Linge 90:10 - Ghari

¹⁰ E vitu sangavulu lelê moa na ngalitupa igami ami dona na mauri tsaulina, se e alu sangavulu na ngalitupa ti vaga kami tangosuli. Mi laoqira ami tsodoa moa na vatsangisavi ma na rota; na mauri e tau oka me sui lê, migami ami nangaligi lê.

Linge 90:10 Referans Kwoze

Iakobo 4:14

Eo, migamu amu tau dona laka sauba ke koegua na maurimui ke dani. Igamu amu vaga moa na pungu na lake, e datolaba kesa tana tagu tetelo, me ba nanga lee tsaku.

Linge 78:39

Rongona aia e donagadovia laka igira na tinoni lê moa, ara vaga saikesa moa na guguri e bisimai me tau oka me nanga lê tugua.

2 Samuel 19:35

Inau au tsaulinogoa e alu sangavulu na ngalitupaqu, me tagara goto sa omea ke dou vaniau kalina ia. Au tau nogo tangomana kau ganigadovia sa mutsa se kau inuvigadovia sa inu, me utu vaniau goto kau rongomigadovia na lioqira igira ara dona na linge. Sauba kau ngoligo lê moa igoe taovia.

Tuturigana 47:9

Ma Jakob e tsarivania, “Na mauriqu inau tana tavetada e tsaulinogoa kesa sangatu tolu sangavulu na ngalitupa. Migira na ngalitupaqu inau ara kurikuri lê mara kakai, mara tau moa katsi vaga na ngalitupaqira igira na mumuaqu tana niqira tavetada igira.”

Na Vaolusi Ketsa 34:7

A Moses e tsaulina kesa sangatu rukapatu na ngalitupana kalina e mate; maia e susuliga dou saikesa moa, ma na matana e moro maka dou goto moa.

1 Taovia Tsapakae 1:1

Mi kalina, e tuqatuqa sosongo nogo a David, me atsa moa ti igira nina maneaqo kara pologinia na polo na tsatsavu maia e tau goto vatsangia ke papara na konina.

Nina Papi A Job 24:24

Me atsa moa ti ara tinoni tangirongo kalina ia, me ke tau oka me sauba kara mate vaga goto igira na tinoni sui; vaga nogo kalina e ganoga na uiti ma na tinoni ara pitsuligigira sui.

Nina Papi A Job 14:10

Mi kalina e mate na tinoni mi tana nogoria e sui vania. ?Maia e mate, me laka iava ia kalina?

Isaia 38:12

Na mauriqu e takuti me sui nogo, Vaga moa kesa na valepolo ara veoa, Vaga kesa na sangava na polo ara kutiligia tania na lobi. Inau au padâ laka God e suilavagini vaniau nogo na mauriqu.

Luka 12:20

Maia God sauba ke tsarivania na mane vaga ia, ‘!O bule igoe! Tana bongi eni nogo sauba inau kau adiligi tanigo na maurimu igoe. ?Masei sauba ke tamanina pipi nimu omea girani igoe o mololakagira vanigo segeni?’

Nina Papi A Job 20:8

Maia sauba ke nangaligi lê vaga moa na bolebole tana bongi, ma kara tau goto reitugua.

Tuturigana 6:3

Mi tana ma na Taovia e tsaria, “E utu inau kau tamivanigira na tinoni kara mauri saviliu rongona igira na tinoni lê moa. Me tû i dani eni me ke bâ, migira sauba kara tau goto mauri oka liusia kesa sangatu rukapatu na ngalitupa.”

Josua 14:11

mau susuliga dou vaga moa tana tagu kalina a Moses e moloau kau tuvivera. Au susuliga dou moa gana na vailabu se gana goto na aqosiana na aqo tavosi bamai.

2 Samuel 19:36

E tau goto ulagaqu ko sauvaniau na peluna loki vaga ia. Bâ, minau sauba moa kau dulikolugo bâ tetelo moa tabana bâ na Kô Jordan.

Nina Papi A Job 5:7

!Tagara! Na tinoni segeni nogo e alomai na rota me gadovisegenia, vaga saikesa na vividina na lake e lovodato talumai nogo i laona na lake.