Linge 9:13 - Ghari

¹³ !Ko galuveau Taovia! Ko reigira na rota sui ara tsukivaniau igira gaqu gala. Ko laumaurisiau tania na mate Taovia,

Linge 9:13 Referans Kwoze

Linge 86:13

!E loki sosongo nomoa nimu galuve vo oli vaniau! Igoe nogo o laumaurisiau tania na qilu.

Linge 30:3

mo tangolivisuau tania na qilu. E varangi nogo kau puka tana qouna na mate, migoe o sogogaqu mau gini mauri.

Tangitangi 1:11

Igira nina tinoni ara kukungu kalina ara lalave gaqira mutsa. Mara tsabirigira niqira omea levolevo loki matena gana kara tsodoqolona na mani voli gaqira mutsa ke tangoligira ma kara gini mauri. Maia na Jerusalem e tsaria, “!Taovia ko morosimaiau kiki, mo ko reia niqu rota loki!”

Tangitangi 1:9

Nina sasaga tabaru ara totu malemale saikesa, maia e tau moa gini boe na omea kara laba vania i muri. Aia nogo na rongona te e gini puka saikesa gana susuliga, me tagara goto ke kesa ke verea. Maia e tsaria, “!Taovia, ko galuveau kiki tana niqu rota loki, rongona igira gaqu gala ara tuliusiau nogo!”

Isaia 38:10

Inau au padâ laka sauba nogo kau vano tana barangengo na mate, Kalina au tinoni vaolu moa.

Linge 142:6

Rongomivatavia niqu ngangaidato vanigo ko sangaau, rongona inau au seko pitsu nogo. Laumaurisiau tanigira gaqu gala; igira ara susuliga liusiau nogo inau.

Linge 119:153

Ko morosia niqu rota mo ko maurisiau, rongona inau au tau goto reilea nimu ketsa.

Linge 119:132

Ko pilomai i koniqu mo ko galuveau, vaga nogo igoe o nauvanigira igira sui ara galuvego.

Linge 56:13

rongona igoe nogo o laumaurisiau tania na mate, mo sangaau dou mara gini tau tangomana na tuliusiaqu igira. Aia nogoria ti inau au gini dona na liu bâ dou i matamu igoe niqu God, tana mararamu o mararasiginigira igira ara mauri.

Linge 51:1

Ko galuveau Taovia niqu God tana nimu galuve vo oli. !Tana rongona nogo nimu galuve loki ko veoligigira niqu sasi!

Linge 38:19

Igira moa gaqu gala ara mauri dou rago mara susuliga sosongo. Mara danga ara reisaviau lê tagara sa rongona.

Linge 25:19

Ko morosigira ara danga sosongo gaqu gala, migira ara reisavi sosongoliau.

Linge 13:3

Ko moromai i koniqu Taovia niqu God, mo ko rongomia niqu nonginongi. Ko turuvaginivisua na susuligaqu, rongona kau tau mate lê.

Nehemia 9:32

“!God, nimami God, igoe o loki tsapakae saikesa! !O mataguniga loki, mo susuliga sosongo! Migoe o manali saikesalia na vaitasogi igoe o naukolugami. Mi kalina ia igami ami totu tana rota loki, mami nongigo ko padagami mo ko sangagami. Tuturiga tana tagu kalina na taovia tsapakae ni Asiria e bingi sekoligami, me poi tsau kalina eni, igami ami rota loki sosongo. Nimami taovia tsapakae, ma nimami ida, migira na manetabu, ma na propete, ma na mumuamami, migira sui goto nimami tinoni ami rota loki sosongo. !Ko padatugua kiki na rota loki ami vatsangia igami!

Ioane 2:6

Mara totu manoga nogo tana ono na popovatu tutuu, niqira mani sao koo na vulivuli igira na Tsiu, aqo muria niqira sasaga ni oka. Me pipi kesa na popovatu tutuu vaga ia, e tugua ke kesa sangatu na dangana na bilo na koo ke vano i laona kesa.

Linge 107:18

me sibi na tobaqira na ganiana na mutsa me varangi sosongo nogo kara mate.

Tuturigana 4:9

Ma na Taovia e veisuâ a Kain, “?A Kain, iava a Abel na kulamu?” Ma Kain e tuguvisua me tsaria, “Inau au tau dona. ?Egua, laka niqu aqo goto inau na reitutuguana na kulaqu?”

Tuturigana 4:10

Mi muri, ma na Taovia e tsarivania, “?Rongona gua ti igoe o naua na omea seko loki vaga ia? Na gabuna na kulamu e ngangaidato vaniau talu tana kao.

1 Taovia Tsapakae 21:19

Mo ko tsarivania laka inau na Taovia au tsarivania ‘?Me laka i murina na labumatesi tinoni mo ngaogotoa ko aditamanimu nina kao?’ Mo ko tsarigotoa vania laka ieni nogo e vaga na omea inau au tsarivania: ‘!Tana nauna saikesa nogo i tana igira na pai ara lopia na gabuna a Nabot, mi tana nogo sauba igira na pai sauba kara lopigotoa na gabumu igoe.’ ”

2 Taovia Tsapakae 9:26

‘Inau au morosia kalina ara labumatesia a Nabot kolugira na dalena mane i noa. Minau au vatsa laka sauba kau kedego goto igoe tana uta goto moa ieni.’ ” Ma Jehu e ketsalia nina mane sasanga, “Ko adia na konina a Joram mo ko ba tsonia i laona na uta e tamanina a Nabot tana idana, rongona ke gini manatovu na omea e vekenogoa na Taovia.”

2 Turupatu Dato 24:22

Na taovia tsapakae e padale saikesalia nina aqo dou a Jehoiada na tamana a Sekaria e nauvania, me matesia a Sekaria na dalena. Mi kalina a Sekaria e varangi ke mate, maia e gokodato me tsaria, “!Na Taovia nogo ke reia na omea igoe o naua me ke kedeginigo matena!”

Linge 10:12

!Taovia ko tû mo ko kedegira na tinoni vanga tsutsukibo girani! !Laka na padaleaqira igira ara rota!

Linge 12:6

Nina veke sui na Taovia ara mana saviliu. Ara vaga moa na siliva ara kukia vitu kalina tana lake romaroma me male.