Linge 97:4 - Ghari

⁴ Nina angaanga e mararasi poponoa na barangengo; ma na barangengo e reia me gariri loki.

Linge 97:4 Referans Kwoze

Linge 77:18

Ma na maququna nimu quluqulu e liu ao sosongo, ma na kirapina na angaanga e angavi poponoa na barangengo; me kakanu na barangengo popono.

Linge 104:32

Aia e morotsunamai moa, me kakasisi popono na barangengo; e pele bâ gira lê moa na vungavunga, me viri vulosudato na pungu loki.

Na Katemai 11:19

Me tavongani ova na valena tabu God i baragata, ma na Bokisi na Taso e labavulagia i laona. Mi muri me anga, me kirapi, me poda loki na vivisa, me kasi loki na vuluge, me tumu tsunamai na belena na kakoluna na usa loki.

Na Katemai 19:11

Mi muri, mau reia e ova na baragata, mi tana e totu kesa na ose sere. Ma na soana aia e sage i gotuna e vaga iani: A Tukakai ma Mana Saviliu; rongona tana pedemana nogo aia e pedeginigira na tinoni me gini sage tana vailabu.

Jeremia 10:10

Migoe segeni moa Taovia o God mana, migoe na God mamauri, mo taovia tsapakae na dani ma na dani. Mi kalina ti ke momosa tobamu igoe, ma na barangengo popono ke gariri tana matagu; migira na puku sui ara tau tangomana kara baria nimu momosa toba loki.

Linge 114:7

Igoe na barangengo, ko kasisi i matana na Taovia, aia nina God a Jakob,

Linge 96:9

!Samasama vania na Taovia tana tobamale, migamu sui tana barangengo popono kamu gariri i matana aia!

Nina Papi A Job 9:6

God nogo e molovania na vuluge me keselia na kao; me kasiligira na tuguru vatu ara tangolikakaia na barangengo.

Nina Papi A Job 37:3

Maia e moloa na angaanga ke kirapi taligu tana masaoka, tû kesa tabana na barangengo me tsau bâ kesa tabana.

Linge 77:19

Igoe o liu tsapatugu i laona na panu; mo savu bâ i laona na maorodo na tasi me tau tangomana kesa ke reia na maleamu.