Linge 96:2 - Ghari

² !Linge vania na Taovia ma kamu tsonikaea! Pipi dani kamu katevulagia laka aia nogo e maurisigita.

Linge 96:2 Referans Kwoze

Marko 16:15

Maia e tsarivanigira, “Kamu liu tana barangengo popono, ma kamu turupatuna na Turupatu Dou vanigira na tinoni sui.

Linge 71:15

Me sauba kau tau kuti na gini turupatuna tana rongona nimu doulaka saviliu; mi tana dani popono sauba kau gini goko moa na douna nimu sasaga igoe o maurisiginiau, atsa moa ti e utu vaniau moa na padagadoviana.

Linge 40:10

Au tau goto molopoia i tobaqu segeni na turupatu dou ia laka igoe nogo o suivisugami. Au katevulagia pipi kalina laka igoe o doulaka saviliu mo ngaoa moa ko sangagami. I laona niqira lotusai nimu tinoni inau au tau totu mui tana rongona nimu doulaka saviliu ma nimu galuve vo oli.

Isaia 40:9

Ko dato bâ i kelana kesa na vungavunga katsi, mo ko ba turupatuna na turupatu dou vanigira i Jerusalem. !Ko gudato me ke tangi loki bâ na liomu kara gini rongomia igira sui tana Sion! Ko gokolaba mo ko laka goto na matagu. Ko tsarivanigira na tinoni pipi sui tana vera ni Juda laka e maimai nogo niqira God!

Linge 145:1

Sauba kau tsonikaego sailagi igoe niqu God ma niqu taovia tsapakae; ma kau soadougo na dani ma na dani.

Na Katemai 5:13

Mau rongomigira goto pipi na omea vovola sui ni gotu mi lao, mi vavana na barangengo, mi laona goto na tasi, eo, igira sui lakalaka na omea mamauri sui tana qoae popono, ara lilinge mara tsaria, “!Ka soadatoa ma ka soalokia, ka tsonikaea ma ka padamamavasia na susuligana loki, aia e totu tana nina sasana na totukae ma na Dalena Sipi na dani ma na dani!”

Epesus 1:3

Igita ka soadoua God na Tamana nida Taovia Iesu Kristo. Rongona aia e vangalaka sosongo vanigita i laona nida mauripata koluana a Iesu Kristo, me tusuvanigita pipi sui na vangalaka ni gotu.

Aqoaqo 13:26

“Gaqu duli igamu na Israel, igamu na kukuana nogo a Abraham, me pipi sui goto na tinoni ni veratavosi amu sangatotu ieni na tsonikaeana God: kamu dona dou laka na turupatu dou tana rongona na mauri saliu e labamai nogo me kalegita sui lakalaka.

Linge 145:10

Taovia, pipi sui na omea igoe o vusagira sauba kara tsonikaego, migira sui nimu toga sauba kara soadougo.

Linge 103:20

Kamu tsonikaea na Taovia igamu sui na angelo susuliga, igamu amu rongomangana aia, mamu muridougira nina ketsa.

1 Turupatu Dato 29:20

Mi muri, ma David e ketsaligira na toga me tsaria, “!Igamu sui kamu tsonikaea na Taovia nimui God!” Mi tana, migira sui lakalaka na toga ara saikolu i tana ara tsonikaea na Taovia niqira God na mumuaqira, mara tao tsuporu i matana na Taovia mi matana goto na taovia tsapakae.

Linge 145:2

Pipi dani moa sauba kau soadougo, ma kau soalokia na asamu na dani ma na dani.