Linge 9:6 - Ghari

⁶ Igira gamami gala ara nanga saviliu nogo; igoe o toroveoa popono niqira verabau, ma na tinoni sui ara padalegira saikesa nogo.

Linge 9:6 Referans Kwoze

Mika 7:8

Igira gada gala ara tau tamanina sa niqira rongona na kiataginiada. E mana rago laka igita a puka lê nogo, me sauba nomoa ka tukae tugua. Migita a totu tana rodo kalina ia, ma na Taovia segenina nogo sauba ke lia nida marara.

Binaboli 14:13

Maia Moses e tuguvisua me tsaria, “!Kamu laka na matagu! Kamu tu kakai moa, me sauba kamu reia na omea ke naua na Taovia gana ke maurisiginigamu i dani eni; igamu sauba e utu kamu reigira tugua na Ejipt girani sa dani.

Na Katemai 20:2

Maia e baa, me tangolia na vua loki, aia na muata ni oka, aia nogoria ara soaginia na Tidao Seko se Satan, me soriginia nina itai tapala, me ke totu vaga ia i laona ke kesa na toga na ngalitupa.

1 Korint 15:26

Ma na susuina na gala ke labu pukalia me ke sui, aia nogo na mate.

Mika 7:10

Mi tana ti igira gada gala kara reia e laba vaga ia, me sauba kara gini vangamâ lê, igira nogo ara gilu gada tana idana mara veisuagita vaga iani, “?Laka iava e totu aia na Taovia nimui God?” Migita sauba ka reia kalina na Taovia ke tsogori pukaligira, ma na tinoni kara tsotso i kelaqira vaga moa ti na boko tana sautu.

Jeremia 51:25

Igoe Babilon, o susuliga vaga saikesa moa na vungavunga, mo toroutsania na barangengo popono, bâ, minau nogo na Taovia au vaigalagi kolugo igoe. Sauba kau tangoligo, ma kau tsoni pukaligo i lao, ma kau molo lakemu, mo ko iru sui saikesa.

Isaia 37:26

“?Egua, laka igoe o tau moa vati rongomia laka inau nogo au vangarau okanogoa na omea girani te ara laba? Mi kalina ia, minau au manalitovugira sui nogo. Inau nogo au sauvanigo igoe gamu susuliga gana na toroutsaniaqira na verabau ara poliginigira na baravatu kakai, ma kara viri totu tsuputsupu bamai na tapana na vatuqira.

Isaia 14:17

?Me laka iani nogoria na mane e toroutsanigira danga na verabau, me naua ma na barangengo e gini lia vaga na kaomate? ?Me laka iani nogoria na mane e tau saikesa dona ke mologira kara totu tanusi igira aia e aditsekagira, se ke tamivanigira kara visutugua i veraqira?”

Linge 46:9

Aia e tukapusigira na vailabu loki sui ara laba pipi nauna tana barangengo. E bokugira na parige, me kutsigira na bao, ma na tako sui e kodogira tana lake.

Linge 34:16

me tukapusigira igira ara naua na omea e seko, rongona kalina ti kara mate, ma kara padalegira tsaku.

Linge 8:2

mara lingena igira na baka pasa migira goto na baka tetelo. Igoe o totu bibiu dou tanigira sui gamu gala. Mo utusia asei ti vaga aia ke tovoa na tukapusiamu.

Linge 7:5

!mi tana, me dou moa ti igoe ko tamivanigira gaqu gala kara takuviau ma kara tangoliau, ma kara tsoni pukaliau i lao ma kara labumatesiau, ma kara moloau kau tsaro mate lê tana kao!

2 Taovia Tsapakae 19:25

“?Egua, laka o tau moa vati rongomia laka inau nogo au vangarau oka nogoa na omea girani te ara laba? Mi kalina ia, minau au manalitovugira sui nogo. Inau nogo au sauvanigo igoe na susuliga gana na toroutsaniaqira na verabau ara poliginigira na baravatu kakai, ma kara viri totu tsuputsupu bamai na tapana na vatuqira.

1 Samuel 31:7

Mi kalina igira na Israel ara totu tana Poi ni Jesreel mi tana Kô Jordan tabana i longa, ara rongomia laka igira na mane vaumate ni Israel ara tsogo sui, ma Saul mi tugira na dalena ara tu mate nogo, mi tana migira sui ara tû mara mololea na veraqira mara tsogoligi. Mi muri, migira na Pilistia ara mai mara totuvia na veraqira.

1 Samuel 30:1

Me tolu na dani i muri, kalina a David migira nina mane ara visulabatugua i Siklag, mara mai reia laka igira na Amalek ara labunovotigira nogo na Juda tabana i ata, mara bokia na vera ni Siklag mara tungi poponoa,

Binaboli 15:16

Ma na matagu loki sosongo e tsavu poponogira. Ara reilakana na susuligamu igoe Taovia, mara totu babangataga tana matagu poi tsau igira nimu toga ara liu putsi, igira nogo na tinoni igoe o maurisigira tania na totu tseka.

Nina Papi A Job 18:17

Migira na tinoni sui ara padale saikesalia gana tangirongo, me tagara goto ke kesa ke padavisutugua.

Linge 34:17

Igira e goto dou niqira sasaga ara soâ na Taovia, maia e rongomigira, me laumaurisigira tania pipi sui na rota e gadovigira.

Isaia 26:14

Mi kalina ia migira ara mate sui me sauba e utu goto kara maurivisutugua; ma na tidaoqira e utu goto kara maurivisu, rongona igoe nogo o kedegira mo matesiligigira. Me tagara goto ke kesa ke padavisugira.