Linge 91:4 - Ghari

⁴ Aia sauba ke tsavupoiginigo na rapona, migoe sauba ko totu raviravi dou i laona nina reitutugu aia; ma nina doulaka na Taovia sauba ke lia gamu tako me ke isutugumu.

Linge 91:4 Referans Kwoze

Linge 61:4

Tamivaniau moa ma kau ba totu i laona nimu Vale Tabu tana mauriqu popono; ma kau tsodoa na nauna raviravi dou i vavana na rapomu igoe.

Linge 57:1

Ko galuveau kiki niqu God, ko galuveau, rongona inau au mai kau toturavi i konimu. Tana auauna na rapomu igoe inau kau toturavi poi tsau ke puka na legai loki.

Linge 17:8

Ko reitutuguau vaga igoe o reitutugua na lakana matamu. Ko molopoiau tana auauna na rapomu,

Na Vaolusi Ketsa 32:11

Vaga na manuloki e sasania na dalena na lovo, mi kalina e reia laka e varangi ke puka, maia e tabedouginia na rapona, me vaga goto na Taovia e tabedougira na Israel mara gini tau puka.

Linge 35:2

Ko adia gamu tako ma gamu sagore mo ko mai isutuguqu.

Tuturigana 15:1

Kesa tana tagu i muri, ma na Taovia e goko vania a Abram tana moro me tsarivania, “A Abram ko laka na matagu. Inau sauba kau dilago tanigira sui na omea seko, ma na pelumu sauba ke loki sosongo.”

Mateo 23:37

“!Jerusalem, Jerusalem! !Igira na tinoni i laomu ara labumatesigira na propete, mara taimatesigira nina mane adigoko aia God e molomaigira vanigo! !Danga nogo kalina au ngaoa laka kau adisaigira nimu tinoni, vaga moa na kudo kalina aia e sarosaigira na dalena tetelo i vavana na rapona, migoe o tau saikesa tamivaniau!

Nina Papi Ko Rut 2:12

Na Taovia ke sauvanigo na peluna nimu aqo sui igoe o naugira. !Ma na Taovia na God ni Israel, aia igoe o mai totu vataragi i konina, aia nogo ke sauvanigo na matena popono nimu aqo dou!”

Marko 13:31

Na baragata ma na barangengo sauba kara ka nangaligi lee, ma niqu goko inau e utu saikesa kara nangaligi.

Linge 138:2

Au tsuporu vanigo i matana nimu Vale Tabu, mau tsonikaea na asamu rongona igoe o mana vaniau ma nimu galuve e vo oli; mo sauvulagia vaniau laka na asamu igoe, migira sui nimu ketsa, ara loki tsapakae.