Linge 9:5 - Ghari

⁵ Igoe o kedegira na tinoni ponotoba, mo matesigira na tinoni vanga tsutsukibo; me sauba ke tagara goto ke kesa ke padavisugira.

Linge 9:5 Referans Kwoze

Goko Tabana 10:7

Kalina kara mate na tinoni dou, me sauba na tinoni sui kara gini mage na padavisuaqira; migira na tinoni vanga tsutsukibo sauba ke tau oka ma kara padalegira saikesa.

Na Katemai 19:15

Me kesa na isi vavanga sosongo e labarutsu i mangana aia, agana nina mani labu pukaliginiaqira na vera loki sui. Maia sauba ke tagaovi kaputiginigira nina itoro tapala, me ke tsogori rapasiginigira sui na uaenina nina momosatoba ma nina kore loki aia na God Susuliga Sosongo.

Malaki 4:3

Mi tana dani kalina inau kau nauvaganana ia, me sauba igamu kamu tsogori pukaligira na tinoni vanga nauseko, migira sauba kara lia vaga na papasa lê i vavana na tuamui.

Na Vaolusi Ketsa 9:14

Migoe ko laka goto na tongovaniaqu. Inau au padâ kau matesiligigira sui, rongona ke gini tagara goto ke kesa ke padagira. Mi muri ti inau sauba kau naua migoe ko lia na tamaqira kesa na puku na tinoni ke loki me ke susuliga bâ liusigira igira.’

Goko Tabana 13:9

Na tinoni e gotolaka nina sasaga, e vaga na sulu e iru maka, maia e tabaru nina sasaga e vaga na sulu e matemateaga lê na iruna.

Linge 149:7

gana kara tuliusiginigira na puku tavosi sui, ma kara kedegira na tinoni i laoqira;

Linge 79:10

?Ara gua vaga igira na puku tavosi te ara tû mara veisuagami igami, “?Laka iava e totu nimui God igamu?” Taovia, ko tamivanigami ma kami reia kalina igoe ko kedegira na puku tavosi tana rongona ara reoa na gabuqira nimu maneaqo.

Linge 78:55

Maia e tsialigigira na tamanina nogo i tana, kalina igira nina tinoni ara maimai moa i sautu, me tuvarivotâ niqira kao i laoqira na puku ni Israel, me saua na valeqira kara tamanina igira nina tinoni nogo ia.

2 Samuel 17:23

Mi kalina a Ahitopel e reia laka ara tau nogo muria nina totogoko, maia e tû me sage tana nina asi me visutugua i verana segeni. Me aragogira nina omea sui, mi muri maia e tû me ba ligoti segenina. Mara ba qilua tana ara qilugira nina vungu.

Linge 5:6

Igoe o tsogori pukaligira sui na tinoni vanga peropero, mo pea sosongoligira igira na lapiruka, migira na vanga tangopeke seko.

Linge 2:1

?Rongona gua ti igira na puku tavosi sui ara vorogokona sai na kore loki? ?Egua vaga ti igira na toga ara naua niqira vorogoko tagara rongona lê?

1 Samuel 31:4

Ma Saul e tsarivania nina borau aia e kalagaia gana sagore, “Ko langâ nimu isi mo ko labumatesiginiau, rongona igira na ponotoba ni Pilistia girani kara tau tseqo poliau ma kara labumatesiau.” Ma na borau ia e matagu sosongo na nauvaganana ia. Mi tana ma Saul e tû, me adisegenia nina isi me puka bâ segeni i konina.

1 Samuel 25:32

Ma David e tsarivania, “!Tsonikaea na Taovia na God ni Israel, aia e molomaigo i dani eni ko mai tsodoau inau!

1 Samuel 25:39

Mi kalina a David e rongomia laka e mate nogo a Nabal maia e tsaria, “!Tsonikaea na Taovia! Aia e tangotuguqu nogo i konina a Nabal rongona aia e goko peapea vaniau inau, maia na Taovia e tangolivisua na limana nina maneaqo ke tau naua sa omea seko. Na Taovia nogo e kedea a Nabal tana rongona nina sasi.” Mi muri ma David e mologoko vania ko Abigail laka e ngaoa ke taugâ.

Linge 7:12

Ti vaga igira kara tau olia niqira sasaga, me sauba God ke asâ nina isi me ke vavanga. E narinogoa nina parige me vangaraua na suiana.

Jeremia 49:38

Sauba kau matesigira niqira taovia tsapakae ma niqira ida, ma kau vaturikaea niqu sasana na totukae i tana.

Tangitangi 3:58

“Migoe Taovia o mai mo laumaurisiau.