Linge 9:9 - Ghari

⁹ Na Taovia aia niqira raravi igira ara bingi sekoligira, maia niqira nauna agana na tsogoravi kalina ti ke laba na tagu seko.

Linge 9:9 Referans Kwoze

Goko Tabana 18:10

Na Taovia e vaga moa na kusudato susuliga, i tana tangomana kara ba totu raviravi igira e gotolaka niqira sasaga.

Nahum 1:7

Na Taovia e doulaka. Aia e reitutugugira dou nina tinoni tana tagu na rota loki, me aragogira igira ara pilo bâ i konina aia.

Linge 32:7

Taovia igoe nogo niqu mani taopoi. Me sauba igoe ko maurisiau tania na omea seko sui. Au lilinge dato vanigo rongona igoe nogo o maurisiau, mo reitutuguau dou.

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 62:8

Igamu niqu tinoni kamu noru sailaginia moa God. Katevulagia vania aia pipi na omea sui e ngoligamu, rongona aia nogo nida mani totu raviravi.

Linge 37:39

Na Taovia e maurisigira igira na tinoni ara totugoto i matana me reitutugudougira tana tagu na rota.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Luka 13:34

“!Jerusalem, Jerusalem! !Igira na tinoni i laomu igoe ara labumatesiigira na propete, mara taimatesigira nina mane adigoko God, aia e molomaigira vanigo! !Danga nogo kalina au ngaoa laka kau adisaigira nimu tinoni vaga moa na kudo kalina aia e sarosaigira na dalena tetelo i vavana na rapona, migoe o tau saikesa tamivaniau!

Isaia 8:14

Inau niqira mani toturavi niqu tinoni. Mi tana rongona igira na Israel ma na Juda ara sove taniau inau, ti inau au lia vaga kesa na vatu ara tubulagi i konina; mau vaga goto na pidipidi sauba ke sogotigira na tinoni tana Juda ma na Israel, migira goto na tinoni ni Jerusalem.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Linge 46:7

Aia na Taovia Susuliga Sosongo e totu i konida igita. Nina God a Jakob aia nogo e ravisigita.

Linge 20:1

!Na Taovia ke rongomia nimu nonginongi kalina igoe ko totu i laona na rota! !Ma nina God a Jakob aia nogo ke reitutugugo!

Na Vaolusi Ketsa 33:27

God aia nogo e isutugumui sailagi; me tangolikaeginigamu na limana saliu. Aia e tsialigigira nogo gamui gala kalina igamu amu maimai moa i sautu, me ketsaligamu kamu matesiligigira sui.

Hibru 6:18

E utu sosongo vania God ke oli kaira na omea karani, na vatsa ma na veke, rongona e utu sosongo vania God ke pero. Me vaga ia, ma na goko vaga karani e tugua nomoa ke kakaisigita, igita a toturavi nogo i konina God. Ma ka gini norukakaia laka sauba God ke manalia na omea aia e vekenogoa vanigita.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Linge 108:12

Ko sangagami na tukapusiaqira gamami gala, rongona nina sasanga na tinoni lê e tau lelê lia sa omea.

Linge 142:4

Mi kalina au moro bamai i ligisaqu, mau tau nogo reia ke kesa ke sangaau, tagara goto ke kesa ke reitutuguau, se ke boeginiau.

Linge 48:3

Mi laona na vera ia ara totu na valekakai, ma God e sauvulaginogoa laka i tana nogo na tinoni kara ba totu raviravi dou.

1 Turupatu Dato 16:33

Migira sui goto na gai i laona na legai atsi kara gudato tana magemage i matana na Taovia, kalina aia ke mai na tagaoviana na barangengo.

Linge 7:9

Igoe nogo God o gotolaka, mo pede gotosia pipi na papada ma na kili ara totu popoi i laona na tobamami. Ko utusia niqira sasaga tabaru igira na tinoni sasi, mo ko saupeluna vanigira na tinoni e goto na tobaqira.

Linge 67:5

!Na tinoni sui kara tsonikaego igoe nimami God; igira sui lakalaka na tinoni kara tsonikaego!

Linge 96:10

Ma kamu katevulagia vanigira na puku tavosi sui laka “!God aia segeni moa e taovia tsapakae! Aia nogo e vaturikakaia na barangengo, me utu goto ke ratsu bamai; me sauba aia nogo ke pedegira na tinoni sui tana pedegoto.”

Linge 98:9

rongona aia e mai nogo na pedeana na barangengo. Maia sauba ke pedegira na tinoni sui tana barangengo tana pedegoto ma na pedelaka.