Linge 93:1 - Ghari

¹ Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Linge 93:1 Referans Kwoze

Linge 96:10

Ma kamu katevulagia vanigira na puku tavosi sui laka “!God aia segeni moa e taovia tsapakae! Aia nogo e vaturikakaia na barangengo, me utu goto ke ratsu bamai; me sauba aia nogo ke pedegira na tinoni sui tana pedegoto.”

Linge 99:1

Na Taovia aia nogo e taovia tsapakae; migira na tinoni sui ara gariri i matana. Aia e totu tana nina sasana na totukae i kelana na rapoqira na angelo, me gini kakasisi popono na barangengo.

1 Turupatu Dato 29:12

Pipi sui na tamani levo ma na tangirongo ara talumai moa i konimu igoe; igoe nogo o tagaovigira pipi sui na omea tana gamu susuliga loki mi tana nimu mana; migoe moa tangomana ko naua me ke tangirongo me ke susuliga asei moa igoe o ngaoa.

Na Katemai 19:6

Mi muri, mau rongomia kesa na omea e maququ vaga kalina ara gogoko kesa na alaala loki, ma na tatangina e qulututu vaga na alealena na sasavu na ko loki, me vaga na podana na vivisa. Mau rongomigira ara tsaria, “!Ka tsonikaea God! !Rongona na Taovia nida God Susuliga, aia segenina nogo e Taovia Tsapakae!

Linge 103:19

Na Taovia e vaturia nina sasana na totukae i gotu i baragata; maia e taovia tsapakae kaputigira na omea sui.

Linge 65:6

Tana susuligamu nogo igoe o turuvaginigira na vungavunga tana sasaqira, mo saulabatiginia gamu mana loki sosongo.

Isaia 45:18

!Na Taovia aia e aqosia na masaoka, aia segeni nogo e God! Maia e vusâ na barangengo me naua ke gini tukakai me ke totu saviliu. Maia e tau naua gana ke totu mangu lê moa, ma gana na tinoni kara totuvia. Maia nogo e tsaria, “Inau nogo na Taovia, me tagara sa god tavosi.

Isaia 45:12

Inau nogo au aqosia na barangengo, mau vusagira na mamatana tinoni kara totu i laona. Tana susuligaqu segeni nogo inau au tatakatsinia na baragata; mau tagaovi kaputia na aso, ma na vula, migira na veitugu.

Linge 97:1

!Na Taovia e taovia tsapakae! !Igoe na barangengo ko gini magemage! !Migamu goto na momoru sui ni tasi kamu mage loki!

Linge 59:13

te e dou igoe ko matesiligigira tana koremu loki; mo ko matesiligigira saikesa. Mi tana nogo ti igira sui lakalaka na tinoni kara donaginia laka igoe nogo God o tagao popono i laona na Israel, migoe nogo o tagaovi kaputia na barangengo popono.

Hibru 1:8

Mi tana goko e kalea na Dalena segeni nogo, God e tsaria: “!Nimu tamani, igoe Taovia God, sauba ke totu kalavata, me utu ke sui! O tagaovigira nimu tinoni tana pede goto.

Isaia 59:17

Aia sauba ke sagelia na pedegoto ngiti tako, ma na susuligana gana na maurisi tinoni ngiti kepi tapala. Me ke gini popolo na papada susuliga gana na gotosiaqira na omea ara tau goto, ma na tangotuguaqira nina toga tana rongona na pede tau goto ara rotasiginigira.

Isaia 49:8

Ma na Taovia e tsarivanigira nina tinoni, “Kalina ke labamai na tagu i tana inau kau laumaurisigamu, me sauba kau rongomia nimui ngangai dato vaniau ma kau sangagamu. Inau sauba kau mataligamu ma kau reitutugugamu, mi konimui nogo igamu ti inau kau naua kesa na vaitasogi kolugira na tinoni tavosi sui. Ma kau tamivanigamu kamu totuvitugua nimui butona kao e totu seko lê kalina ia.

Isaia 11:5

Eo, sauba aia ke tagaovigira nina tinoni tana pedegoto ma na manana laka.

Linge 145:13

Igoe o taovia tsapakae saviliu, mo tagaovi kaputigira na tinoni sui na dani ma na dani. Na Taovia e manaligira na omea sui aia e vekea, mara dou saviliu pipi na omea sui aia e naugira.

Linge 18:32

Maia nogo na God e sangaau inau te au gini susuliga, maia nogo e mataliau te au gini liu dou tana sautu.

Nina Papi A Job 40:10

Me ti ke vaga ia, migoe ko adia na sasaqu inau, mo ko gini popolo gamu tangisoa ngiti inilau, mo ko totu palakae liusigira na tinoni sui.

Mateo 6:13

Ko laka mololegami vania na tabotabo, mo ko maurisigami tania na seko sui.’

Isaia 63:1

?Laka asei vaga aia e maimai talu tana verabau ni Bosra tana Edom? ?Me laka asei nomoa e sagelia na polo tsitsi rereidou sosongo, me maimai tana susuligana loki? “Inau nogo na Taovia, au susuliga na laumaurisiaqira na tinoni, mau gini mai rongona kau tetevagini gokona gaqu tangomana.”

Isaia 52:7

!E dou sosongo na morosiana aia e adi turupatu mai. E ulo gaukutimai tana vungavunga, me adimaia na turupatu dou, na turupatuna na rago! E katevulagia laka God e laumaurisigira nogo nina tinoni, me tsarivania Sion: “!Nimu God aia nogo e taovia tsapakae!”

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Linge 75:3

Me atsa moa ti vaga igira pipi na omea mamauri sui kara gariri, ma na barangengo ke kakasisi popono, minau sauba kau tangolikakaia na pukuna me ke totu kalavata moa.

Isaia 51:16

Inau nogo au tatakatsinia na masaoka, mau moloa na papakana na barangengo. Mau tsarivanigira na tinoni ni Jerusalem, ‘Igamu niqu tinoni inau. Mau tusunogoa vanigamu niqu sasani, mau ravisiginigamu na limaqu.’ ”

1 Turupatu Dato 16:30

migamu sui tana barangengo popono kamu gariri i matana aia. Aia nogo e vaturikakaia na barangengo, me utu goto ke ratsu bamai.

1 Turupatu Dato 16:31

!Kara ka magemage kaira na barangengo ma na masaoka! Katevulagi vanigira na puku tavosi sui laka God aia segeni moa e taovia tsapakae.

Linge 65:7

Igoe nogo o beatasia na kukutuna na tasi loki ma na leleona na kararana na panu; ma niqira galagugû na tinoni.