Linge 92:13 - Ghari

¹³ Ara vaga moa na gai ara tsukagira i laona na valena na Taovia, mara dato magobu i laona nina Vale Tabu nida God.

Linge 92:13 Referans Kwoze

2 Petero 3:18

Ke dato babaa i tobamui nina vangalaka God, ma kamu gini padagadovidoua baa na sasani tana rongona a Iesu Kristo nida Taovia ma nida Vagamauri. Aia igita ka tsonikaea i dani eni, mi tana dani ma na dani. Amen.

Isaia 61:3

ma kau tusuvanigira igira ara ngangai i Sion na magemage loki ke oliginia niqira ngangai, ma na linge na tsonikae ke oliginia niqira melu. Sauba kara vaga na gai kakai aia segenina nogo na Taovia e tsukagira. Migira sui sauba kara naua moa na omea ke gotolaka, ma kara tsonikaea God tana rongona na omea loki aia e naua.

Epesus 3:17

Mau nongia a Iesu Kristo ke mai totu i tobamui tana tutuni. Au nonginongi vanigamu rongona na galuve ke gini lamuga kakai me ke totu pukuga tana maurimui.

Roma 6:5

Rongona ti vaga igita a patakolua a Iesu Kristo tana mateana, me sauba ka patakolugotoa tana maurivisutuguana.

Linge 100:4

Sage bâ i laona nina Vale Tabu, mi tana kamu soadoua ma kamu tsonikaea. Kamu soadoua ma kamu tsonikaea na asana.

Isaia 60:21

Migira nimu tinoni sauba kara naua moa na omea e gotolaka, ma kara totuvi sailaginia nimu kao. Inau nogo au volagira mau tsukagira, rongona kau gini sauvulagia gaqu loki tsapakae vanigira na tinoni sui.

Linge 135:2

igamu amu tutû i laona na valena na Taovia, i laona nina Vale Tabu nida God.

2 Turupatu Dato 4:9

Mara aqosigotoa kesa na pakoka i tabana i laona vanigira na manetabu, me kesa goto na pakoka tabana i taba. Ma na bani gira tana matsapa ka levugaqira na pakoka kaira ara tsavu poponoginigira na tapalamila.

Roma 11:17

Visana vidaqira na arana na gai tsukatsuka ara tabakeligi, mara tuu, mara dongaginia na arana kesa na gai atsi. Igamu na tinoni ni veratavosi, amu vaga saikesa na gai atsi. Mi kalina eni amu sangapata tana susuligana ma na maurilaka e talu i koniqira na Tsiu.

Esta 9:4

Migira na tinoni sui tana Persia popono ara donagininogoa laka a Mordekai e lia nogo na mane loki i laona nina aqotagao na taovia tsapakae, me dato babâ moa gana susuliga.

Linge Na Galuve 4:11

Niqu udu galugaluve, nimu goko e rorongo dou sosongo vaniau, vaga moa na puina na bulumitsua ma na tsetserena na miliki tana mangaqu; ma na polomu ara sigini dou vaga moa na siginina na gai ni Lebanon.

Linge Na Galuve 5:15

Mi kaira na kakabana ara vaga moa ruka na tuguru ara aqosiginia na vatu sere, mara ka tukae bâ tana tuguta qolumila. Me rerei dou sosongo vaga moa na Vungavunga ni Lebanon, kolugira nina gai na sida katsi.

Hosea 14:5

Me sauba kau vaga na usa e tumu tana kao mamatsa vanigira na tinoni ni Israel. Igira sauba kara tavuresi vaga moa na tsitsi, ma kara lamuga kakai vaga moa na gai ni Lebanon.