Linge 81:9 - Ghari

⁹ Kamu laka saikesa goto na samasama vaniana ke kesa na god segeni.

Linge 81:9 Referans Kwoze

Isaia 43:12

Minau nogo au kate idâ na omea kara laba, mi muri minau au mai mau sangagamu. Me tagara lelê goto sa god ni veratavosi ke nauvaganana vanigamu iani. Migamu nogoria amu niqu rongovata inau.

Na Vaolusi Ketsa 32:12

Aia segenina nogo na Taovia e idagana sautu vanigira nina tinoni, me tau goto sangâ sa god ni veratavosi.

Na Vaolusi Ketsa 6:14

Kamu laka goto na samasama vaniaqira na god tavosi, sa vidaqira goto niqira god peropero igira na tinoni ara tototu poligamu.

Malaki 2:11

Igira na tinoni ni Juda ara kutsinogoa niqira vekesai ara naukolua God, mara ba naua na omea marasibiga sosongo i laona na Jerusalem mi tana Juda popono, mara naqugasiginia na Vale Tabu aia na Taovia e reingao sosongolia. Igira na mane ara tû mara taugagira na daki ni veratavosi igira ara samasama vanigira na god peropero.

Linge 44:20

Me ti vaga igami kami mololenogoa na samasama vaniamu igoe nimami God, ma kami tû ma kami nonginongi vania sa god tavosi,

Binaboli 15:26

Maia e tsaria, “Ti vaga igamu kamu rongomangaqu saikesa inau ma kamu naua na omea inau au pada e goto, ma kamu muridougira sui niqu ketsa, me sauba e utu kau kedeginigamu goto sa vatana lobogu vaga au rotasiginigira nogo na Ejipt. Rongona inau nogo na Taovia au tali maurisigamu.”

1 Taovia Tsapakae 22:19

Ma Mikaia e goko babâ me tsarivania a Ahab, “!Kalina ia, igoe ko rongomidoua na omea e tsaria na Taovia! Inau au morosia na Taovia e totu tana nina sasana na totukae i baragata, kolugira nina angelo sui ara tutû i ligisana.

Linge 50:7

Ma God e tsaria, “Rorongo mai igamu niqu tinoni, minau kau goko vanigamu; sauba kau kateli vanigamu igamu na Israel. Inau nogo God nimui God.

Isaia 28:23

Kamu rongomi vatavidoua na omea inau au gini goko vanigamu.

Hosea 4:1

Na Taovia e ngaoa ke taimataqira na tinoni ara totu i laona na kao iani. Rorongo dou igamu na Israel tana omea God e tsaria: “I laona na kao popono iani na tinoni ara tau dona na tobasai ma na vaigaluvegi, mara tau goto reigadovia laka inau nogo niqira God.