Linge 9:2 - Ghari

² Sauba kau linge tana mage na matemu igoe. Sauba kau lilinge ma kau tsonikaego igoe God Susuliga Sosongo.

Linge 9:2 Referans Kwoze

Linge 83:18

Mi tana ti kara gini donaginia laka igoe segeni moa o Taovia, mo taovia loki tsapakae kaputia na barangengo popono.

Linge 5:11

Kara gini magemage igira sui ara toturavi dou i konimu igoe; kara lilinge sailagi tana mage loki. Ko reitutugugira dou igira ara padalokia na asamu; matena tana rongomu nogo igoe ti igira ara gini dona na mage loki manana.

Linge 7:17

Au soadoua na Taovia tana rongona e gotolaka nina pede. Au lingena na tsonikaeana na Taovia aia e Susuliga Sosongo.

Linge 97:9

Taovia Susuliga Sosongo, igoe nogo o tagaovi kaputia na barangengo popono; migoe o loki liusigira bâ pipi sui na god tavosi.

Linge 28:7

Na Taovia e reitutuguau me isutuguqu sailagi; minau au noru saikesalia. Maia e sangaau me naua mau gini totu tana magemage; minau au tsonikaea tana linge na magemage dou.

Pilipi 4:4

Kamu magemage sailagi i laona nimui mauripata koluana na Taovia. !Eo, mau tsaritugua vanigamu: kamu magemage!

Linge 97:12

!Kamu mage igamu sui amu totugoto i matana na Taovia, kamu padatugua na omea sui aia e naugira, ma kamu soadoua na asana tabu!

Linge 92:1

Taovia, e ulagana sosongo nomoa kami soadougo, ma kami linge na tsonikaeamu igoe God Susuliga Sosongo,

Daniel 5:18

“Ko rorongo. Aia nogo na God Loki Tsapakae e molokaea a Nebukadnesar na tamamu me lia na taovia tsapakae susuliga sosongo, me tangiloki gana rongo.

Linge 92:4

Au gini mage na reiaqira na omea loki igoe o naugira Taovia; mi tana rongona nogo na omea igoe o naugira, ti inau au gini linge vanigo tana mage.

Linge 43:4

Mi tana ti sauba inau kau ba tû i matana nimu belatabu igoe niqu God, igoe nogo na pukuna niqu magemage. Me sauba kau taia niqu itai tatangi ma kau lingena na tsonikaeamu, igoe God mo niqu God.

Linge 27:6

Me vaga ia, minau sauba kau tangomana na tuliusiaqira gaqu gala ara totu poliau. Mi tana gu loki ma na magemage, inau sauba kau savori-kodoputsa vania i laona nina Vale Tabu; me sauba kau lilinge ma kau tsonikaea na Taovia.

Linge 26:7

Au lingena na linge tabu na soadouamu mau katevulagia pipi sui nimu aqo loki igoe o naugira.

Linge 86:12

Me sauba inau kau tsonikaego tana tobaqu popono Taovia niqu God, ma kau katevulagia gamu loki tsapakae na dani ma na dani.

Linge 96:3

Katevulagia gana loki tsapakae vanigira na puku sui, ma kamu turupatuna vanigira na toga sui na omea loki aia e naugira.

Linge 138:1

Taovia, au soadougo tana tobaqu popono; mau tsonikaego i mataqira na angelo.