Linge 92:12 - Ghari

¹² Migira na tinoni ara totugoto i matana God, sauba kara dato magobu dou vaga nogo na gai na niu tana kao dou; ma kara katsi vaga na gai na sida ni Lebanon.

Linge 92:12 Referans Kwoze

Linge 1:3

Aia e vaga moa ti kesa na gai e vovodato i ligisana na ko tsatsali, me gini molo vuana dou tana tagu laka, me tau goto dona ke matsele lê na rauna. Maia na tinoni vaga ia e tangomana sailagi pipi tana aqo sui e naua.

Jeremia 17:8

Aia e vaga saikesa na gai e vovodato i liligina na ko tatave, ma na lamuna e tete vano tana kô. Aia e tau dona ke padasavi kalina ke laba na tagu na papara, rongona na rauna ara totu marao dou moa; mi kalina ti vaga ke tau tumu na usa, me utu goto ke gini boe, e molo vuana babâ rago moa.

Linge 104:16

Ma na usa e tumutsuna dou i koniqira na gai na sida ni Lebanon igira nina gai segeni nogo na Taovia, aia nogo e tsukagira.

Linge 52:8

Minau au vaga saikesa moa ti kesa na gai na olive aia e vovodato i laona na valena God; au norukakaia na galuvena God aia e vo oli na dani ma na dani.

Tsoko Tinoni 24:6

mara vaga moa na gai na koirou ara tû pala tete, se vaga na uta ara aqoa ligisana kesa na kô loki. Ara vaga na gai dou na Taovia segenina nogo e tsukagira, se ara vaga na gai na sida i ligisana na kô tatave.

Amos 2:9

“Mi tana rongomui nogo igamu niqu tinoni, ti inau au sugutiligigira saikesa na Amor, igira na mane ara katsi vaga na gai na sida, mara susuliga vaga na gai na ramo.

Linge 72:7

Tana maurina aia, ke gini dato varimauri na pedegoto ma na rago poi ke rodo saikesa na mararana na vula.

Isaia 55:13

Migira na gai na aru sauba kara dato i tana ara totu na gai kakaruga kalina ia, migira na volana na gai rerei dou sauba kara botsadato tana sasaqira na itai totoro. Ma na valatsatsa iani sauba ke totu saviliu ngiti papadana na omea loki sui inau na Taovia au naugira.”

1 Taovia Tsapakae 6:29

Ma na ponoponona i laona na voki loki mi laona goto na voki tabu ara inilau poponoginia na nunuqira na angelo, ma na gai na koirou, ma na latsena gai ara kavitsonigira.

Linge 92:7

Me atsa moa ti igira na vanga tsutsukibo kara vovodato vaga moa ti na buruburu lê, migira na vanga nauseko kara tamani levo, me sauba nomoa ko matesiligigira sui lakalaka,

1 Taovia Tsapakae 4:33

Me gini goko sasaga tana rongoqira na gai ma na omea sui e dato tana kao e tû tana gai na sida ni Lebanon me tsau tana itai e dato segeni tana buriti na vale. Me gini goko goto tana rongoqira na omea tuavati, ma na manu ma na omea ara tere tana kao, ma na tsetse.

Linge 148:9

Tsonikaea igamu na tetena ma na vungavunga, na vuagai mutsamutsa sui ma na goana atsi;

Esta 9:5

Me vaga ia, migira na Tsiu ara tangomana kara naua na omea gua moa ara ngaoa kara nauvanigira gaqira gala, mara tû mara ba labumatesiginigira niqira isi.

Linge 37:34

Norukakaia na Taovia ma kamu muridougira nina ketsa sui; maia sauba ke padalokigamu me ke tusuvanigamu na kao, migamu sauba kamu reia kalina aia ke tû me ke tsialigigira igira na tinoni vanga tsutsukibo.

Mika 7:10

Mi tana ti igira gada gala kara reia e laba vaga ia, me sauba kara gini vangamâ lê, igira nogo ara gilu gada tana idana mara veisuagita vaga iani, “?Laka iava e totu aia na Taovia nimui God?” Migita sauba ka reia kalina na Taovia ke tsogori pukaligira, ma na tinoni kara tsotso i kelaqira vaga moa ti na boko tana sautu.