Linge 9:20 - Ghari

²⁰ Ko naua ma kara matagunigo igoe Taovia, ma kara donaginia laka igira na tinoni lê moa.

Linge 9:20 Referans Kwoze

Isaia 31:3

Igira na tinoni ni Ejipt ara tau na god, igira na tinoni lê moa. Ma niqira ose na ose lê moa, mara tau na tidao. Mi kalina na Taovia e tatakatsinia na limana, ma na puku susuliga ia sauba ke tubulagi me ke puka, maia na puku maluku e vataragi i konina sauba ke puka lê goto. Mi kaira sui sauba kara ka toroutsa.

Linge 62:9

Na tinoni sui lakalaka ara vaga saikesa moa ti na guguvina tetelo lê moa na magomago; igira sui tû tana lokina me tsau tana tetelona e tau lelê goto tugugira sa omea. Molokaegira tana omea na tovomamava, ma gaqira mamava e tau goto tugua sa omea; ara malamala lê liusia na malamalana kesa na guguvina tetelo na mamagona tinoni.

Jeremia 32:40

Me sauba kau naua kesa na vaitasogi saliu kolugira. E utu goto kau mololea na nauana na omea dou vanigira, ma kau naua migira kara kukuni taniau tana tobaqira popono, ma kara gini tau goto piloligi taniau.

Linge 76:12

aia e molotsunaligira na tinoni taovia vanga kaekae me molo matagu sosongo vanigira na taovia loki tsapakae ni lao eni.

Esekiel 30:13

“Minau na Taovia God au tsarigotoa laka inau sauba kau toroutsanigira sui na titinonina lê niqira god peropero ara totu tana niqira verabau i Mempis. Ma kau tsialigia niqira taovia tsapakae, me ke tagara goto ke kesa ke tagao tana Ejipt, ma kau gini molo matagu loki vanigira na tinoni sui.

Esekiel 28:9

?Mi kalina igira kara mai na labuamu, megua, laka sauba ko tsatsaria moa laka igoe kesa na god ne? Mi tana nogo ti igoe sauba ko donaginia laka igoe na tinoni lê moa mo tau na god.

Na Vaolusi Ketsa 2:25

E tû i dani eni me ke bâ inau sauba kau naua migira na tinoni pipi sui tana nauna kara matagunigamu. Igira sui sauba kara gariri tana matagu kalina kara rongomia na soamui.’ ”

Binaboli 23:27

“Minau sauba kau naua migira na tinoni ara maiginigamu kara mataguniau inau; me ke gini ponopala na tobaqira ma kara viritsogo tanigamu.

Esekiel 28:2

“Dalena tinoni igoe, ko tsarivania na taovia tsapakae ni Tire na omea inau na Taovia God au tsarivania: Igoe o tsonikae segenimu sosongo, mo tsarivaganana iani, ‘Inau na god, mau totukae tana niqira sasana na totukae igira na god i levugana patupatu na maorodo.’ Eo, igoe o padâ laka igoe o kesa na god, me tagara, igoe na tinoni lê moa mo tau na god.

Binaboli 15:16

Ma na matagu loki sosongo e tsavu poponogira. Ara reilakana na susuligamu igoe Taovia, mara totu babangataga tana matagu poi tsau igira nimu toga ara liu putsi, igira nogo na tinoni igoe o maurisigira tania na totu tseka.

2 Turupatu Dato 14:10

Ma Asa e aligiri na vailabu koluana a Sera, mi kaira sui ruka na alaala ara ba tutû tana sasaqira ruka tabana tana Poi ni Sepata ligisana i Maresa.

Linge 3:8

Na tangomana e talumai i konimu igoe Taovia, migoe ko tû mo ko vangalaka vanigira nimu toga.