Linge 86:12 - Ghari

¹² Me sauba inau kau tsonikaego tana tobaqu popono Taovia niqu God, ma kau katevulagia gamu loki tsapakae na dani ma na dani.

Linge 86:12 Referans Kwoze

Na Vaolusi Ketsa 6:5

Ma nimui aqo kamu galuvea na Taovia nimui God tana tobamui popono, mi tana tidaomui popono, mi tana susuligamui popono.

Roma 15:6

Ma kamu gini dona na tobasai igamu sui kolu tana tsonikaeana God na Tamana a Iesu Kristo nida Taovia.

1 Korint 6:20

God nogo e tamanigamu, rongona e voliginigamu na matena loki. Vaga ia, ma na konimui kamu gini aqo moa tana tsonikaeginiana God.

Epesus 5:19

Kamu gini vaigokovigi na tsaqina na goko tana papi na Linge Tabu, migira visana goto na linge na lotu. Kamu lingegira na linge na lotu ma na Linge Tabu vania na Taovia, ma kamu soadoua i tobamui popono.

1 Korint 10:31

Minau au tsarivanigamu, nagua sui moa ti kamu naua, ma nagua sui moa kamu gania se kamu inuvia, kamu naugira sui tana tsonikaeana God.

Isaia 12:1

Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

Linge 104:33

Inau sauba kau linge vania na Taovia tana mauriqu popono; pipi dani tana mauriqu sauba kau linge na tsonikaeana niqu God.

Linge 9:1

Tana tobaqu popono sauba kau tsonikaego Taovia. Sauba kau tau kuti na turupatuna bamai igira na omea loki sui igoe o naugira.

1 Turupatu Dato 29:13

Mi kalina ia, igami ami soadougo igoe nimami God mami tsonikaea na asamu tabu.

Linge 34:1

Inau sauba kau soadou sailaginia na Taovia; ma na mangaqu sauba ke tau goto kuti na tsonikaeana.

1 Turupatu Dato 29:20

Mi muri, ma David e ketsaligira na toga me tsaria, “!Igamu sui kamu tsonikaea na Taovia nimui God!” Mi tana, migira sui lakalaka na toga ara saikolu i tana ara tsonikaea na Taovia niqira God na mumuaqira, mara tao tsuporu i matana na Taovia mi matana goto na taovia tsapakae.

Aqoaqo 8:36

Mara ka liu babaa tana sautu, mara ka tsau kesa tana nauna ma na koo goto i tana. Ma na mane taovia e tsarivania a Pilip, “Ieni e totu nogo na koo. ?Ma nagua goto ke utusiau ti kau tau lesovitabu?”

Linge 9:2

Sauba kau linge tana mage na matemu igoe. Sauba kau lilinge ma kau tsonikaego igoe God Susuliga Sosongo.