Linge 92:5 - Ghari

⁵ !Taovia ara loki sosongo nomoa na omea igoe o naugira! !Ma nimu papada ara vano ao sosongo bâ!

Linge 92:5 Referans Kwoze

Linge 40:5

!Igoe nogo o Taovia mo nimami God mo naugira vanigami danga na omea; me tagara goto ke kesa ke atsa kolugo igoe! Igoe nogo o naumanogati vanigami danga na omea dou sosongo. !Me utugana saikesa vaniau kau tsaritutugugira sui, rongona igira ara danga seko sosongo!

Linge 139:17

!God, e utugana sosongo vaniau kau tsaulia nimu papada igoe; ara danga sosongo vaga sagata ia!

1 Korint 2:10

Igira tsotsodo nogoria na omea God e poia i sau vanigira na tinoni, me katevulagigira vanigita kalina eni ginia nina Tarunga Tabu. Na Tarunga Tabu nogo e vilekedoua i laona pipi sui na omea, me vosa baa i laona nina papada popoi God.

Linge 111:2

!Ara dou sosongo nomoa na omea na Taovia e aqosigira! Migira sui ara gini magemage na adiaqira, ara ngaoa kara padagadovigira dou bâ.

Na Katemai 15:3

Mara lilinge gana linge a Moses aia nina maneaqo God, ma gana linge goto na Dalena Sipi: “!Eo, kiki igoe Taovia God susuliga sosongo, ara loki sosongo mara dou rago nomoa nimu aqo sui! !Igoe o Taovia Tsapakae tana vera sui, mara gotolaka mara mana sosongo nimu sautu sui!

Isaia 28:29

Na sasaga loki gana na aqo girani e talumai moa i konina na Taovia Susuliga Sosongo. Aia e sasaga loki sosongo me tangomana pipi sui tana omea e naua.

Linge 104:24

!Taovia, ara danga sosongo na omea igoe o aqosigira! !Tana nimu sasaga loki nogo igoe o aqosiginigira mara dangali tovua na barangengo!

Linge 66:3

Tsarivania God, “!Ara loki sosongo manana na omea sui igoe o naugira! Eo, e loki sosongo nomoa na susuligamu, aia na rongona ti igira gamu gala ara taotsuporu i matamu tana matagu.

Jeremia 23:20

me utu goto ke puka poi tsau kalina aia ke naugira pipi sui na omea e padangaoa na nauana. Mi tana tagu ke mai, migira nina toga sauba kara padagadovidoua na omea iani.”

Sasani Sasaga 7:24

?Sauba ke naukoeguania ke kesa ti ke tangomana na tsodovulagiana nagua na rongona na mauri? Aia e utugana sosongo vanigita igita, me kakai sosongo na pada gadoviana.

Linge 36:6

Nimu gotolaka e dato ao vaga ti na vungavunga; ma nimu pedegoto e vaga moa na maona na mao rodo i tasi. Na tinoni me pipi na omea mamauri sui ara totu dou i limamu igoe.

Linge 64:6

Ara vorogokona sai laka kara naua na omea seko mara tsaria, “Igita a botsangia na nauana kesa na tsutsukibo loki sosongo.” Eo, na papada e totu popoi i laona na tobana tinoni e kakai sosongo nomoa na padagadoviana.