Linge 9:17 - Ghari

¹⁷ Na mate aia saikesa moa e totupitugira igira sui na tinoni vanga nauseko, migira sui goto ara sove tania God.

Linge 9:17 Referans Kwoze

Linge 50:22

“Kamu rorongomai igamu amu peâ na mangaqu inau, se kau tau tû ma kau matesigamu sui, me ke tau goto tangomana ke kesa ke laumaurisigamu.

Nina Papi A Job 8:13

Migira na tinoni ara tau tutunina God ara vaga saikesa moa na gaugau; mi kalina ara padalea God me gini nanga lê saikesa niqira amesi.

Na Katemai 21:8

Migira ara posu mara tiatagaraau, migira na mane ma na daki ara vainaugi segeni, migira ara labumatesi tinoni, migira ara totu matengana na vainausekoligi, migira ara tabatu tinoni, migira ara samasama vanigira na tidao, migira sui ara dona na pero ma na valovalo, na tinoni sui vaga gira, na vovoliqira nogo: na totu tana reku na lake ma na papasa mila sigini seko. Aia nogoria na rukanina na mate.”

Jeremia 18:15

Migira niqu tinoni inau ara padale saikesaliau. Mara ba kodoa na buluna gai uruuru vanigira na titinonina na god peropero. Ara tubulagi lê tana sautu dou ni sau, mara rugu bamai moa tana komukomu.

Jeremia 13:25

Aia nogo e tsaria laka sauba ke laba vanigo na omea vaga ia. Iani nogo na omea na Taovia e pedea laka ke nauvanigo rongona igoe o padale saikesalia ia, mo norugira moa nimu god peropero.

Jeremia 2:32

?Laka sa daki vaolu tangomana ke padalea gana inilau, se sa daki tauga vaolu nina polo na tauga? Bâ, migira moa niqu tinoni ara padaleau oka sosongo nogo.

Na Katemai 20:15

Masei ti e tau totu na asana i laona na papi na mauri, maia e tsonitsunaa i laona na reku na lake.

Isaia 5:14

Ma na barangengo na mate e mangangasi lokia na mangana me ngaoa na ganiaqira. E konomi poponogira na tinoni lokiloki, kolugira goto na toga sui tana Jerusalem.”

Isaia 3:11

Migira na tinoni seko sauba nomoa kara mate; ma na omea seko igira ara nauvanigira na tinoni tavosi sauba ke gadovisu i koniqira segeni.

Goko Tabana 14:32

Igira na tinoni tsutsukibo ara alomai vanigira segeni gaqira toroutsa tana omea seko ara naua, ma niqira sasaga dou igira na tinoni dou e dilagira tana dani na mate.

Linge 106:13

Me tsaku sosongo ara padalegira na omea aia na Taovia e naua vanigira, mara muria na tobaqira segeni; mara tau pitua nina totokoe na Taovia.

Linge 49:14

na matemate e totupitugira vaga moa na sipi ara totupitua na matesiaqira, ma na Mate aia nogo sauba ke lia niqira reitutugu. Migira nogo na tinoni e goto niqira sasaga sauba kara tagaovi kaputigira, ma na koniqira igira ke ratsa tsaku lê i laona na barangengo na mate ao tania na veraqira.

Linge 44:20

Me ti vaga igami kami mololenogoa na samasama vaniamu igoe nimami God, ma kami tû ma kami nonginongi vania sa god tavosi,

Hosea 2:13

Eo, sauba nomoa kau kedea rongona e danga nogo kalina aia e padaleau inau, me ba kodoa na bulunagai uruuru vania Baal, me sagelia gana inilau angaanga, me ba takuvi tsarimuriqira igira aia e ngaogira. Inau nogo na Taovia au tsaria na omea iani.”

Jeremia 3:21

Ara rongomia kesa na leleo loki i kelana na tetena. Igira nogo na tinoni ni Israel ara ngangai dato vania God ke galuvegira, rongona igira ara sasi sosongo, mara padalea na Taovia niqira God.

Linge 44:17

Na omea sui vaga girani ara laba vanigami, atsa moa ti igami ami tau padalego igoe, mami tau kutsia nimami tabana na vaitasogi igoe o naua kolugami.

Goko Tabana 5:22

Nina sasi na tinoni vanga tsutsukibo ara vaga moa na taviti. Maia e sogo tana vugona nina sasi segeni.

Esekiel 22:16

Me vaga ia, migira sui na puku tavosi sauba kara reipeago, migoe sauba nomoa ko donaginia laka inau nogo na Taovia.”