Linge 84:9 - Ghari

⁹ God, ko vangalaka vania nimami taovia tsapakae, aia na taovia tsapakae igoe o vilinogoa.

Linge 84:9 Referans Kwoze

Linge 2:2

Igira na taovia tsapakae ni lao eni ara tû, mara vangarau segeniqira nogo, migira sui na tagao ara vorogokona sai na tukapusiana na Taovia, ma na tukapusiana goto na taovia tsapakae aia e vilinogoa.

Tuturigana 15:1

Kesa tana tagu i muri, ma na Taovia e goko vania a Abram tana moro me tsarivania, “A Abram ko laka na matagu. Inau sauba kau dilago tanigira sui na omea seko, ma na pelumu sauba ke loki sosongo.”

Linge 132:17

Mieni nogo sauba kau vaturia kesa na kukuana a David ke taovia tsapakae loki; ma na puku i konina aia sauba kara tangolidatoa nina aqotagao.

Linge 98:1

!Lingena na linge vaolu vania na Taovia; rongona aia nogo e naugira na omea loki! Tana nina mana segeni mi tana susuligana tabu aia e gini managana.

Linge 89:20

Au molokaenogoa niqu maneaqo a David aia ke lia na taovia tsapakae kalina inau au ninaginia na oela tabu.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Aqoaqo 4:27

“Me laba saikesa vaga nogo, kalina kaira a Herod ma Pontius Pilate ara ka labasai tana vera loki iani, kolugira na tinoni ni Israel ma na tinoni ni veratavosi goto, mara voroa gana mate a Iesu na Dalemu Tabu, aia o vili segenimu nogo ke lia na Mesia.

Linge 59:11

Niqu God, ko laka na labumatesiaqira, rongona ti vaga kara mate, me sauba niqu tinoni kara padalegira saikesa. Sarangasigira moa ginia na susuligamu mo ko tuliusigira, igoe nogo Taovia gamami tako igami.

Linge 3:3

Migoe saikesa moa Taovia, o vaga gaqu tako; o sangaau mau gini tangomana, mo malagaisiau mau gini tukakai.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

2 Turupatu Dato 6:42

Taovia God, ko laka saikesa na sove taniana na taovia tsapakae igoe o vilinogoa. Mo ko padatugua na galuve loki igoe o galuveginia a David nimu maneaqo.”

2 Samuel 23:1

Aia David na dalena a Jese, aia na mane God e naua me gini tangiloki gana rongo, aia nina God a Jakob e vilinogoa ke lia na taovia tsapakae, maia nogoria e teagira na linge rorongo dou sosongo vanigira na Israel. Migirani nogo na susuina nina goko a David:

1 Samuel 16:6

Mi kalina ara tu labamai tugira, ma Samuel e morosi bâ a Eliab aia na dalena a Jese, me pada segenina i tobana, “Na mane iani aia e tutû i matana na Taovia, tau utu aia nogo na mane na Taovia e vilinogoa.”

1 Samuel 2:10

Na korena na Taovia sauba ke poda tû i gotu i baragata, me ke matesigira sui gana gala. Na Taovia sauba ke pedea na barangengo popono; me sauba ke saua na susuligana vania nina taovia tsapakae, maia ke naua me ke gini managana aia e vilinogoa.”

Na Vaolusi Ketsa 33:29

!Igamu na Israel, kamu magemage dou! E tagara goto sa puku tinoni ke atsa kolugamu igamu, igamu nogo na puku na Taovia e laumaurisigamu. Na Taovia segenina nogo aia nimui tako ma nimui isi, gana ke isutugumui me ke sangagamu kamu gini tangomana. Igira gamui gala sauba kara nongigamu kamu galuvegira, migamu sauba kamu tsogori tsunaligira.”

Linge 17:1

Taovia ko rongomivatavia niqu ngangaidato vanigo tana rongona na pedegoto. Ko boeginiau kalina au nongigo ko sangaau. Ko tû mo ko rongomia niqu nonginongi, rongona e tagara goto ke kesa na gokopero e dona ke rutsu i mangaqu.