Linge 84:5 - Ghari

⁵ Ara gini mage sosongo igira ara tsotsovata kakai i konimu igoe, igira e silovigira sosongo na liu tana sautu e vano kalea na Vungavunga Sion.

Linge 84:5 Referans Kwoze

2 Korint 12:9

Maia e gokovisu me tsarivaniau, “Niqu galuve e tugugo nogo. Rongona na susuligaqu e aqo susuliga baa i konimu kalina igoe o maluku.” Aia nogoria na rongona au gini mage loki goto baa na gini kaekae mateqira na malukuqu inau, rongona na susuligana a Iesu Kristo ke totu i koniqu.

Sekaria 10:12

Minau sauba nomoa kau susuligasigra niqu tinoni, migira sauba kara totukakai i koniqu, ma kara rongomangaqu. Inau nogo na Taovia au tsaria na omea iani.”

Mika 4:2

ma niqira toga sauba kara tsarivaganana iani, “Ida gita ma ka dato bâ tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai mai i Jerusalem i kelana na Vungavunga Sion; mi tana nogo aia e tû te e mologoko bâ vanigira nina tinoni.”

Linge 40:8

!Niqu God, au gini mage manana na nauana na omea igoe o kilia! Mau tangoligira kakai nimu ketsa tana tobaqu popono.”

Pilipi 4:13

Au susuliga na bariana pipi na omea sui ara laba vaniau ginia na susuligana a Iesu Kristo nogo e sauvaniau.

Jeremia 31:33

Miani nogo e vaga na taso vaolu inau sauba kau gini vaitasogi kolugira na tinoni ni Israel: Sauba kau molo kalavatavia niqu ketsa i tobaqira, ma kau marea i laona na kosuqira. Minau sauba kau lia niqira God, migira kara lia niqu tinoni.

Linge 55:14

Tana idana kaita ka dona na vaigokovigi sai dou, ma na samasama sai i laona na Vale Tabu.

Linge 42:4

E seko manana nomoa na tobaqu kalina au padavisugira na omea ara laba i sau, kalina au dulikolugira na toga mami bâ tana valena God mau idana sautu vanigira kalina ami vavano i tana, migira na toga ara magemage mara lilinge mara gudato tana tsonikaeana God.

Jeremia 31:6

Eo, e maimai varangi nogo na tagu i tana igira na mane togatoga kara gudato tana tetena ni Epraim ma kara tsaria, ‘Ida ma ka dato bâ i konina na Taovia nida God tana Vungavunga Sion.’ ”

Isaia 26:9

Tana bongi inau au lalavego igoe tana kosuqu popono; mi kalina igoe ko tû na pedeana na barangengo kolugira na tinoni i laona, mi tana ti igira sui sauba kara donaginia e koegua vaga na pede gotolaka.

Linge 122:1

Au gini mage sosongo kalina au rongomia ara tsarivaniau, “Ida ma ka vano tana valena na Taovia.”

Linge 81:1

!Gudato tana mage vania God aia nogo gada sasanga; linge na tsonikaeana nina God a Jakob!

Isaia 45:24

“Me sauba kara tsaria, ‘Na Taovia segeni moa e sangagita, me susuligasigita.’ Migira ara reisaviau inau sauba kara gini rota na vangamâ.

Linge 65:5

Igoe o rongomia nimami nonginongi mo sangagami te ami gini tangomana. God igoe nogo o maurisigami. Migira na toga pipi tana nauna sui polia na barangengo popono, me savu taligu tabana na tasi ao ara norugo sui moa igoe.

Linge 134:1

Mai ma kamu tsonikaea na Taovia, igamu sui nina tinoni aqo, igamu amu aqo vania i laona nina Vale Tabu tana bongi.