Linge 85:9 - Ghari

⁹ Aia e vangaraunogoa laka ke maurisigira igira ara kukuni tania, maia sauba ke totu kalavata kolugita i laona na verada.

Linge 85:9 Referans Kwoze

Sekaria 2:5

Na Taovia e vekea laka aia segenina nogo sauba ke iru vaga na lake, me ke lia na baravatuna na verabau ia, me ke reitutugua, me ke totu saviliu i tana tana mararana loki.”

Isaia 46:13

E mai varangi nogo na dani i tana kau laumaurisigamu, me utu goto kau kisâ. Sauba kau naua me ke dou visutugua na verabau ni Jerusalem, me ke gini labamaka gaqu tangirongo ma na susuligaqu i laomui igamu na Israel.”

Ioane 7:17

Me ti asei ke madodo me ke kilia na muriana na omea God e ngaoa, sauba aia ke donaginia ti na omea inau au sasania e talumai i konina God se ti vaga ke talu mai moa tana niqu papada segeni inau.

Luka 2:32

Aia nogo na marara ke mararasigira na toga pipi tana vera sui, me ke molokaegira igira nimu tinoni ni Israel.”

Sekaria 2:8

Me ti vaga asei ke pelegamu igamu maia e pelea na dalena mataqu inau.” Bâ, ma na Taovia Susuliga Sosongo e molomaiau kau tsarivaganana iani vanigira na puku sui ara rotasigira nina tinoni:

Esekiel 26:20

Me sauba kau tsonitsunago tana barangengo na mate i tana ara totu igira ara mauri i sau. Mi tana ko totu saviliu kolugira sui ara toroutsa nogo. Me ke tagara goto ke kesa ke totuvigo tugua, me ke utu vanigo goto ko lia tugua sa veraloki i laona na barangengo.

Linge 50:23

Aia e soadouau ngiti savori-kodoputsa, aia nogo e tsonikaeau manana, minau sauba manana kau maurisigira pipi gira sui ara rongomangaqu.”

Aqoaqo 13:16

Me tuu a Paulo, me saukaea na limana me tuturiga na ratsigoko. Me tsaria: “!Gaqu duli igamu na Israel, me pipi sui goto na tinoni tavosi amu sangatotu ieni na tsonikaeana God: kamu rorongo mai!

Ioane 1:14

Me lia tinoni na Goko me mai totu i laoda, me dangatovu i konina na vangalaka ma na manana. Migita a reivulagia na mararana, aia na marara e tamanina rongona aia nogo na Dalena Tamana e kesa moa.

Isaia 4:5

mi tana ti i kelana na Vungavunga Sion, mi vungaqira goto na tinoni sui ara saimai gana na samasama i tana, na Taovia sauba ke molomaia na parako ke tsavugira tana dani, ma na pungu ma na lake iruiru tana bongi. Na mararana God sauba ke tsavua me ke reitutugua nina verabau popono.

Linge 119:155

Igira na vanga tsutsukibo sauba e utu kara tsaulia na mauri saliu, rongona ara tau murigira nimu ketsa.

1 Samuel 3:9

te e tsarivania a Samuel, “Ko visutugua i nigemu. Me ti vaga ko rongomia ke soatugua na asamu migoe ko tsarivania, ‘Ko goko Taovia, inau nimu maneaqo au rongovata.’ ” Ma Samuel e visutugua i nigena me tsaro.

Jeremia 23:35

E dou moa ti pipi vidamui ke goko vaga iani moa vania na kulana se gana verakolu, ‘?Laka na gokovisu koegua e tsaria na Taovia? ?Me laka nagua e tsaria?’

Jeremia 23:37

Migoe a Jeremia ko veisuagira na propete, ‘?Laka na gokovisu koegua e tsarivanigamu na Taovia? ?Laka nagua e tsarivanigamu na Taovia?’

Jeremia 29:11

Inau segeniqu moa au donaginia na omea au vangarau manogatinogoa kau naua vanigamu agana ke gini dou na maurimui, me tau gana ke gini seko, ma kau manali vanigamu na omea sui igamu amu amesia ke laba tana tagu ke mai.

Esekiel 3:10

Ma God e goko babâ moa vaniau me tsaria, “Dalena tinoni igoe, ko rorongovata dou, mo ko laka goto na padaleana na omea sui inau kau tsarivanigo.

Habakuk 2:1

Inau sauba moa kau ba dato tana niqu kusudato gana na momoro, ma kau rongomiginia na omea na Taovia sauba ke tsarivaniau, me ke tuguvisu koeguania vaniau niqu goko korekore au nauvania.