Linge 85:12 - Ghari

¹² Eo, na Taovia sauba ke paboa nida tamani igita, ma kara lakaga dou sui nida uta.

Linge 85:12 Referans Kwoze

Iakobo 1:17

Pipi sui na sausau dou ma na tuva vangalaka ara talumai moa i baragata. Ara tsunamai talu i konina God, aia e volagira na marara sui ni gotu. God aia segeni moa e tau dona ke oli. Maia e tau goto rodo kalina e rodo na aso.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Linge 67:6

E manana sosongo laka God nida God e vangalaka vanigita; te e gini lakaga dou na mutsa i laona nida uta.

Aqo Manetabu 26:4

minau sauba kau molovanigamu na usa tana tagu laka, me ke lakaga dou na mutsa tana nimui uta, ma kara vua dou nimui gai mutsamutsa.

1 Korint 1:30

I konina God nogo i tana e talu na pukuna nimui mauripata koluana a Iesu Kristo. Maia goto God e molovania a Iesu Kristo ke lia gada sasaga loki; mi konina nogo aia, ti igita a gini totugoto kolua God, migita a gini lia nina tinoni tabu God, ma gini tanusi tania na susuligana na tidao seko.

Epesus 1:3

Igita ka soadoua God na Tamana nida Taovia Iesu Kristo. Rongona aia e vangalaka sosongo vanigita i laona nida mauripata koluana a Iesu Kristo, me tusuvanigita pipi sui na vangalaka ni gotu.

Aqoaqo 21:20

Mi kalina ara rongomi vaganana ia, migira sui ara gini tsonikaea God. Mara tsaria, “Tasimami a Paulo, igoe segeni o reia e koegua na dangaqira na toga na Tsiu ara lia nogo na tinoni tutuni, migira sui ara muridou sosongolia nomoa nina Ketsa a Moses.

Mateo 13:23

Migira na vatuna ara puka tana kao dou, na papadana igira ara rongomia na gokona God, mara pukudoua i tobaqira. Igira nogoria na tinoni vaga gira ara molo vuaqira dangadanga: visana kesa saingaitu, visana ono sangavulu, me visana tolu sangavulu.”

Sekaria 8:12

Igira sauba kara tsukâ niqira uta tana rago. Ma na usa sauba ke malobusia niqira uta me ke gini lakataga dou niqira kao, ma niqira itai na uaeni kara gini tamani vuana dangadanga. Aia nogo sauba kau vangalaka vaga vanigira niqu tinoni igira ara kauvisu.

Mika 6:8

Tagara saikesa. Na Taovia e tsarivulagi vanigita nogo na omea ara dou i matana. Ma na omea e kilia igita ka naua e vaga iani: ka naua moa na omea e gotolaka, ka galuvegira na tinoni sui, ka totu palatsuna, ma ka mauri tobasai koluana nida God.

Linge 72:16

Mi tana nina kao nogo ia kara dato danga sosongo na sila, migira na vungavunga ke tsavugira popono na omea tsukatsuka, ma kara lakaga dou vaga tana kao lakataga i Lebanon. Migira na tinoni kara viri danga pipi tana vera, vaga moa na buruburu e dangalia na lelegai popono.

Aqoaqo 2:41

Mara danga vidaqira ara gini tutunina nina goko, mara lesovitabu. Mara gana ngongo tolu na toga na tinoni ara pabo i laoqira na tinoni tutuni tana dani ia.

Mateo 13:8

Me visana na vatuna ara puka tana kao laka. Mi tana ara dato dou na uiti, mara molo vunguqira dou sosongo. Visana na vunguna ara tsaulia kesa sangatu na vatuna, visana ono sangavulu, visana tolu sangavulu.”

Isaia 32:15

Maia God sauba ke molomaitugua nina tarunga. Migira na kao seko lê sauba ke liatugua na kao lakataga, ma kara dato dou danga sosongo na omea tsukatsuka i laona.

Aqo Manetabu 25:19

Tana kao ia sauba kara dato magobu dou pipi na omea tsukatsuka, me sauba kamu tamanina pipi sui na omea amu padangaoa na ganiana, ma kamu totu raviravi dou.

Isaia 45:8

“Igoe na masaoka, migamu na parako, kamu qetutsunamai na tagu dou vanigira na tinoni sui, vaga moa kalina na usa e tumutsuna me malobusia na kao. Me sauba ti igira kara totu tanusi, me ke laba na pedegoto tana barangengo. Inau nogo na Taovia sauba kau naua ma kara laba na omea sui girani.”