Linge 96:1 - Ghari

¹ !Lingena na linge vaolu vania na Taovia! !Linge vania na Taovia igamu na momoru taligu!

Linge 96:1 Referans Kwoze

Linge 149:1

!Tsonikaea na Taovia! Linge na linge vaolu vania na Taovia. Tsonikaea i laona niqira saikolu igira nina tinoni.

Linge 98:1

!Lingena na linge vaolu vania na Taovia; rongona aia nogo e naugira na omea loki! Tana nina mana segeni mi tana susuligana tabu aia e gini managana.

Linge 33:3

Linge na linge vaolu vania aia. !Taidoua nimui itai tatangi, ma kamu gudato tana magemage!

Na Katemai 14:3

Migira sui na kesa sangatu vati sangavulu vati na toga na tinoni girani igira God e suivisugira tania na barangengo, ara tutuu aro baa i matana nina sasana na totukae na Taovia, mi tu mataqira tu vati na omea mamauri migira na tuqa tabu, mara teaa kesa na linge vaolu igira segeni moa ara dona kara lingena.

Na Katemai 5:9

Mara teaa kesa na linge vaolu mara tsaria, “Igoe e ulagamu sosongo na adiana na viviruna na papi ma na pokatiligiaqira na bubulutina. Rongona igoe nogo ara labumatesigo, mi tana mateamu nogo igoe, o volivisugira na tinoni sui vania God, pipi tana puku, ma na tavosi goko, me pipi sui na duli i laona pipi na vera, me pipi sui na mamatana tinoni.

Roma 15:11

Mara maregotoa, “!Kamu tsonikaea na Taovia, igamu na tinoni ni veratavosi; kamu tsonikaea, igamu na toga sui!”

Linge 68:32

Linge vania God igamu na vera loki sui tana barangengo, kamu lingena na tsonikaeana na Taovia,

Linge 66:4

Igira sui na tinoni tana barangengo popono ara samasama vanigo; ara lingena na tsonikaeamu igoe, mara lingena na tsonikaeana na asamu.”