Linge 8:3 - Ghari

³ Kalina inau au morodato i gotu tana masaoka aia igoe nogo o aqosia, mau reigira na vula ma na veitugu igoe nogo o mologira tana sasaqira,

Linge 8:3 Referans Kwoze

Tuturigana 1:1

Tana idana kalina God e vusagira na omea sui i baragata mi barangengo,

Linge 33:6

E moloketsa moa na Taovia me vusaginia na baragata, me goko moa mara laba na aso ma na vula ma na veitugu.

Linge 111:2

!Ara dou sosongo nomoa na omea na Taovia e aqosigira! Migira sui ara gini magemage na adiaqira, ara ngaoa kara padagadovigira dou bâ.

Linge 104:19

Igoe o aqosia na vula ke votagira na tagu babâ i laona pipi na ngalitupa; ma na aso e donaginia na tagu tana aia ke sû.

Linge 89:11

Na baragata nimu tamani nogo igoe, ma na barangengo goto; migoe nogo o volâ na barangengo migira na omea sui i laona.

Roma 1:20

Tu kalina God e vusaa na barangengo e tugua igira na tinoni kara padagadovia laka e God manana ia ma na susuligana e totu saviliu, me utu goto ke sui, atsa moa ti kara tau reilakana kalina eni. E tuguragoa kara padagadovia na omea iani kalina ara reigira na omea sui God e aqosigira. !Me vaga ia na tinoni girani ara tau goto tamanina sa rongona kara gini tiatagaraa!

Luka 11:20

Ma ti inau au tsialigi tidao tana susuligana nogo God, maia nogoria e gini sauvulagia laka na Verana God e mailaba nogo i konimui.

Binaboli 8:19

Migira na mane basutidao ara tsarivania na taovia tsapakae, “!God nogo e naua na omea iani!” Ma na taovia tsapakae e tau goto olia nina papada, me tau goto ngaoa na rongomiana ka mangaqira a Moses ma Aaron, vaga nogo na Taovia e kate idanogoa.

Nina Papi A Job 22:12

“A Job, ko morodato mo ko reigira na veitugu ara totu i gotu vasau, maia God e totu paladato bâ i baragata, me morotsuna mai i koniqira.

Na Vaolusi Ketsa 4:19

Kamu parovata ma kamu tau samasama vanigira na omea igamu amu reia tana masaoka, na aso, na vula, ma na veitugu. Na Taovia nimui God e sauragoa na omea girani vanigira na tinoni tavosi sui gana kara samasama vanigira.

Binaboli 31:18

Mi kalina God e goko sui vania a Moses tana Vungavunga Sinai, maia e sauvania ruka na pavavatu i tana aia segenina nogo e maretsunagira na ketsa.

Linge 148:3

Tsonikaea kagamu na aso ma na vula; tsonikaea igamu na veitugu amu mokemoke.

Linge 19:1

!Na masaoka e katevulagia gana loki tsapakae God! !I tana nogo e totu maka saikesa na omea vaga aia e aqosinogoa!

Nina Papi A Job 25:5

Mi matana aia, me atsa moa ti na vula maia e tau goto maka, migira na veitugu mara tau goto male saviliu.

Nina Papi A Job 25:3

?Me laka tangomana kesa ke tsokoraegira na angelo ara aqo vania aia? ?Me laka e totu sa nauna i tana e tau mararasia na mararana God?

Nina Papi A Job 36:24

Tagara, igira na tinoni ara tsonikae sailaginia moa God tana rongona na omea dou sui aia e naugira; migoe goto nimu aqo ko tsonikaea aia.