Linge 94:4 - Ghari

⁴ ?Sauba ke oka koegua goto kara kaekae igira na tinoni vanga nauseko ma kara gini goko kaekae matena na omea seko ara naua?

Linge 94:4 Referans Kwoze

Linge 31:18

Ko muisigira igira na vanga peropero igira sui ara dona na molokae segeniqira ma na goko peapea, mara tsirigira na tinoni e gotodou niqira sasaga.

Linge 52:1

?Rongona gua ti igoe na tinoni loki o gini goko kaekae tana rongona na omea seko o naua vanigira nina tinoni God?

Daniel 7:25

Aia sauba ke goko peâ na God Loki Tsapakae, me ke bingi sekoligira nina tinoni God. Me ke tovogotoa na oliana niqira ketsa na lotu ma niqira dani tabu, migira nina tinoni God sauba kara totu i vavana nina tagao aia i laona ke tolu na ngalitupa ma na turina.

Linge 140:3

Na lapiqira e vaga moa na muata e dona na gatimatesi tinoni; ma niqira tsaqina goko ara gini sekoli tinoni, vaga moa na muata vogata e totu na tabatu i konina.

Mateo 12:34

!Dalena muata igamu! ?Ke koegua vaga ti kamu dona na tsoniana na goko dou, kalina e kuma vaga ia na tobamui? Rongona na mangana tinoni e gini goko moa na omea ara talumai i laona na tobana segeni.

Mateo 12:24

Mi kalina na Parisii ara rongomi vaganana ia, mara gokotugu mara tsaria, “Aia nogoria Beelsebul gaqira taovia na tidao aia nogo e tusuvania na susuligana te aia e gini dona na tsialigiaqira na tidao.”

Daniel 8:11

Maia e tovogotoa laka ke vaitugurugi kolua God aia gaqira Taovia igira na mane vaumate ni baragata, me tongo vanigira na tinoni kara savori kodoputsa vania vaga nogo ara lavu na nauana pipi dani, me bâ me tangopekegotoa na Vale Tabu.

Daniel 7:11

Mi kalina inau au momoro moa, mau rongomia na kakatsana tetelo ia e gogoko kaekae moa me koesegenina sosongo. Mau momoro moa, mau reia ara labumatesia na vatinina omea tuavati atsi, mara tsonisagea na konina i laona na lake, ma na lake ia e ganisuia.

Daniel 7:8

Mi kalina inau au bubungutigira bâ na kakatsana gira, mau rei bâ goto kesa na kakatsana tetelo e datomai i levugaqira na tavosina, maia e vutiligigira tolu na kakatsana ara totu ida nogo i tana. Ma na kakatsa tetelo iani e tamani matana vaga moa na matana tinoni, ma na mangana e tsonia na goko kaekae sosongo.

Jeremia 18:18

Mi tana, migira na toga ara tsaria, “!Ida igita ma ka vorogana mate a Jeremia! Sauba kara totu sailagi moa visana na manetabu kara sau totokoe vanigita, ma na mane sasaga loki kara parovatavigita, ma na propete kara katevulagi vanigita nina goko God. Ida ma ka kelipero gana, ma ka laka goto na rongomiana na omea aia ke tsaria.”

Goko Tabana 30:14

Mara visana tinoni na livoqira ara vavanga vaga na isi ma na gau, gana kara ganigira na tinoni ara tau tamani, migira ara kili sasanga, ma kara gini nangaligi tania na barangengo.

Linge 59:12

Na sasi e totu sailagi moa tana tutubena na mangaqira; pipi gira sui lakalaka niqira tsaqina goko ara tsonia ara sasi sui moa. !Migoe ko naua migira kara sogo segeni i laona niqira kaekae! Rongona nogo ara dona sosongo na vatsa seko ma na goko peropero,

Linge 59:7

Rongomia bâ niqira goko peapea ma niqira goko vavanga ara tsonia. Na lapiqira e vaga saikesa moa ti na isi i laona na mangaqira, mara pada ngatsua laka e tau rongomigira moa ke kesa.

1 Samuel 2:3

Ko laka goto na tsonikae segenimu; ke mui lê na mangamu na tsoniana na goko kaekae. Rongona na Taovia aia na God e donaginigira na omea sui, maia nogo e pedegira pipi na omea sui ara naua igira na tinoni.

Nina Papi A Job 20:5

me tagara nogo sa tinoni vanga tsutsukibo ke dona na magemage oka.

Linge 125:5

Mi kalina igoe ko tû na kedeaqira na vanga tsutsukibo, mo ko kedegira goto igira ara sove na muriana nimu sautu. !Na rago ke totu i Israel!