Linge 87:4 - Ghari

⁴ “Kalina inau kau maretsuna na soaqira igira na puku sui ara rongomangaqu inau, me sauba inau kau adisagekaira goto na Ejipt ma na Babilon; migira sui na tinoni ni Pilistia, mi Tire, mi Sudan, sauba kau tsokosaigira goto kolugira na tinonina na Jerusalem.”

Linge 87:4 Referans Kwoze

Linge 45:12

Igira na tinoni ni Tire sauba kara adimai vanigo niqira vangalaka; migira na tinoni tamani omea danga sauba kara saugotoa niqira omea levolevo vanigo rongona ara ngaoa igoe ko gini padalokiginigira.

Linge 68:31

Igira na taovia tsapakae ni Ejipt sauba kara mologira visana na tinoni loki na tuguqira ma kara bâ i Jerusalem; migira na Sudan sauba kara abedatoa na limaqira tana nonginongi vaniana God.

Linge 89:10

Igoe o tsogori rapasia Rahab, aia na tuqana vigo na omea loki, mo labumatesia; mi tana susuligamu loki igoe o tuliusiginigira gamu gala.

Nina Papi A Job 9:13

Na korena God e vô ke sui. Maia nogo e bingi rusaginigira gana gala igira ara sangâ Rahab na vua loki ni tasi kalina aia e ngaoa na tukapusiana.

Na Katemai 18:2

Maia e gudato i gotu na liona, me tsaria: “!Kamu reia baa na vera loki ni Babilon e puka nogo! !Eo, kamu reia aia e puka sui nogo! Igira moa na tidao seko ma na tidao baubau ara totuvia; me pipi sui moa na vatana na manu gani seko ara mauri i laona.

Na Katemai 17:5

Mi tana raena na daki ia e totu kesa na soa e tamanina kesa nina rongona popoi tana goko vaga iani, “!Iani na Babilon Loki, aia na tinaqira pipi sui na rebi ma na tinoni seko sui tana barangengo!”

Aqoaqo 8:27

Me tuu a Pilip me vano. Eo, mi tana dani goto ia, kesa na mane taovia ni Etiopia e liu goto tana sautu ia na visu i verana. Na mane ia, na tinoni loki me ida tana reitutuguana nina qolo na Daki Taovia Tagaovera ni Etiopia. E talu na lotu i Jerusalem, me vivisu i verana. E totu i laona nina kati ma na ose e raraqaa. Mi sautu e tsoko babaa nina mamare a Isaia na propete.

Daniel 4:30

maia e tsaria, “!Alao, na vera loki sosongo nomoa na Babilon! Inau nogo au logoa ke lia niqu verabau pukuga gana kau sauvulagiginia na susuligaqu loki ma gaqu tangirongo vanigira na tinoni sui.”

Esekiel 28:2

“Dalena tinoni igoe, ko tsarivania na taovia tsapakae ni Tire na omea inau na Taovia God au tsarivania: Igoe o tsonikae segenimu sosongo, mo tsarivaganana iani, ‘Inau na god, mau totukae tana niqira sasana na totukae igira na god i levugana patupatu na maorodo.’ Eo, igoe o padâ laka igoe o kesa na god, me tagara, igoe na tinoni lê moa mo tau na god.

Jeremia 25:9

‘Kamu rorongo, inau sauba kau mologoko bâ vanigira na tinoni sui ara totu tabana i vava, me vanigotoa niqu maneaqo a Nebukadnesar na taovia tsapakae ni Babilonia. Sauba kau soamaigira kara vailabu kolugira na tinoni tana Juda, migira sui goto na puku tavosi ara totu varangisigira. Minau sauba kau toroutsani saikesalia na puku iani, migira goto ara totu varangisigira, migira sui kara morosia na omea iani au naua vanigira, sauba kara gini beke ma kara matagu loki. Inau nogo na Taovia au tsaria na omea iani.

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Isaia 19:11

!Igira sui na ida tana verabau ni Soan ara tinoni bule. Migira nina tinoni sauparovata na taovia tsapakae ni Ejipt ara dona moa na sauparovata bubulega. ?Megua vaga ti ara tsarivania na taovia tsapakae laka igira nogo na daleqira na tinoni sasaga loki ma na taovia tsapakae ni sau?

Linge 137:1

I liligina na ko loki ni Babilon igita a totu i lao, ma ngangaisia i Sion.

1 Samuel 17:8

Ma Goliat e tû, me gulaginigira bâ na Israel me tsaria, “?Nagua sagata vaga amu naua i tana igamu? ?Amu tu palatete gana na vailabu ne? !Inau kesa na Pilistia, migamu nina tseka moa a Saul! Kamu vilia ke kesa na mane i laomui me ke mai vailabu koluau inau.