Linge 9:12 - Ghari

¹² God e padagira moa igira ara rota; me tau goto padalea niqira ngangaidato ara nauvania, me kedegira igira ara rotasigira.

Linge 9:12 Referans Kwoze

Binaboli 3:7

Mi muri ma na Taovia e tsarigotoa, “Inau au reinogoa na rota loki e gadovigira niqu tinoni tana Ejipt; mau rongomia niqira ngangaidato vaniau kau laumaurisigira tania na limaqira igira ara turugira tana aqo mala tseka. Au donagininogoa pipi sui lakalaka na rota loki e gadovigira,

Linge 34:6

Igira e tagara kesa ke sangagira ara soâ na Taovia, maia e rongomigira; me maurisigira tania pipi sui niqira rota.

Na Katemai 16:6

Eo, igira nogoria ara reoa na gabuqira nimu tinoni ma nimu propete igoe, maia na rongona ti igoe o tuu mo saugotoa na gabu vanigira kara inuvia. !Aia nogoria na pepeluna niqira aqo seko ara naua igira!”

Tuturigana 9:5

Me ti vaga ke kesa ke matesia kesa tinoni maia sauba ke gadovikede. Minau sauba kau kede matesia na omea tuavati aia e matesia kesa tinoni.

Isaia 26:21

Na Taovia e maimai nogo talu tana verana i baragata, gana ke kedeginigira na tinoni sui tana barangengo popono tana rongona niqira sasi. Maia sauba nomoa ke adilabatigira i malena pipi sui na labumate popoi ara naua tana barangengo, ma na kao e utu goto ke tsavupoia na gabuqira igira ara labumatesigira.

Linge 22:24

Aia e tau dona ke reilea se ke peâ na rota e gadovigira na tinoni ara tau tamanina sa omea; me tau goto dona ke piloligi tanigira. Aia e rongomigira kalina ara soâ ke sangagira.”

Tinoni Pede 10:16

Migira ara tû mara tsoniligigira pipi sui niqira god peropero, mara samasama tugua vania na Taovia. Mi tana maia na Taovia e galuvevisugira na Israel rongona e reia laka ara totu tana rota loki sosongo.

Linge 102:17

Me ke rongomitugua niqira nonginongi nina tinoni, igira aia e mololegira nogo mara totu moa tana seko.

Linge 10:17

Migoe Taovia sauba ko rongomia niqira nonginongi igira ara totu palatsuna; me sauba igoe ko malagaisigira.

Linge 10:14

Eo, migoe Taovia o morosiragoa na omea vaga aia e naua. Mo donaginigotoa na vatsangisavi ma na rota e gadovigira na tinoni dou, migoe o gini boe sailagi na sangaaqira. Na tinoni e utu vania ke sanga segenina, aia nogoria e molo segenina i limamu igoe; migoe nogo o sangagira sailagi igira e utu kara sanga segeniqira.

2 Taovia Tsapakae 24:4

me putsikae bâ tana rongona aia e labumatesigira danga sosongo na tinoni dou. Maia na Taovia e utu goto ke padalevania nina sasi a Manase tana rongona e naua na omea vaga ia.

Binaboli 3:9

Au rongomi mananâ niqira ngangaidato igira niqu tinoni, mau reinogoa laka igira na Ejipt ara bingi sekoligira sosongo.

Mateo 23:35

Eo, me sauba ke gado i konimui igamu na kede matena na gabuqira pipi tinoni dou sui ara labumatesigira, tuu konina a Abel na mane dou sosongo, me ke tsau baa tana mateana a Sakaria, na dalena a Berakia, aia igamu amu labumatesia ka levugaqira na Vale Tabu ma na bela na mani kodoputsa.

Linge 68:17

Na Taovia e mai nogo talu i Sinai, kolugira nina malagai ara totu i laona na toga ma na toga niqira terê susuliga gana na vailabu, me ba sage i laona na nauna tabu.

Linge 74:2

Ko padatugugira nimu tinoni, igira igoe nogo o viligira i sau, igira igoe segenimu o suivisugira tania na totu tseka kara gini lia nimu puku segeni. Mo ko padatugugotoa na Vungavunga Sion i tana igoe o totu i sau.

Linge 76:3

Mi tana nogo e bokua niqira parige igira na gala, ma niqira tako ma niqira isi, eo, me pipi sui goto niqira omea levolevo gana na vailabu.

Linge 132:13

Na Taovia e vilinogoa i Sion; me ngaoa ke lia na verana tana ke totu. Aia e tsarivaganana:

Isaia 8:18

Mieni nogo inau kolugira na dalequ aia na Taovia e tusugira vaniau nogo. Na Taovia Susuliga Sosongo, aia e totukae tana nina sasana na totukae i kelana na Vungavunga Sion, e molovanogami kami lia vaga nogo na goko mamauri vanigira na tinoni ni Israel.