Linge 85:1 - Ghari

¹ Taovia igoe o galuve sosongolia nimu kao; mo naua migami na Israel ami douvisutugua.

Linge 85:1 Referans Kwoze

Linge 14:7

Inau au amesi sosongolia ke talu mai i Sion ke kesa aia ke laumaurisigira na tinoni ni Israel. !Eo, me sauba kara mage loki sosongo igira na toga ni Israel kalina aia na Taovia ke naua me ke dou visutugua niqira mauri!

Jeremia 30:18

Na Taovia e tsaria, “Inau sauba kau adivisugira tugua niqu tinoni i laona niqira kao, ma kau galuvegira pipi sui na tamadale. Maia na verabau ni Jerusalem sauba kara logo vaolusitugua, ma kara vaturikae visugotoa na valena na taovia tsapakae.

Esekiel 39:25

“Minau na Taovia God au tsarigotoa laka kalina ia inau sauba kau galuvegira tugua na kukuana a Jakob, igira na tinoni ni Israel, ma kau naua migira kara gini tamani danga tugua. Ma kau tau goto tamivania ke kesa ke tsogori tsunâ na asaqu tabu.

Linge 77:7

“?Laka sauba nomoa na Taovia ke sove tanigita saviliu? ?Me laka sauba e utu saikesa ke reingaogita tugua?

Joel 2:18

Mi muri, ma na Taovia e pada sosongolitugua nina kao me galuvegira nina tinoni.

Linge 42:1

Vaga moa na dia e kili sosongolia ke tsodoa kesa na ko vuravura bisibisi dou, aia saikesa nogo au vaga inau, au kili sosongolia goto kau tsodogo igoe niqu God.

Sekaria 1:16

Me vaga ia, minau au gini visumaitugua i Jerusalem gana kau galuvegira tugua niqu tinoni. Migira sauba kara logo visutugua niqu Vale Tabu, ma kara vaolusigotoa na Jerusalem.”

Joel 3:1

Na Taovia e tsaria: “Mi tana tagu ia, inau sauba kau naua ma kara tamani omea danga tugua igira na tinoni tana Juda mi Jerusalem.

Aqo Manetabu 26:42

mi tana ti inau sauba kau padavisua niqu vaitasogi au naukolutugira a Jakob, ma Isaak, ma Abraham, ma kau vaolusitugua niqu veke au naua laka kau saua na kao iani vanigira niqu tinoni.

Jeremia 31:23

Na Taovia Susuliga Sosongo, na God ni Israel, e tsaria, “Kalina inau kau adivisugira na tinoni tana niqira kao segeni, mi tana ti igira na tinoni ara totu tana vera sui i laona na butona kao popono tana Juda, sauba kara tsaritugua na goko vaga iani, ‘Na Taovia ke tabua na tetena tabu ni Jerusalem, na nauna i tana aia e totu.’

Esra 1:11

Migira sui kolu ara 5,400 na popo qolumila ma na siliva ma na omea tavosi a Sesbasar e adia kalina aia migira na tinoni ni Israel igira ara totu tsinogo i Babilon ara visutugua i Jerusalem.