Linge 85:3 - Ghari

³ Mo tau nogo kore vanigira, mo mololenogoa nimu momosatoba vanigira.

Linge 85:3 Referans Kwoze

Linge 106:23

Mi kalina God e tsaria laka sauba aia ke pedematesigira nina tinoni, maia Moses nina maneaqo vivili e tû, me tongo vania God, me tangolivisu vania na korena ke tau pedematesigira.

Na Vaolusi Ketsa 13:17

Kamu laka goto na mololakana vanigamu segeni ke kesa goto na omea au ketsaliginigamu kamu sekoli saikesalia, mi tana ti na Taovia ke mololea nina kore loki me ke galuvegamu tugua. Me ti vaga igamu kamu muridougira pipi sui nina ketsa igira inau au tusuvanigamu i dani eni, ma kamu naua na omea aia e kilia, me sauba na Taovia ke tobalaka vanigamu, me ke naua migamu kamu pabo babâ ma kamu lia na puku loki vaga aia e vekenogoa vanigira na mumuamui.”

Jona 3:9

Tau utu God sauba ke olia nina papada. Tau goto utu ti ke sui nina momosatoba vanigita, me ke utu goto gita ka mate.”

Isaia 12:1

Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

Isaia 6:7

Me mai me peleginia na tutubena mangaqu na madaova gagâ me tsarivaniau, “Iani e pelenogoa na tutubena mangamu. Me tû kalina iani e nangaligi nogo na loamu, mara tanusi nimu sasi.”

Linge 78:38

Ma God aia e galuvegira nomoa nina tinoni. Me padale vanigira niqira sasi me tau kede sekoligira. Me danga sosongo kalina aia e berengiti kolugira me tangolivisutugua na korena me tau kore vanigira.

Ioane 1:29

Mi tana dani i muri, ma Ioane e rei baa a Iesu e maimai i sautu. Me qenaa, me tsarivanigira ara totu tana, “!Aia, kamu reia baa! !Aia nogoria nina Dalena Sipi God! !Aia sauba ke veoligia na sasina na barangengo!

Binaboli 32:22

Ma Aaron e tuguvisua me tsaria, “Ko laka na kore vaniaqu inau. Igoe o dona nogo laka na tinoni girani ara padakuti matena moa na nausasi.

Na Vaolusi Ketsa 32:43

“Igamu na puku tavosi sui, kamu tsonikaegira igira nina tinoni na Taovia, rongona aia e kedegira sui igira ara labumatesigira, me tangotuguqira i koniqira gana gala, me padalegira niqira sasi igira nina tinoni.”

2 Turupatu Dato 6:39

mi tana migoe ko rongomia niqira nonginongi. Me tû tana veramu i gotu i baragata, ko rongomigira mo ko galuvegira, mo ko padale vanigira pipi sui niqira sasi nimu tinoni.

Isaia 40:1

Maia na Taovia nida God e goko me tsaria, “!Veregira niqu tinoni! !Eo, ko veregira!

Isaia 40:2

Goko dou vanigira na toga ni Jerusalem. Tsarivanigira laka e tugugira nogo niqira tagu na rota, me laka ara tanusiligi nogo niqira sasi. Ara adikedena sui nogo i koniqu inau na Taovia na matena pipi sui niqira sasi ara tsukia.”

Jeremia 50:20

Mi kalina ke labamai na tagu ia, tagara goto sa sasi kara tsodoa tana Israel, me tagara goto sa tsutsukibo tana Juda, rongona inau sauba ka padalea niqira sasi igira na tinoni inau au gaenogoa na mauriqira. Inau nogo na Taovia au tsaria na omea iani.”

Esekiel 16:63

Inau sauba kau padalegira pipi sui na omea seko igoe o naugira, migoe moa sauba e utu ko padalegira, mo ko gini vangamâ loki sosongo, mo ko tau goto tangomana na tsariana sa omea. Inau nogo na Taovia God au tsaria na omea iani.”

Mika 7:19

Igoe sauba ko galuvegami kesa goto kalina. Me sauba ko tsogorigira nimami sasi, mo ko tsoni luvusigira tana pipiruna na tasi.