Linge 97:10 - Ghari

¹⁰ Na Taovia e galuvegira igira ara reisavia na sasaga seko; maia e reitutugudoua na mauriqira nina tinoni; me laumaurisigira tania na susuligaqira na tinoni vanga tsutsukibo.

Linge 97:10 Referans Kwoze

Goko Tabana 8:13

Aia e kukuni tania na Taovia e reisavigira na omea seko; inau au reisavi sosongolia na kaekae ma na koesegeni, na sasaga tabaru ma na goko peropero.

Roma 12:9

Nimui galuve ke mana saikesa, me ke tau malapalu. Kamu tsoniligia na omea e seko, ma kamu tangolikakaia na omea e dou.

Linge 145:20

Na Taovia e reitutugugira igira sui ara galuvea, me sauba ke matesigira na vanga tsutsukibo.

Linge 34:14

Piloligi tania na nauseko ma kamu naua moa na omea e dou; mi tana tobamui popono kamu ngongoragi matena moa na totu tana goto ma na rago.

Jeremia 15:21

Inau sauba kau laumaurisigo tania na limaqira na tinoni vanga tsutsukibo, ma na vanga tangopeke seko. Inau nogo na Taovia au tsaria na omea iani.”

Amos 5:15

Kamu reisavia na omea e seko, ma kamu reingaoa na omea e goto, ma kamu reia kamu pedegoto i laona pipi sui nimui sai na pede. Me tau utu na Taovia sauba ke galuvegamu tugua igamu na tinonina na vera iani amu kauvisu.

Daniel 3:28

Ma na taovia tsapakae e tsaria, “!Ka tsonikaea tu niqira God a Sadrak, ma Mesak, ma Abednego! Aia nogo e molomaia kesa nina angelo ke laumaurisitugira na mane tugirani ara tu aqovania mara tu norua. Ara tu petsakoe vaniau mara tu sove na muriana niqu ketsa au moloa, mara tu bisâ tu mauriqira mara tu sove na tsuporu tsuna ma na samasama vaniana sa god tavosi, maia lelê moa tu niqira God.

2 Tesalonika 3:2

Kamu nongigotoa God ke maurisitugami tania na limaqira na tinoni seko. Rongona e tau igira sui na tinoni kara tutunina na gokona na Turupatu Dou.

Goko Tabana 2:8

Aia e reitutugugira igira ara naua na pede atsa vanigira na tinoni tavosi, me mataligira igira ara aqo dou vania.

Linge 31:23

Galuvea na Taovia igamu sui nina tinoni. Na Taovia e reitutugugira igira sui ara totukakai i konina, me kedegira na tinoni vanga kaekae vaga nogo e tugua na matena niqira sasaga ara naua.

1 Ioane 5:18

Igita sui a dona laka e utu vania kesa na dalena God ke totu matengana moa na sasi. Rongona God Dalena nogo e matali sailaginia, me gini utu vania na tidao seko na tubulaginiana.

1 Ioane 4:19

Igita a dona na galuve, rongona God nogo e ida na galuveada.

1 Petero 1:5

Eo, ara totu vanigamu nogo igamu, rongona igamu amu tutunina manana nogo God. Maia e tangoli ravitigamu tana susuligana, gana kamu gini tamanina na mauri laka e vangaraunogoa na saulabatiana vanigamu tana susuina na dani.

Iakobo 2:5

!Kamu rorongo dou, tasiqu galugaluve! God e viligira na tinoni sekona lee i barangengo kara gini tamani tsapakae na tutuni, ma kara gini tamanina na verana God e vekenogoa vanigira igira ara galuvea.

Daniel 6:27

Aia moa e laumaurisigira na tinoni tania na mate, me naugira na omea ganataga ma na valatsatsa i baragata mi barangengo. Maia nogoria e laumaurisia a Daniel tania na mangaqira na laeone.”

Na Katemai 13:8

Migira sui na tinoni ara mauri i barangengo sauba kara samasama vania moa aia, igira moa tagara igira e totu na soaqira idavia na volana na barangengo i laona na papi na mauri e tamanina na Dalena Sipi aia ara labumatsinogoa.

Iakobo 1:12

Ke mage aia na tinoni e dona na tukakai kalina na tabotabo e tovo lea. Rongona kalina ti aia ke tangomana na putsi taniana na tovo ia, me sauba God ke sauvania na peluna na maurilaka vaga aia e vekenogoa vanigira igira sui ara galuvea.

1 Korint 8:3

Maia moa na tinoni e galuvea God, ma God e donaginia aia.

Isaia 45:17

Ma na Taovia aia segenina nogo e maurisigamu igamu na Israel, ma gamui tangomana sauba ke totu saviliu; me utu saikesa kara paluvangamamui goto.’ ”

Goko Tabana 3:7

Ko laka saikesa na padaana laka igoe o sasaga sosongo; ko rongomangana moa na Taovia mo ko sove na nauana na omea e sasi.

Linge 125:3

Igira na vanga tsutsukibo e utu kara tagaovikaputi sailaginia na veraqira na tinoni e goto niqira sasaga. Me ti vaga kara nauvaganana ia, me tau utu igira segeni goto na tinoni dou kara naua na omea e seko.

Linge 119:163

Inau au reisavi sosongoligira pipi sui na goko pero, mau reingao sosongolia moa nimu ketsa igoe.

Linge 91:14

God e tsaria, “Inau sauba kau maurisigira igira ara galuveau, ma kau reitutugudougira igira ara donaginia laka inau nogo niqira Taovia.

1 Petero 1:8

Me atsa moa ti amu tau vati reilakana moa a Iesu Kristo, migamu amu galuvenogoa. Amu tutunina, atsa moa ti amu tau morosilakana kalina eni. Mamu gini magemage tana mage loki e utu na tsaritutuguana tana goko.

Roma 7:24

!Tinoni seko nomoa inau! ?Masei ke maurisiau tania na susuligana na sasi e aqo i laona na koniqu me raqaau baa vania na mate?

Roma 7:15

Au tau donagadovia nagua au naua, rongona au tau naua na omea au ngaoa na nauana, mau naua moa na omea au reisavia mau tau ngaoa na nauana.

Daniel 6:22

Niqu God nogo e molomaia kesa nina angelo ke gavusia na mangaqira na laeone rongona kara tau gatiginiau. Aia e nauvaganana ia rongona e donaginia laka inau au tau sasi, mau tau goto nauvanigo igoe taovia sa omea seko.”

Linge 119:104

Au adia na sasaga loki tana nimu ketsa nogo igoe, maia nogoria na rongona te au gini reisavigira pipi na vatana na aqo seko.

Linge 101:3

me utu goto kau tamivania sa omea seko ke totu i laona. Au reisavi sosongolia niqira omeomea igira ara piloligi tania God; mau tau goto ngaoa kara sage i valequ.

Linge 36:4

Mi kalina aia e tsaro i nigena me totu matengana moa na pada manogatiana na omea seko sauba aia ke naua; me tau lelê goto naua sa omea ke dou, me tau goto dona na sove taniana pipi na omea e seko.

Linge 121:7

Na Taovia sauba ke didia tanigo pipi sui na omea seko; me ke reitutugua na maurimu.

Amos 5:14

Kamu lavea moa na omea e dou, me tau na omea e seko, rongona kamu gini mauri. Me ti vaga igamu kamu nauvaganana ia, maia na Taovia God Susuliga Sosongo sauba ke totu kolugamu vaga nogo amu tsaria.