Linge 92:6 - Ghari

⁶ Ma na omea vaga ia, aia na tinoni bule e utugana vania ke donaginia; ma na tinoni tau sasaga e utu goto vania ke padagadovia.

Linge 92:6 Referans Kwoze

Linge 73:22

mi tana inau au bule mau vaga moa ti na omea tuavati e tau tamani sasagana; mau tau goto padagadovigo igoe.

Linge 94:8

?Niqu tinoni igamu, egua sagata ti amu bubulega vaga ia? ?Me sauba kengisa ti kamu sasaga?

Goko Tabana 1:22

“!Igamu na tinoni bule! ?Ke oka koegua sagata kamu ngaoa na totu bule? ?Me ke oka koegua sagata goto kamu totu matengana moa na tsiriana na donalevo? ?Me ke ngisa vaga ti kamu sasaga?

Linge 49:10

Reia, na tinoni sasaga maia goto e dona goto ke mate, atsa vaga goto igira na tinoni bubulega migira ara tau sasaga. Igira sui sauba kara molovisua niqira omea levolevo ara tamanina ke totu vanigira na kukuaqira.

1 Korint 2:14

Masei ti vaga ke tau tamanina na Tarunga Tabu, e utugana vania ke adia na vangalaka e talumai konina nina Tarunga Tabu God. E utu manana vania ke padagadovigira. Ara mala goko bubulega lee moa vania. Igira moa ara tamanina na Tarunga Tabu i koniqira, tangomana kara donaginia nagua nina papada na Tarunga Tabu.

Jeremia 10:14

Migira na tinoni ara tau vaga ia. Igira sui ara bubulega mara tau saikesa sasaga. Migira ara katsugira na titinonina na god peropero sauba kara gini vangamâ, rongona na nununa na god ara aqosia igira ara tau saikesa mana, mara tau mamauri.

Goko Tabana 24:7

Na goko sasaga loki e kakai sosongo vania na tinoni bule na padagadoviana. Aia e tau tamanina sa goko dou ke tsaria kalina igira na tinoni ara gogoko tana rongona na omea e tamani rongona loki.

Luka 12:20

Maia God sauba ke tsarivania na mane vaga ia, ‘!O bule igoe! Tana bongi eni nogo sauba inau kau adiligi tanigo na maurimu igoe. ?Masei sauba ke tamanina pipi nimu omea girani igoe o mololakagira vanigo segeni?’

Isaia 1:3

Migira na buluka mara donaginia asei na tamaniqira, migira na asi mara donaginia na nauna i tana e palagira gaqira taovia. Migira moa niqu tinoni ni Israel ara tau saikesa padagadovia sa omea. Migira bâ na buluka ma na asi ara sasaga liusigira igira.”

Goko Tabana 30:2

“Inau au tau na tinoni manana rongona au tau dona na papada vaga na tinoni. Mau tau saikesa goto dona na papadagado vaga na tinoni.

Linge 32:9

Migoe ko laka goto na bubulega vaga gira na ose se na asi, igira ara tau sasaga, me kilia moa kara tagaoviginigira kesa na itai ara soria i manqaqira, ti kara gini vano tana ke pedevanigira na tamanina kara bâ.”

Linge 14:1

Igira na bule ara tsarisegenia i tobaqira, “E tagara sa God.” Eo, igira sui ara seko pitsu nogo, me seko saviliu pipi niqira sasaga; me tagara goto sa vidaqira ke naua sa omea ke goto.

Linge 75:4

Mau tsarivanigira igira na tinoni vanga tsutsukibo laka kara tau goto kaekae;

Linge 104:24

!Taovia, ara danga sosongo na omea igoe o aqosigira! !Tana nimu sasaga loki nogo igoe o aqosiginigira mara dangali tovua na barangengo!

Linge 139:14

!Au tsonikaego mau kukuni tanigo Taovia rongona igoe o aqosiau dou sosongo, migira sui na omea igoe o aqosigira ara dou sui! Migoe o donaginiau popono.

Isaia 28:29

Na sasaga loki gana na aqo girani e talumai moa i konina na Taovia Susuliga Sosongo. Aia e sasaga loki sosongo me tangomana pipi sui tana omea e naua.

Isaia 55:9

Eo, me vaga nogo na baragata e dato ao sosongo bâ liusia na barangengo, me atsa vaga goto niqu papada ma niqu sasaga inau ara tavosi saikesa tania nimui papada na nimui sasaga igamu.

Jeremia 32:19

O pede sasagalidoua pipi na omea, migoe o naugira na omea loki sosongo. Mo morosigira pipi sui na omea ara naua igira na tinoni, mo saupeluna vanigira taonia niqira aqo ara naua.