Linge 81:14 - Ghari

¹⁴ Minau kau tau goto kisâ na bingi sekoliaqira gaqu gala ma na tuliusiaqira sui.

Linge 81:14 Referans Kwoze

Amos 1:8

Me sauba kau adiligigira sui pipi na tagaovera tana Asdod mi tana Askelon. Ma kau kedea na verabau ni Ekron, me sauba kara mate sui igira na Pilistin ara totuvisu i laona.”

Josua 23:13

ma kamu dona dou laka aia na Taovia nimui God sauba e utu goto ke tsialigigira i matamui na puku tavosi girani. Migira sauba kara lia vaga na taviti kara sogotigamu, se vaga na gai kara labuginia na gotumui, se vaga na itai kokonaga ke toroa na matamui. Maia sauba ke babâ vaga ia, poi tsau ke tagara lelê goto ke kesa vidamui ke totuvisu i laona na kao dou iani aia na Taovia nimui God e saunogoa vanigamu.

Tsoko Tinoni 14:9

Ma kamu laka goto na sove taniana na Taovia, ma na mataguniaqira na tinoni ara totu i tana. Sauba ke tau lelê kakai vanigita na tuliusiaqira. Na Taovia e totu i konida, maia e pukalinogoa gaqira susuliga niqira god ara reitutugugira igira; me vaga ia, migamu kamu laka na matagu.”

Tsoko Tinoni 14:45

Migira na Amalek ma na Kanaan ara totu i tana ara maiginigira mara tuliusigira, mara takuvi tsarigira tsau bâ i Horma.

Sekaria 13:7

Na Taovia Susuliga Sosongo e tsaria, “!Mamata igoe niqu isi, mo ko ba labumatesia na mane pitusipi aia e aqo vaniau inau, ma kara viri saranga bamai na sipi! Inau sauba kau baginigira niqu tinoni,

Linge 47:3

Aia nogo e sangagita ti igita a gini tangomana kaputigira na toga me naua migita a gini tagao kaputigira na puku tavosi sui.

Na Vaolusi Ketsa 10:12

Ma Moses e tsarigotoa, “Mi kalina ia, igamu na tinoni ni Israel, kamu rongomia na omea na Taovia nimui God e ngaoa kamu naua: Kamu samasama vania na Taovia nimui God, ma kamu naua pipi sui na omea aia e ketsaliginigamu. Kamu padalokia, ma kamu aqovania tana kosumui popono,

Isaia 48:18

“!Ti moa vaga igamu kamu dona na muridouaqira niqu ketsa! Mi tana ti niqu rago ke tatave vanigamu vaga moa na ko tsatsali e vô na mamatsa. Ma nimui sasaga goto ke dato susuliga, vaga moa na kararana na panu.