Linge 9:18 - Ghari

¹⁸ Igira ara kilia na sasanga sauba e utu kara totu sekona lê sailagi moa. Ma niqira amesi igira ara tau tamanina sa omea sauba e utu ke puala lê saviliu.

Linge 9:18 Referans Kwoze

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

Goko Tabana 23:18

Me ti vaga ko nauvaganana ia, me sauba na omea dou moa ke pitugo tana tagu ke mai.

Goko Tabana 24:14

Mo ko dona dou laka na sasaga loki e dou vanigotoa na tidaomu. Ko adia na sasaga loki me sauba na omea dou moa ke pitugo tana tagu ke mai.

Iakobo 2:5

!Kamu rorongo dou, tasiqu galugaluve! God e viligira na tinoni sekona lee i barangengo kara gini tamani tsapakae na tutuni, ma kara gini tamanina na verana God e vekenogoa vanigira igira ara galuvea.

Linge 102:20

Aia e rongominogoa niqira kukungu igira ara totu tana vale sosori, me nusigira lê igira ara pede vanigira nogo laka kara matesigira.

Luka 6:20

Ma Iesu e moro baa i koniqira gana duli me tsaria, “!Kamu gini mage igamu amu tau tamanina sa omea, rongona nimui nogo na Verana God!

Luka 1:53

E masuliginigira na omea dou igira ara vitoa, me railigigira lee igira ara tamani levo.

Linge 109:31

rongona aia nogo e isutuguna na tinoni e tau tamanina sa omea me laumaurisia tanigira ara pedematesia.

Linge 102:17

Me ke rongomitugua niqira nonginongi nina tinoni, igira aia e mololegira nogo mara totu moa tana seko.

Linge 72:4

Ko sangâ na taovia tsapakae me ke isutuguqira igira ara tau tamanina sa omea; me ke sangagira igira ara kilia na sasanga, me ke tuliusigira igira ara bingi sekoligira.

Linge 71:5

Taovia God i konimu nogo au vataraginia niqu amesi; tû kalina au tinoni vaolu minau au molo kalavatavia niqu vainoru i konimu igoe.

Linge 9:12

God e padagira moa igira ara rota; me tau goto padalea niqira ngangaidato ara nauvania, me kedegira igira ara rotasigira.

Linge 50:22

“Kamu rorongomai igamu amu peâ na mangaqu inau, se kau tau tû ma kau matesigamu sui, me ke tau goto tangomana ke kesa ke laumaurisigamu.

Linge 139:19

!Niqu God, au kili sosongolia laka igoe ko labumatesigira na tinoni vanga tsutsukibo! !Au amesi sosongolia laka igira na tinoni vanga tangopeke seko kara mololeau inau!