Linge 81:5 - Ghari

⁵ Aia e moloa vanigira na tinoni ni Israel kara muria kalina aia e bokia na vera ni Ejipt. Au rongomia na tatangina na liona kesa au voginia e goko me tsarivaniau:

Linge 81:5 Referans Kwoze

Linge 114:1

Kalina igira na toga ni Israel ara mololea i Ejipt, kalina igira na kukuana a Jakob ara mololea niqira kao na tinoni ni veratavosi,

Jeremia 5:15

Igamu na tinoni ni Israel, na Taovia e adimainogoa kesa na puku tavosi talu kesa tana vera ao sosongo kara maiginigamu igamu. Ma na puku ia e totu ida nogo i sau me susuliga sosongo, migamu amu tau dona na rongomi gadoviana niqira goko.

Na Vaolusi Ketsa 28:49

Na Taovia sauba ke moloa ke maiginigamu kesa na puku tavosi e talu tana vovosana na barangengo, na puku na tinoni igamu amu voginia niqira goko. Igira sauba kara tsunamai ma kara tsakagamu vaga moa kalina e laugana kesa na manuloki.

Linge 77:15

Tana susuligamu loki nogo igoe o laumaurisigira nimu tinoni, igira nogo ka kukuaqira kaira a Jakob ma Josep.

Isaia 28:11

Bâ, me ti vaga igamu kamu tau rongomangaqu inau, mi tana ti God sauba ke gini aqo na tinoni ni veratavosi igira ara gini goko na goko tavosi igamu amu tau rongomigadovia gana ke sasaniginigamu.

Binaboli 12:27

migamu sauba kamu tuguvisua ma kamu tsaria, ‘Iani na savori-kodoputsa na Paseka gana na padalokiana na Taovia, rongona aia e liuputsi tania na valeqira na tinoni ni Israel i sau tana Ejipt kalina aia e liu na labumatesiaqira na tinoni ni Ejipt me gaegita igita.’ ” Mi tana, migira na toga ara tsunatuturu mara samasama.

Binaboli 12:12

“Mi tana bongi nogo ia sauba inau kau liusaviliu i laona na kao popono tana Ejipt, ma kau labumatesigira sui pipi na daleqira mane botsaida na tinoni ma na omea tuavati, ma kau kedegira goto pipi sui na god peropero tana Ejipt. Inau nogoria na Taovia.

Binaboli 11:4

Ma Moses e ba tû i matana na taovia tsapakae me tsarivania, “Na Taovia e tsaria, ‘Tana gana ngongo na levugata inau sauba kau liuvia na Ejipt popono,

Amos 6:6

Mamu inuvia na dangana popono na bilo na uaeni, mamu gitsia na sede sisigini loki matena tana kokoramui, mamu tau lelê gini boe na omea seko sauba ke gadovia na Israel.

Esekiel 20:20

Kamu baloa na Dani na Sabat me ke lia na dani tabu, rongona ke gini lia na papadana na vaitasogi inau au naua kolugamu, ma kamu donaginia laka inau nogo na Taovia nimui God.’

Linge 78:6

rongona ti na vatavata i muri kara donaginigira goto, mi muri bâ migira goto kara sasaniginigira goto na daleqira.

Binaboli 12:29

Mi tana levugata ma na Taovia e labumatesigira sui lakalaka na baka mane botsaida tana Ejipt, e tû tana dalena mane na taovia tsapakae aia sauba ke tugua tamana tana nina sasana na totukae, me tsau bâ tana dalena na mane e totu tana vale sosori; migira sui goto na daleqira botsaida na omea tuavati ara viri mate sui.