Linge 85:11 - Ghari

¹¹ Niqira sasaga mana na tinoni ke talu i lao me ke ba tsau dato i gotu; ma nina gotolaka God ke tû i gotu me ke morotsuna mai i lao.

Linge 85:11 Referans Kwoze

Ioane 14:6

Ma Iesu e tsarivania a Toma, “Inau nogo na sautu, ma na manana, ma na mauri. Tau tangomana ke kesa ke balaba i konina na Tamaqu ti ke tau liu talu i koniqu inau.”

Isaia 45:8

“Igoe na masaoka, migamu na parako, kamu qetutsunamai na tagu dou vanigira na tinoni sui, vaga moa kalina na usa e tumutsuna me malobusia na kao. Me sauba ti igira kara totu tanusi, me ke laba na pedegoto tana barangengo. Inau nogo na Taovia sauba kau naua ma kara laba na omea sui girani.”

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Luka 2:14

“!Soalokia God i gotu vasau, mi lao ke baa na rago vanigira ara dou i matana!”

Mateo 17:5

Me gogoko vaga moa aia, me laba kesa na parako marara, me ungasitugira. Me tangi kesa na goko i laona na parako me tsaria, “!Iani na Dalequ galugaluve, au reingao sosongolia, kamu rongomia na gokona!”

Mateo 3:17

Me tangi kesa na goko e talumai i gotu me tsaria, “Iani na Dalequ galugaluve, au reingao sosongolia.”

Isaia 53:2

Ma na Taovia aia segeni nogo e pedea laka aia nina maneaqo ke vovodato vaga moa na omea tsukatsuka i laona na kao mamatsa lê. Ma na rereina e tau lelê rerei vaga sa omea e tugua igita ka reingaoginia. E tagara sa omea dou i konina e tugua ke raqaginia na matada ma ka gini ngaoa na bâ i konina.

Isaia 42:21

Na Taovia aia na God e gini laona sosongo na maurisi tinoni, maia nogoria na rongona ti aia e vaturia nina ketsa ma nina vali, me ngaogira nina tinoni kara padalokigira.

Isaia 4:2

E maimai nogo na tagu i tana na Taovia sauba ke naua pipi sui na omea tsukatsuka ke vuaga dou, me pipi sui na gai i laona na butona kao ia kara dato katsi ma kara rereidou. Migira sui na tinoni ni Israel igira ara tau mate tana vailabu, sauba kara morosigira na omea tsukatsuka ara dato dou, ma kara gini magemage.

2 Korint 5:21

A Iesu Kristo e tau dona na sasi aia, mi tana rongoda moa igita ti God e molovania na ngolina nida sasi, rongona i konina nogo aia igita ka gini totugoto i matana God.

Linge 72:3

Ko naua me ke peluga sosongo na vuana niqira aqo tana vera ia, ma kara vatsangia na douna nimu gotolaka.