Linge 91:2 - Ghari

² aia moa e tugua ke tsarivaganana vania, “Taovia igoe nogo o isutuguqu mo reitutuguau. Igoe niqu God; minau au norugo.”

Linge 91:2 Referans Kwoze

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Goko Tabana 18:10

Na Taovia e vaga moa na kusudato susuliga, i tana tangomana kara ba totu raviravi igira e gotolaka niqira sasaga.

Isaia 12:2

God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

Linge 142:5

Taovia au ngangaidato vanigo ko sangaau; Taovia igoe nogo niqu reitutugu; igoe segeni moa au ngaoa kau tamanina tana mauri ni lao eni.

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 71:3

Ko didisiau, mo ko lia niqu mani toturavi i tana kau bâ totu raviravi, rongona igoe nogo o ravisiau mo isutuguqu.

Linge 14:6

Na tinoni vanga nauseko ara tovoa laka kara utusia nina aqo na tinoni palatsuna, ma na Taovia aia segeni nogo e sogogana.

Linge 91:9

Igoe o dona na ba totu raviravi i konina na Taovia, mo tamivania aia e Susuliga Sosongo ke reitutugugo.

Hibru 11:16

Me tagara. Ara pada sosongolia moa kesa na veraqira dou sosongo baa, aia nogo na vera e totu i gotu. Ma God e tau goto gini vangamaa tanigira kalina igira ara tuu mara tsarivania, “Eo, igoe nogo nimami God igami.” Rongona aia e vangarau manogatinogoa vanigira kesa na veraqira loki i gotu.

Linge 48:14

ma kamu tsarivanigira, “Aia nogoria e God nida God e totu saviliu na dani ma na dani; aia nogo sauba ke tudumigita tana tagu sui ke bâ me ke bâ.”

Tuturigana 17:7

“Inau sauba kau manalia niqu veke au nauvanigo igoe, me vanigira goto na kukuamu kara botsamai i muri vaga na taso saliu. Inau sauba kau lia nimu God igoe, ma niqira God goto igira na kukuamu.

Luka 20:38

I tana nogo e gini labamaka laka igira na tinoni sui kara maurivisu tania na mate rongona God aia niqira God igira ara mauri, me tau niqira God igira ara mate rongona i matana God na tinoni ara totu mamauri saviliu.”

Jeremia 31:1

Na Taovia e tsaria, “E maimai varangi nogo na tagu i tana inau sauba kau lia niqira God pipi sui na puku tana Israel, migira kara lia niqu tinoni.

Linge 43:4

Mi tana ti sauba inau kau ba tû i matana nimu belatabu igoe niqu God, igoe nogo na pukuna niqu magemage. Me sauba kau taia niqu itai tatangi ma kau lingena na tsonikaeamu, igoe God mo niqu God.

Linge 18:3

Inau au ngangaidato vania na Taovia, maia e laumaurisiau tania na limaqira gaqu gala. !Tsonikaea na Taovia!

Linge 25:2

Igoe nogo niqu God, minau au noru saikesaligo. !Ko laka na tamiana kara paluvangamaqu lê; mo ko laka na tamivaniaqira gaqu gala kara gini mage rongona igira ara tuliusiau inau!

Linge 31:15

Igoe nogo o reitutuguau sailagi; ko maurisiau tanigira gaqu gala, me tanigira goto igira ara rotasi sosongoliau.

Linge 46:2

Vaga ia, me sauba e utu goto igita ka matagu, atsa moa ti vaga na barangengo ke kasisi popono, ma na vungavunga kara luvu takuti i laona na mao rodo.

Linge 61:5

Igoe God o rongominogoa niqu veke au naua vanigo, mo tusunogoa vaniau na omea vaga ara tamanina igira ara kukuni tanigo igoe.

Linge 142:6

Rongomivatavia niqu ngangaidato vanigo ko sangaau, rongona inau au seko pitsu nogo. Laumaurisiau tanigira gaqu gala; igira ara susuliga liusiau nogo inau.