Linge 89:3 - Ghari

³ Taovia igoe nogo o tsaria, “Inau au naunogoa kesa na vaitasogi kolua na mane inau au vilinogoa; au gini veke nogo vania a David niqu maneaqo mau tsarivania,

Linge 89:3 Referans Kwoze

Linge 132:11

Igoe o naua kesa na veke vania a David mo vatsa, ma na veke ia sauba e utu goto ko veoa. Igoe o tsarivaganana iani, “Inau sauba kau molokaea kesa vidaqira na dalemu igoe ke lia na taovia tsapakae, maia nogo ke adidatoa na aqotagao i murimu igoe.

Aqoaqo 2:30

Aia nogo kesa na propete, me donadouginia nagua God e vekea vania: God e gini vatsa laka sauba ke vilia kesa na kukuana a David, maia ke taovia tsapakae vaga nogo a David.

Linge 89:28

Sauba kau galuve sailaginia, ma niqu vaitasogi au naukolua sauba ke totu saviliu me utu goto ke sui.

1 Taovia Tsapakae 8:16

‘Tuturiga tana tagu inau au adirutsumigira niqu tinoni tania na Ejipt, minau au tau vati vilia moa ke kesa na vera i laona na kao popono tana Israel i tana kara logo vaniau kesa na valetabu i tana kara mai samasama vaniau. Migoe moa a David inau au viligo ko tagaovigira niqu tinoni gira.’ ”

2 Samuel 23:5

Maia saikesa nogo ke vaga kalina God ke tabugira na kukuaqu, rongona aia e naua kesa na taso saliu koluau, na vekesai e utu saikesa goto ke tavota, ma na veke ia e utu goto ke oli. Aia moa e vaga na omea au kilia inau; maia nogo ke lia niqu tangomana, maia God sauba manana nomoa ke naua me ke laba vaga ia.

Hibru 7:21

Ma Iesu moa aia e gini lia na manetabu tana rongona nogo na veke God e naua kalina aia e tsaria, “Na Taovia e vatsa nogo, me utu goto ke olia nina pede: ‘Igoe nogo ko manetabu saviliu.’ ”

Hosea 3:5

Me sauba ke labamai na tagu i tana igira na tinoni ni Israel kara pilovisutugua i konina na Taovia niqira God, mi konina kesa niqira taovia tsapakae aia na kukuana a David. Mi muri ti igira kara kukuni tania na Taovia, maia ke vangalaka vanigira tugua.

Isaia 55:3

“Kamu rorongo dou kalina ia igamu niqu tinoni, ma kamu pilomai i koniqu inau. Eo, kamu mai i koniqu me sauba kamu tamanina na mauri. Inau sauba kau naua kesa na vaitasogi saliu kolugamu, ma kau sauvanigamu niqu vangalaka vaga au vekenogoa vania a David.

2 Samuel 3:9

Na Taovia e veke vaninogoa a David laka sauba aia ke adiligia na susuligana na aqotagao tania a Saul migira na dalena, me ke molokaea a David ke lia na taovia tsapakae kaputikaira sui na Israel ma na Juda, ke tû kesa tabana butona momoru me ke tsau bâ i tabana. Mi kalina ia, God nogo ke labumatesiau inau ti vaga inau kau tau manalivania na omea aia e vekea!”

Mateo 3:17

Me tangi kesa na goko e talumai i gotu me tsaria, “Iani na Dalequ galugaluve, au reingao sosongolia.”

Jeremia 30:9

Tagara, sauba moa kara aqo vaniau inau na Taovia niqira God, me vanigotoa kesa na kukuana a David aia inau sauba kau molokaea ke lia na taovia tsapakae.

Linge 89:39

Igoe o kutsia nimu tabana na vaitasogi o naukolua nimu maneaqo, mo tsonia bâ tana boko gana kepi taovia.

Linge 78:70

Maia e vilia a David nina maneaqo; me adiligia tania nina bara na sipi,

Isaia 42:1

Na Taovia e tsarivaganana iani, “Iani nogo niqu maneaqo au susuligasia, aia au vilinogoa me gini laoqu sosongo na reiana. Au dangali tovuginia niqu Tarunga rongona aia ke gini vaturia na pedegoto i laoqira na puku sui.

Linge 89:19

I laona kesa na moro i sau nogo igoe o tsarivaganana vanigira nimu tinoni: “Inau au sanganogoa aia kesa na mane vaumate susuliga; mau tusuvaninogoa na sasana na totukae aia e kesa au vilinogoa i laoqira na toga.

Tinoni Pede 2:1

Nina angelo na Taovia e mololea i Gilgal me vano i Bokim me ba tsarivanigira na tinoni ni Israel na goko vaga iani, “Inau nogo au adirutsumigamu tania na vera ni Ejipt, mau adivanogamu nogo tana kao aia au veke idanogoa vanigira na mumuamui. Mi tana tagu ia au tsarivanigamu, ‘E utu saikesa goto inau kau kutsia niqu tabana na vaitasogi au naua kolugamu.