Linge 92:9 - Ghari

⁹ Migami ami dona nogo laka igira gamu gala igoe sauba nomoa kara mate, me sauba ko sarangasigira na tinoni vanga tsutsukibo.

Linge 92:9 Referans Kwoze

Linge 37:20

Migira na tinoni vanga tsutsukibo sauba kara mate; migira ara gala vania na Taovia sauba kara tavongani dudu lê vaga moa ti na tsitsi atsi. Eo, sauba kara nangaligi lê vaga moa ti na pungu na lake.

Linge 89:10

Igoe o tsogori rapasia Rahab, aia na tuqana vigo na omea loki, mo labumatesia; mi tana susuligamu loki igoe o tuliusiginigira gamu gala.

Luka 21:24

Visana sauba kara tsodoa na mate tana isi, me visana kara tsonitsekagira tana vera tavosi sui. Migira na ponotoba kara sage, ma kara sugutia na Jerusalem popono, poi ke tovu niqira tagu.

Luka 19:27

!Mi kalina ia, kamu adimaigira ieni gaqu gala inau, igira ara tau reingaoa laka inau kau lia gaqira taovia tsapakae, mieni kamu labumatesigira i mataqu!’ ”

Mateo 7:23

Mi tana, minau sauba kau tuu, ma kau tsarivanigira, ‘Inau au tau saikesa donaginigamu. !Kamu baligi taniau inau, igamu na tinoni seko!’

Esekiel 5:12

Me sauba ke kesa turina popono i laomui kara gini mate na liuna na lobogu ma na vitoa i laona nogo na verabau; me ke kesa turina sauba kara labumatesiginigira na isi tabana i tano na verabau; ma na tolunina turina sauba kau sarangisigira bamai tana barangengo popono minau kau adia niqu isi ma kau takuvi tsarigira.

Isaia 17:13

Igira na puku danga ara alamai vaga na tatarina na panu loki, ma God e taimataqira, migira ara pilo mara tsogovisu, maia e pualigigira vaga moa na papasa tana vungavunga ma na buruburu makede i laona na viru.

Linge 73:27

Igira ara piloligi tanigo igoe, sauba manana kara nanga lê sui. Migoe sauba ko matesigira sui igira ara tau totu kakai i konimu.

Linge 68:30

Taovia ko tû mo ko taimataqira na Ejipt, igira na omea tuavati atsi ara mauri i laona na gaugau; ko taimataqira na puku tavosi sui, igira na alaala na buluka mane kolu daleqira, poi tsau kalina igira sui kara mai tao tsuporu i matamu ma kara tusulea vanigo niqira siliva. !Sarangasigira igira na tinoni ara padangaoa moa na nauana na vailabu loki!

Linge 59:11

Niqu God, ko laka na labumatesiaqira, rongona ti vaga kara mate, me sauba niqu tinoni kara padalegira saikesa. Sarangasigira moa ginia na susuligamu mo ko tuliusigira, igoe nogo Taovia gamami tako igami.

Linge 1:4

Migira na tinoni seko ara tau goto dona kara nauvaganana ia; igira ara vaga ti na rau matemate lê, e mai na guguri me lovosaginigira lê.

Tinoni Pede 5:31

!Taovia e dou bâ ti igira sui gamu gala igoe kara mate vaga ia, migira moa na kulamu igoe kara maka vaga na aso kalina e dato vaolu! Mi tana e laba na rago tana vera ia i laona e vati sangavulu na ngalitupa.

Na Vaolusi Ketsa 28:64

“Na Taovia sauba ke sarangasigamu bâ i laoqira na puku tavosi, tû kesa tabana na barangengo me tsau bâ i tabana, mi tana ti sauba kamu aqo vanigira na god peropero ara katsuginigira na gai ma na vatu, na god igamu se igira goto na mumuamui amu tau saikesa samasama vanigira i sau.

Tsoko Tinoni 10:35

Me pipi kalina kara tû na kalagaiana na Bokisi na Taso, ma Moses ke nonginongi vaga iani, “!Ko tû Taovia, mo ko sarangasigira gamu gala, ma kara viri tsogo bamai igira ara reisavigo!”

Aqo Manetabu 26:33

Inau kau adia niqu isi ma kau takuvi rasavaginigamu, migamu sauba kamu viri tsogo piriutsa bamai i laona niqira kao na tinoni ni veratavosi. Ma nimui kao segeni ke totu mangu lê, ma nimui verabau kara toroutsa sui.

Linge 97:9

Taovia Susuliga Sosongo, igoe nogo o tagaovi kaputia na barangengo popono; migoe o loki liusigira bâ pipi sui na god tavosi.

Linge 102:13

Me sauba ko tû mo ko galuvetugua na vera ni Sion; e labamai nogo na tagu na galuveana aia; kalina ieni nogo na tagu dou vania na sangaana.

Linge 102:25

i sau nogo igoe o vusâ na barangengo, ma na limamu segeni nogo o aqosiginia na baragata.