Linge 91:1 - Ghari

¹ Aia moa e dona na ba toturavi i konina na Taovia, ma na totu kalavata i vavana nina reitutugu aia e Susuliga Sosongo,

Linge 91:1 Referans Kwoze

Linge 32:7

Taovia igoe nogo niqu mani taopoi. Me sauba igoe ko maurisiau tania na omea seko sui. Au lilinge dato vanigo rongona igoe nogo o maurisiau, mo reitutuguau dou.

Linge 27:5

I laona na tagu na rota aia sauba ke ravisiau. Aia sauba ke moloau kau totu raviravi dou i laona nina Vale Tabu, me ke molokaeau ma kau totu dou i kelana na vatu loki.

Linge 36:7

!Igoe God, e loki tsapakae nomoa nimu galuve vo oli! Migami sui nimu tinoni ami dona kami ba totu raviravi i vavana na rapomu igoe.

Linge 17:8

Ko reitutuguau vaga igoe o reitutugua na lakana matamu. Ko molopoiau tana auauna na rapomu,

Linge 31:20

Igoe o molopoigira dou tana nauna raviravi dou i konimu igoe, tania niqira vorogoko sai na tinoni. Mo mologira kesa tana nauna raravi dou, popoi tania niqira gokotsiri gaqira gala.

Isaia 25:4

Igira ara tau tamanina sa omea, migira goto ara kili sasanga, ara tsogo bâ i konimu igoe, mi tana ara gini totu raviravi tana tagu na rota. Migoe nogo o ravisigira tania na legai loki, mo tsavugira tania na paparana na aso loki. Igira na tinoni vanga bingisekoli tinoni ara maiginigami vaga moa na guguri loki tana tagu na bisi,

Linge 121:5

Na Taovia aia nogo sauba ke mataligo; aia e totu kalavata i ligisamu gana ke reitutugugo.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Linge 90:1

Taovia, igoe nogo nimami raravi na dani ma na dani.

Linge 57:1

Ko galuveau kiki niqu God, ko galuveau, rongona inau au mai kau toturavi i konimu. Tana auauna na rapomu igoe inau kau toturavi poi tsau ke puka na legai loki.

Tangitangi 4:20

Mara tangolia aia e tagaovigita dou sosongo, aia nogo na taovia tsapakae na Taovia God e vilinogoa, aia igita a norua laka ke dilagita tanigira sui ara ngaoa na bokiana na verada.

Linge 52:8

Minau au vaga saikesa moa ti kesa na gai na olive aia e vovodato i laona na valena God; au norukakaia na galuvena God aia e vo oli na dani ma na dani.

Linge 25:13

Me sauba kara tau goto kuti na tamaniana na omea levo, migira na daleqira kara tangolidatoa niqira kao i muri.

Linge Na Galuve 2:3

Vaga kesa na gai na gaviga i laoqira na gai sui tana goana, bâ, maia saikesa nogo niqu udu galugaluve i laoqira na mane vaolu sui. Mau gini mage sosongo na totu raviravi tana auauna na gai ia, ma na vuana e puisi sosongolia na lioqu.

Esekiel 11:16

“Mi kalina ia migoe a Esekiel, ko ba mo ko turupatuna vanigira gamu verakolu, igira ara totu tsinogo kolugo, na omea iani inau au tsaria. Inau nogo au molovanogira kara ba totu tsinogo tana veratavosi ao, mau sarangasi bamaigira i laoqira na butona momoru tavosi. Eo, e mana rago laka tana tagu iani igira ara tau tamanina sa Vale Tabu i tana kara mai samasama vaniau, minau sauba nomoa kau totu kolugira igira pipi sui tana butona momoru i tana ara ba totu.

Isaia 8:14

Inau niqira mani toturavi niqu tinoni. Mi tana rongona igira na Israel ma na Juda ara sove taniau inau, ti inau au lia vaga kesa na vatu ara tubulagi i konina; mau vaga goto na pidipidi sauba ke sogotigira na tinoni tana Juda ma na Israel, migira goto na tinoni ni Jerusalem.

Tinoni Pede 9:15

Ma na gai karukaruga e gokovisu vanigira me tsaria, ‘Eo, ti vaga kamu kili mananâ inau kau taovia tsapakae vanigamu, me dou igamu kamu mai ma kamu totu raviravi tana auauqu. Me ti tagara, ma na lake sauba ke irudato talu tana araqu karukaruga me ke ganigira sui na gai na sida ni Lebanon.’ ”