Linge 94:10 - Ghari

¹⁰ ?Aia e totosasaga vanigira na puku sui, me laka ke tau goto kedegira? ?Aia nogo e taraigira na tinoni sui lakalaka, me laka e tau lelê sasaga aia?

Linge 94:10 Referans Kwoze

Nina Papi A Job 35:11

Maia nogo God e naua te igita a gini sasaga liusigira bâ na omea tuavati ma na manu.

Isaia 28:26

Aia e donaginia nina aqo rongona God nogo e sasaniginia.

Jeremia 10:25

Ke piloa nimu momosatoba, me ke ba gado i koniqira na puku tavosi igira ara tau samasama vanigo igoe, mi koniqira na tinoni ara sove tanigo. Igira nogo ara labumatesigira nimu tinoni; mara toroutsani saikesalia na veramami.

Linge 44:2

laka igoe segenimu nogo o tsialigigira na tinoni ponotoba mo turuvaginigira nimu toga tana niqira kao. Me laka igoe o kedegira na puku tavosi, mo naua mara gini pabo babâ nimu tinoni segeni igoe.

Ioane 6:45

“Ara marea igira na propete laka pipi tinoni kara sasani i konina God. Masei moa e rongomia na Tamaqu me sasani i konina, aia e tangomana vania ke mai i koniqu.

Habakuk 3:12

Tana nimu momosatoba loki igoe o liu tsapatugu tana barangengo popono, mo tsogori tsunagira pipi sui na puku.

Habakuk 1:12

Taovia, igoe o God tu mai nogo tana tuturigana. Igoe niqu God, mo tabu loki mo mauri saliu. Taovia, igoe niqu God ma niqu reitutugu. Igoe nogo o viligira na Babilonia, mo susuligasigira kara gini tangomana na kedeamami.

Amos 3:2

Maia e tsarivaganana iani, “I laoqira na toga sui tana barangengo popono, igamu lelê moa na Israel inau au donaginigamu mau reitutugugamu. Maia nogo na rongona ti inau sauba kau kedegamu kakai matena nimui sasi loki sosongo amu naugira.”

Esekiel 39:21

Na Taovia e tsaria, “Inau sauba kau kedegira na puku na tinoni sui ara sekoligira niqu tinoni, mi kalina igira kara morosia na omea vaga ia inau au naua tana susuligaqu loki, mi tana ti igira kara tsonikaeginiau.

Isaia 54:13

“Inau segeniqu nogo sauba kau sasanigira nimu tinoni, ma kau molovanigira kara tamani tugua na omea danga ma kara totu dou tana rago.

Isaia 37:36

Mi tana bongi nogo ia, me kesa nina angelo na Taovia e vano tana nauna i tana ara vaturikaegira niqira valepolo igira na Asiria, me labumatesigira ara 185,000 niqira mane vaumate. !Mi tana matsaraka rovorovo na dani ngana, ma na koniqira ara viri tsaro uluvaileqo, migira sui lakalaka ara matepitsu nogo!

Isaia 10:12

Ma na Taovia e tsaria, “Mi kalina na taovia tsapakae ni Asiria ke suilavaginia na aqo inau nogo au molovania ke naua tana Vungavunga Sion mi Jerusalem, mi tana ti inau sauba kau tû ma kau kedea na taovia tsapakae ni Asiria tana rongona e koesegenina me kaekae sosongo vaga ia.”

Isaia 2:3

migira niqira tinoni sauba kara tsarivaganana iani, “Ida gita ma ka ba dato tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai moa i Jerusalem i kelana na Vungavunga Sion; i tana nogo aia e tû te e mologoko bâ vanigira nina tinoni.”

Goko Tabana 2:6

Aia nogo na Taovia e saua na sasaga loki; mi konina segeni moa ia e talumai na donalevo ma na padagado.

Linge 119:66

Ko tusuvaniau na sasaga loki ma na donalevo, rongona au norugira nimu ketsa.

Linge 10:16

Na Taovia aia nogo e taovia tsapakae saviliu na dani ma na dani. Migira sui ara dona na samasama vaniaqira na god tavosi sauba kara tavongani nangaligi lê tania nina kao aia.

Linge 9:5

Igoe o kedegira na tinoni ponotoba, mo matesigira na tinoni vanga tsutsukibo; me sauba ke tagara goto ke kesa ke padavisugira.

Linge 149:7

gana kara tuliusiginigira na puku tavosi sui, ma kara kedegira na tinoni i laoqira;

Nina Papi A Job 28:28

Ma God e tû me tsarivaganana vanigira na tinoni, ‘Ti vaga kamu ngaoa kamu tamanina na sasaga loki, ma nimui aqo kamu kukuni tania na Taovia. Me ti kamu ngaoa kamu dona na padagadovi omea, ma nimui aqo kamu piloligi tania pipi na nauseko.’ ”

Nina Papi A Job 34:29

“?Me ti vaga God ke tau goto padangaoa na nauana sa omea, me laka tangomana kesa ke vaitsarigana? ?Me ti vaga aia ke poia na ngorana, masei sauba ke reilakana? Maia segenina moa e reitutugu kaputigira na tinoni ma na vera sui,