Linge 80:1 - Ghari

¹ Taovia, igoe niqira Reitutugusipi igira na Israel, ko rongomigami; igoe o matalidougira nimu sipi, ko rongomigami. Igoe o totu tana sasamu na totukae i kelana na rapoqira na angelo,

Linge 80:1 Referans Kwoze

Na Katemai 21:23

Me tau goto kilia na aso se na vula ke sinaria ti ke gini marara na verabau ia, rongona na mararana God nogo e mararasia, ma na Dalena Sipi nogo e ngiti mararana.

Linge 77:20

Migoe o tudumigira nimu tinoni toga vaga nogo e kesa e reitutugudougira nina sipi, mo molokaira a Moses ma Aaron kara ka ida vanigira.

Linge 50:2

Na mararana God e talumai tû i Sion, aia na verabau e dou laka na rereina.

Linge 99:1

Na Taovia aia nogo e taovia tsapakae; migira na tinoni sui ara gariri i matana. Aia e totu tana nina sasana na totukae i kelana na rapoqira na angelo, me gini kakasisi popono na barangengo.

1 Petero 2:25

Tana idana, igamu amu mala vaga na sipi ara sarevo. Mi kalina eni, God e adivisugamu nogo, mamu gini muridoua a Iesu Kristo nimui Taovia dou, ma gana Reitutugu na tidaomui.

Esekiel 34:23

Inau sauba kau tusuvanigira kesa niqira taovia tsapakae ke vaga nogo a David niqu maneaqo, maia ke lia gaqira reitutugu me ke paladougira.

2 Samuel 6:2

maia e vano kolugira i Baala tana Juda kara ba adivisumaia nina Bokisi na Taso God, i tana e totu na asana na Taovia Susuliga aia e totukae tana sasana i kelana na rapoqira na angelo.

1 Samuel 4:4

Me vaga ia, migira ara tû, mara molovanogira visana mane i Silo kara adimaia nina Bokisi na Taso na Taovia Susuliga Sosongo aia e totu tana sasana na totukae i kelana na rapoqira na angelo. Mi kaira na dalena a Eli, aia Hopni ma Pinehas, ara ka dulikolua na Bokisi na Taso.

Hibru 13:20

Inau, au nongi sailaginia God vanigamu sui. Aia God na Taovia na Rago, maia nogo e maurisivisua a Iesu Kristo nida Taovia tania na mate. Maia nida Reitutugu Sipi Loki Tsapakae manana rongona e reoa na gabuna segeni ke gini tukakai saviliu na taso vaolu.

Esekiel 10:4

Ma na mararana angaanga na Taovia e datoligi tanitugira na angelo, me ba totu tana matsapana na Vale Tabu. Mi tana, ma na parako ia e dangali poponoa na Vale Tabu, ma na mararana God e toravi poponoa na pakokana.

Isaia 63:11

Mi muri migira ara padavisua na tagu ni sau, tana taguna a Moses nina maneaqo na Taovia, mara veisuâ, “?Iava vaga e totu na Taovia kalina ia, aia e laumaurisigira gaqira ida nina tinoni tania na tasi tsitsi i sau? ?Miava nomoa e totu na Taovia aia e tusua nina Tarunga Tabu vania a Moses?

Isaia 60:1

!Ko tukae igoe Jerusalem, mo ko maka vaga na aso! !Na mararana na Taovia e sinarigo nogo!

Linge 80:7

!Ko adivisugami, God Susuliga Sosongo! !Sauvulagi vanigami na galuvemu, me sauba igami kami gini mauri!

Linge 80:3

!God, igoe ko adivisugami! !Ko galuvegami, me sauba kami mauri!

1 Petero 5:4

Mi kalina ke labavisumai na Taovia Loki na Reitutugu Sipi, me sauba aia ke sauvanigamu na sorilova marara e voo ke nanga na makana.

Ioane 10:14

“Minau na reitutugu sipi laka. Vaga na Tamaqu e donaginiau, minau au donaginia na Tamaqu, me vaga goto inau au donaginigira niqu sipi, migira ara donaginiau. Mau tamisegeniqu kau mate tuguqira niqu sipi.

Daniel 9:17

Kiki God, ko rongomia niqu nonginongi mo ko tabedoua na omea au nongia i konimu. Ko arago visutugua nimu Vale Tabu, aia ara toroutsaninogoa, rongona kara donaginia igira na tinoni sui laka igoe segeni moa na God manana.

Esekiel 43:2

Mi tana minau au morosia na mararana angaanga na God ni Israel e palamai tabana i longa. Ma na tatangina nina goko God e vaga saikesa moa na kararana na panu, ma na mararana angaanga e mararasi poponoa na barangengo.

Esekiel 1:13

Mi tu levugaqira na omea mamauri tugira e liu bamai kesa na omea e rerei vaga na sulu iruiru. Ma na iruna e lapidato, mi laona ia e kirapi na angaanga.

Isaia 40:11

Maia sauba ke reitutugudougira nina tinoni, vaga moa na mane reitutugusipi e reitutugugira me palagira nina sipi, me alotisaigira na dalena sipi me tabelegira; me alagigira bâ na tinaqira tana nauna i tana kara mango.

Linge 94:1

!Taovia igoe nogo na God o dona na kede tinoni; ko tû mo ko saulabatia na koremu!

Linge 80:19

Taovia God Susuliga Sosongo, ko adivisugami. Ko sauvulagia vanigami na galuvemu, me sauba igami kami gini mauri.

Linge 78:67

Me sove tanigira moa igira na kukuana a Josep, me tau goto viligira na puku konina a Epraim.

Linge 78:52

Mi muri maia e tudumi rutsumigira nina tinoni tania na Ejipt vaga moa ti kesa na mane reitutugu sipi, me mataligira tana laona na kaomate.

Linge 69:1

!Niqu God ko savokaeau! Na mao e vosadato mai nogo i lioqu.

Linge 60:1

God igoe o sovetanigami nogo, migoe nogoria o naua te e gini tau managamami; o kore sosongo vanigami nogo, mi kalina eni ami ngasugo ko pilovisumai i konimami.

Linge 55:1

!Igoe niqu God ko rongomia niqu nonginongi; laka na pilo taniana niqu ngangaidato vanigo!

Linge 45:1

Na tsaqina na goko laka ara labadato tana papadaqu, kalina inau au tê gana linge na taovia tsapakae. Na lapiqu e vaga saikesa moa ti nina peni na mani mamare kesa na tinoni e dona sosongo na mamare.

Linge 5:1

Taovia, ko rongomia niqu tsaqina goko, mo ko rongomigotoa niqu ngangaidato vanigo.

Nina Papi A Job 10:3

?Me laka e goto vanigo igoe na rotasiana ma na pea sekoliana kesa aia igoe segenimu nogo o aqosia? Mi kalina o reia na omea ara naua igira na vanga tsutsukibo, me laka e goto vanigo ko kiaqumu lê vanigira moa?

2 Taovia Tsapakae 19:15

me nonginongi me tsaria, “Taovia na God ni Israel, igoe o totu tana sasamu na totukae i kelana na rapoqira na angelo, migoe segeni moa o God, mo tagaovi kaputigira na vera sui tana barangengo popono. Igoe nogo o volâ na barangengo ma na masaoka.

Na Vaolusi Ketsa 33:2

“Na Taovia e talumai tana Vungavunga Sinai; me dato vaga na aso i kelana na vera ni Edom, me mararasigira nina tinoni tû tana Vungavunga Paran. Mara sangavulu toga na angelo ara totu kolua, ma na lapina lake iruiru tana limana madoa.

Linge 50:1

God na Taovia Susuliga aia nogo e goko; me soagira sui na tinoni tana barangengo popono, e tû tana e dato na aso me vosa bâ tana e sû.