Linge 97:1 - Ghari

¹ !Na Taovia e taovia tsapakae! !Igoe na barangengo ko gini magemage! !Migamu goto na momoru sui ni tasi kamu mage loki!

Linge 97:1 Referans Kwoze

Kolose 1:13

Aia nogo e maurisigita tania na susuligana na rodo e tangoli kaputigita i sau, me adigita baa tana verana na Dalena galugaluve,

Linge 99:1

Na Taovia aia nogo e taovia tsapakae; migira na tinoni sui ara gariri i matana. Aia e totu tana nina sasana na totukae i kelana na rapoqira na angelo, me gini kakasisi popono na barangengo.

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Na Katemai 11:17

mara tsaria, “!Taovia God susuliga sosongo, igoe o totu kalina eni, mo totu nogo tuu tana tuturigana! !Igami ami soadougo rongona igoe o adidatonogoa na susuligamu loki, mo tuturiga na gini tagao!

Marko 11:10

!Soadoua God rongona e varangi nogo ke labavisumai tugua aia na tagao susuliga atsa vaga na tamada a David i sau! !Ka soalokia God!”

Sepania 2:11

Na Taovia sauba ke molo matagu vanigira, me ke adipukalia gaqira susuliga na god peropero sui tana barangengo. Mi tana ti igira na tinoni sui kara dona na samasama vaniana moa aia pipi tana niqira kao segeni.

Isaia 49:13

!Ko linge igoe na baragata! !Ko gudato tana magemage igoe na barangengo! !Igamu na vungavunga kamu linge loki! Rongona na Taovia sauba ke veregira nina tinoni me ke galuvegira igira ara rota.

Tuturigana 10:5

migira nogo na mumuaqira igira na tinoni ara totu liligina tasi mi tana momoru tetelo. Igira nogo na kukuana a Japet, ara mauri i laona niqira puku ma na veraqira tatavosi, me pipi kesa na alaala ara gini goko niqira goko segeni.

Mateo 6:13

Ko laka mololegami vania na tabotabo, mo ko maurisigami tania na seko sui.’

Mateo 6:10

ko mai ko tamanigami sui; kami rongomia na gokomu igami i lao vaga igira i gotu.

Mateo 3:3

A Ioane aia nogo na mane a Isaia na propete e gini goko tana rongona kalina aia e tsaria: “E kesa e guguu i laona na legai mangu me tsaria: ‘!Vangarau manogatia na sautu vania na Taovia, gotolia na nauna tana aia ke liu!’ ”

Isaia 66:19

mi tana ti kara donaginia laka inau nogoria na Taovia au kedegira. “Me sauba nomoa kau gaegira ke visana vidaqira, ma kau molovanogira i laoqira na puku tavosi tana momoru ao gana kara katevulagia gaqu tangirongo tsapakae vanigira igira ara tau vati rongomia moa se kara reilakana gaqu loki tsapakae ma na susuligaqu. Sauba kau molovanogira i Spain, mi Libia, mi Lidia i tana na tinoni ara dona sosongo na gini vanavana na parige, mi Tubal, mi Gris.

Isaia 60:9

Igira nogo na vaka ara maimai talu tana momoru ao, mara adivisumaigira tugua nina tinoni God, kolugotoa danga na siliva ma na qolumila, gana na tsonikaeginiana na asana na Taovia, na God Tabu ni Israel, rongona aia e naua migira na puku sui ara padalokigira nina tinoni.

Isaia 51:5

Inau sauba kau mai tsaku ma kau laumaurisigira, eo, e maimai varangi nogo na tagu niqu tangomana. Inau segeniqu nogo sauba kau tagaovi kaputigira na puku sui. Igira sui ara totu i tasi taligu ara amesi sosongolia laka kau mai inau ma kau laumaurisigira.

Isaia 49:1

!Kamu rongomiau inau igamu na tinoni tana vera ao mi tana tasi taligu! Idavia kalina au tau vati botsa inau, ma na Taovia e viliau, me moloau kau lia nina maneaqo.

Isaia 42:4

Me sauba e utu goto ke terevia se ke suga tania nina aqo, poi tsau ke turuvagania na pedegoto tana barangengo. Migira na momoru sui ni mao ao ara amesi sosongolia na rongomiana nina sasani.”

Isaia 41:5

“Igira na tinoni tana vera ao ara reinogoa na omea au naugira inau, mara gini matagu loki mara gagariri. Me vaga ia migira sui lakalaka ara saikolumai.

Isaia 11:11

Mi kalina ke labamai na tagu ia, maia na Taovia sauba ke gini aqo tugua na susuligana loki, me ke adivisumaigira nina tinoni, igira ara totuvisu moa i Asiria, mi Ejipt, mi Patros, mi Sudan, mi Elam, mi Babilonia, mi Hamat, mi tana vera sui i tasi taligu, ma na momoru i tasi.

Linge 2:11

Kamu aqo vania moa na Taovia tana kukuni loki.

Sekaria 14:9

Mi tana ma na Taovia sauba ke taovia tsapakae kaputia na barangengo popono, migira na tinoni sui sauba kara donaginia laka e kesa moa na God ma kara samasama vania.