Linge 83:1 - Ghari

¹ !God, ko laka na mui lê moa; ko laka na totudodo ma na tû mui lê moa!

Linge 83:1 Referans Kwoze

Linge 28:1

Taovia igoe nogo niqu reitutugu, minau au ngangaidato vanigo. !Ko rongomia niqu nonginongi! Ti vaga igoe ko tau goto tugumaia niqu nonginongi, minau sauba kau lia vaga moa igira ara ba tsuna tana barangengo na mate.

Linge 35:22

Eo, migoe nogo Taovia o reinogoa na omea iani. !Vaga ia, mo ko laka na totu mui Taovia; ko laka goto na totu ao taniaqu vaga sagata ia!

Linge 50:3

Nida God e maimai, me tau mai muimui lê; na lake loki e liu i matana, ma na legai loki e totu polipolia.

Isaia 42:14

God e tsaria, “Inau au totu mui oka nogo, mau tau tuguvisua niqira nonginongi niqu tinoni. Bâ, mi kalina ia, e labamai nogo na tagu i tana kau tangotuguqira niqu tinoni, mau kanga loki vaga moa kesa na daki e vatsangia na dalena.

Linge 44:23

!Ko mamata Taovia! ?Egua te o mamaturu moa? !Ko tû! !Ko laka na sove tanigami saikesa!

Linge 50:1

God na Taovia Susuliga aia nogo e goko; me soagira sui na tinoni tana barangengo popono, e tû tana e dato na aso me vosa bâ tana e sû.