Linge 83:14 - Ghari

¹⁴ Me ke vaga na lake e iruvia na lelegai popono, ma na vungavunga e gania na lake,

Linge 83:14 Referans Kwoze

Na Vaolusi Ketsa 32:22

Na korequ sauba ke irudato vaga na lake me ke iruvigira pipi sui na omea tana barangengo. Me ke tsau bâ tana barangengo na mate me ke ganigira na lamuqira na vungavunga.

Malaki 4:1

Na Taovia Susuliga Sosongo e goko me tsaria, “E maimai nogo na dani i tana igira sui na tinoni vanga kaekae ma na vanga nauseko sauba kara iru lê sui vaga moa na rau matemate. Mi tana dani nogo ia, sauba kara iru sui saikesa nogo, me ke tau goto totuvisu sa turina na koniqira.

Isaia 9:18

Niqira tsutsukibo nogo na tinoni e sekoliginigira, vaga saikesa moa na lake loki e gani poponoa na pokopokona na itai kokonaga, me iru vano tana legai atsi, ma na punguna e vulosudato vaga moa na tuguru katsi.

Nahum 1:10

Migamu sauba kamu viri iru sui saikesa vaga na itai kokonaga ma na buruburu makede.

Nahum 1:6

?Mi kalina aia e kore loki, me laka asei tangomana ke pitsa tania? ?Masei nomoa tangomana ke baria nina momosatoba loki? E botsalaba na korena loki me iru na matana, mara viri tarutu na vatu, mara lia lê na papasa.

Isaia 30:33

I sau nogo aia e vangaraua kesa na qou loki mi tana nogo ke totu na lake loki ke gania na taovia tsapakae ni Asiria. Ma na qou ia e tsuna ao me dama sosongo, me tsupu dato na lake i laona. Ma na Taovia nogo sauba ke magovi bâ na lapina lake i konina gana ke gini iru.

Nina Papi A Job 21:18

me uvi salalea vaga moa ti na rau makede e puasala na guguri, se na papasa e lovosaginia na tulonga loki?

Isaia 17:13

Igira na puku danga ara alamai vaga na tatarina na panu loki, ma God e taimataqira, migira ara pilo mara tsogovisu, maia e pualigigira vaga moa na papasa tana vungavunga ma na buruburu makede i laona na viru.