na omea mamauri sui i laona na kema. Migamu sui amu totu tana momoru ao kamu sanga goto na linge vaniana kesa na linge vaolu.

Linge 149:1

!Tsonikaea na Taovia! Linge na linge vaolu vania na Taovia. Tsonikaea i laona niqira saikolu igira nina tinoni.

Binaboli 15:11

“!Taovia, asei i laoqira na god ke atsakolugo igoe? ?Asei ke vaga igoe, o susuliga tsapakae mo tabu loki? ?Asei tangomana ke aqosigira na valatsatsa ma na omea ganataga loki sosongo vaga o naua igoe?

Isaia 59:16

Aia e gini beke sosongo na reiana laka e tagara ke kesa ke sangagira igira ara bingi sekoligira. Me vaga ia, maia segenina nogo sauba ke tû, me ke gini aqo na susuligana segeni gana na laumaurisiaqira.

Linge 139:14

!Au tsonikaego mau kukuni tanigo Taovia rongona igoe o aqosiau dou sosongo, migira sui na omea igoe o aqosigira ara dou sui! Migoe o donaginiau popono.

Linge 136:4

Aia segeni moa e dona ke aqosi valatsatsa loki; rongona nina galuve e totu saviliu.

Linge 105:5

Igamu na kukuana a Abraham aia nina maneaqo na Taovia; migamu goto na kukuana a Jakob na mane aia God e vilia; kamu padatugugira na valatsatsa loki God e aqosigira, ma nina pedelaka aia e naua.

Linge 86:10

Igoe o susuliga sosongo mo aqosigira na omea dou sui; migoe segenimu o God.

Linge 77:14

Igoe nogo na God o aqosigira na valatsatsa; mo sauvulagia gamu susuliga i laoqira na puku na tinoni sui.

Tuturigana 3:15

Me sauba kau naua ma kamu ka vaireisavigi kagamu igoe ma na daki; ma na dalena aia ma na dalemu igoe sauba kara ka vaigalagi sailagi. Ma na dalena aia sauba ke tsogori rutua na lovamu, migoe sauba ko gatia na bobouna na tuana.”

Na Katemai 17:14

Mi tugira sauba kara tu gini vailabugi kolua na Dalena Sipi. Maia na Dalena Sipi kolugira nina tinoni segeni, igira aia e viligira sui nogo, me kolugira goto igira ara muridoua nina goko, sauba kara sugutitugira na sangavulu na taovia tsapakae, rongona na Dalena Sipi aia nogo e Taovia Loki vanigira na taovia loki sui, me Taovia Tsapakae vanigira goto na taovia tsapakae sui.”

Aqoaqo 19:20

Tana rongona nogo na omea loki vaga ia, te e gini rarasa bamai na gokona God, me gini pabo babaa niqira saikolu na tinoni tutuni.

Na Katemai 6:2

Mau moro baa, mau reia e laba rutsumai kesa na ose sere. Maia na tinoni e sage i gotuna e tangolia kesa na parige, mara sauvania kesa gana kepi vaga ara moloa i lovaqira igira ara tangomana tana vailabu. Maia e aligiri na vano tugua tana vailabu rongona ke gini laugotoa ke visana na vera.

Nina Papi A Job 40:9

?Me laka igoe o susuliga atsa koluau inau? ?Me laka na tatangina na liomu e dona ke poda loki vaga na lioqu inau?

Linge 72:18

!Tsonikaea na Taovia na God ni Israel! Aia segeni moa e naugira na omea dou sui lakalaka.

Linge 89:14

Igoe o palakae mo tagaovigira na tinoni tana gotolaka ma na pedegoto; ma nimu galuve vo oli ma gamu mana saviliu ara labamaka i laoqira pipi sui na omea igoe o naugira.

Isaia 12:5

Linge vania na Taovia tana rongona na omea loki aia e naugira. Ma na barangengo popono kara rongomia na turupatuna.