Linge 9:19 - Ghari

¹⁹ !Ko tukae Taovia! !Ko laka na tamivaniaqira na tinoni kara suamangamu lê moa! Ko vaturigira na tinoni ponotoba i matamu mo ko pedegira.

Linge 9:19 Referans Kwoze

Linge 3:7

!Taovia ko mai! !Niqu God, ko maurisiau! Ko kedegira sui gaqu gala, mo ko pualasilea gaqira susuliga gana na sekoliginiaqu.

Linge 44:26

!Ko mai mo ko sangagami! !Tana nimu galuve vo oli ko maurisigiami!

Linge 44:23

!Ko mamata Taovia! ?Egua te o mamaturu moa? !Ko tû! !Ko laka na sove tanigami saikesa!

Linge 10:12

!Taovia ko tû mo ko kedegira na tinoni vanga tsutsukibo girani! !Laka na padaleaqira igira ara rota!

Linge 7:6

!Ke botsalaba na koremu Taovia! Ko tukae, mo ko tukapusia niqira momosatoba igira gaqu gala. Ko tavurake segenimu mo ko sogogaqu inau. Na pedegoto saikesa moa aia nogo igoe o kilia.

Sepania 3:8

“Dou, me vaga ia ma kamu pipitu moa. Eo, kamu pipitu poi ke tsau na dani i tana inau kau tû ma kau taimataqira na tinoni sui. Rongona inau au padakuti matena nogo laka kau adisaigira ma kau kedegira na tinoni ma na veraloki sui, ma kara gini vatsangia na susuligana popono na korequ loki. Ma na barangengo popono sauba ke gini toroutsa na lakena niqu momosatoba loki.

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Linge 149:7

gana kara tuliusiginigira na puku tavosi sui, ma kara kedegira na tinoni i laoqira;

Linge 79:6

Ko piloa na koremu me ke ba gado i koniqira na puku tavosi igira ara tau donaginigo, i koniqira na tinoni ara tau dona kara lotu vanigo.

Na Katemai 19:15

Me kesa na isi vavanga sosongo e labarutsu i mangana aia, agana nina mani labu pukaliginiaqira na vera loki sui. Maia sauba ke tagaovi kaputiginigira nina itoro tapala, me ke tsogori rapasiginigira sui na uaenina nina momosatoba ma nina kore loki aia na God Susuliga Sosongo.

Sekaria 14:18

Me ti vaga igira na Ejipt kara sove na mai ma na lokisiana na Dani Tabu na Babale, mi tana ti ke gadovigira kesa atsa na lobogu vaga na Taovia ke molovanigira na puku sui ara sove na mai.

Mika 5:15

Mi tana niqu momosatoba loki, sauba inau kau tangotuguqu i laoqira pipi sui na puku ara tau rongomangaqu.”

Joel 3:12

Ma God e tsaria, “Niqira aqo pipi sui na tinoni kara totu vangarau ma kara maisai tana Poi na Pede. Mi tana nogo, ti inau na Taovia sauba kau pedegira na puku sui igira ara totu polipoligamu.

Jeremia 10:25

Ke piloa nimu momosatoba, me ke ba gado i koniqira na puku tavosi igira ara tau samasama vanigo igoe, mi koniqira na tinoni ara sove tanigo. Igira nogo ara labumatesigira nimu tinoni; mara toroutsani saikesalia na veramami.

Linge 80:2

ko sauvulagi segenimu vanigira na puku tu koniqira a Epraim, ma Benjamin ma Manase. !Ko sauvulagi vanigami gamu susuliga; mai mo ko laumaurisigami!

2 Turupatu Dato 14:11

Ma Asa e nonginongi vania na Taovia nina God me tsaria, “Taovia, e tagara goto ke kesa ke dona vaga igoe na sangaaqira na tinoni maluku lê na tuliusiaqira na tinoni susuliga. Mo ko sangagami kalina ia igoe Taovia nimami God, rongona igami ami vataragi moa i konimu igoe, mi tana asamu nogo igoe ti igami ami mai na vailabugi koluaqira na tuqana na alaala loki na mane vaumate girani. Taovia igoe nogo nimami God, ko laka na tamivaniaqira na tinoni lê kara tuliusigo igoe.”

1 Samuel 2:9

“Aia e reitutugudoua na mauriqira igira ara totukakai i konina, migira na vanga tsutsukibo ara tavongani nanga lê i laona na rodo; rongona e tagara ke kesa tangomana ke naua sa omea tana susuligana segeni.

Tuturigana 32:28

Ma na mane e tsaria, “Sauba na asamu igoe kara tau nogo soaginigo a Jakob. O vailabugi nogo kolua God me kolugira na tinoni, migoe o tangomana; me sauba na asamu kalina ia kara soaginigo a Israel.”