Linge 79:9 - Ghari

⁹ Nimami God ko sangagami mo ko maurisigami; ko laumaurisigami mo ko padale vanigami nimami sasi, rongona ke gini tangiloki na soamu igoe.

Linge 79:9 Referans Kwoze

Jeremia 14:7

Migira niqu tinoni ara ngangaidato vaniau mara tsaria, ‘Atsa moa ti igira nimami sasi ara tai matamami, ami nongigo moa Taovia ko sangagami moa vaga igoe o vekenogoa. Igami ami piloligi tanigo nogo danga kalina, mami sasi sosongo i matamu.

Linge 25:11

Taovia, ko padatugua nimu veke o naua, mo ko padalegira niqu sasi, rongona ara danga sosongo nogo.

2 Turupatu Dato 14:11

Ma Asa e nonginongi vania na Taovia nina God me tsaria, “Taovia, e tagara goto ke kesa ke dona vaga igoe na sangaaqira na tinoni maluku lê na tuliusiaqira na tinoni susuliga. Mo ko sangagami kalina ia igoe Taovia nimami God, rongona igami ami vataragi moa i konimu igoe, mi tana asamu nogo igoe ti igami ami mai na vailabugi koluaqira na tuqana na alaala loki na mane vaumate girani. Taovia igoe nogo nimami God, ko laka na tamivaniaqira na tinoni lê kara tuliusigo igoe.”

Esekiel 20:14

Mau tau moa nauvanigira sa omea, rongona au tau ngaoa ke tangiseko na asaqu i mataqira na puku tavosi igira ara reiau kalina au adirutsumigira na tinoni ni Israel tania na Ejipt.

Jeremia 14:21

Ko padatugua na omea igoe o vekenogoa vanigami, mo ko laka kiki na reipeagami igami, mo ko laka goto na paluvangamana na vera ni Jerusalem, aia na nauna i tana e totu nimu sasana na totukae. Ko padatugua na vaitasogi igoe o naua kolugami, mo ko laka goto na kutsiana.

Isaia 48:9

“Inau au kore sosongo vanigamu mau ngaoa na toroutsaniamui, mau padâ moa na asaqu tabu, ti au tangolivisua na korequ mau tau matesiligigamu, rongona na tinoni sui kara tsonikaeginiau.

Daniel 9:19

!Taovia ko rongomigami! !Taovia ko padalegira nimami sasi! !Taovia ko rongomi vatavigami mo ko mai sangagami! Ko laka goto na kisâ, rongona kara donaginia igira na tinoni sui laka igoe segeni moa na God manana. !Ko padatugua laka na verabau iani migira na tinoni i laona ara nimu tamani nogo igoe!”

Esekiel 20:9

Mau tau moa nauvanigira sa omea, rongona au tau ngaoa ke tangiseko na asaqu i mataqira na tinoni i tana igira ara totu, rongona igira ara rongominogoa kalina inau au veke vanigira moa na Israel laka sauba kau adirutsumigira tania na Ejipt.

Isaia 43:25

Minau na Taovia nimui God au padalegira nomoa nimui sasi, tana rongona nogo gaqu loki tsapakae inau, me utu goto kau padadatogira babâ na omea seko amu naugira.

Linge 65:3

tana rongona niqira sasi ara tsukia. Ma nimami sasi igami ara bingi sekoligami, migoe o padalegira vanigami moa.

Linge 31:3

Eo, igoe nogo o reitutuguau mo isutuguqu. Ko mataliau mo ko tudumiau vaga igoe o vekenogoa vaniau.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Malaki 2:2

Nimui aqo igamu ti kamu tsonikaea na asaqu tabu tana omea sui amu naugira. Me ti vaga igamu kamu tau rongomi vatavigira na omea inau au tsarivanigamu, mi tana nogo ti inau sauba kau tû ma kau vealaginigamu. Ma kau vealaginigira goto na omea sui amu tsodoa tana nimui aqo gana na mauri. Eo, minau au vealaginigira manoga nogo na omea girani rongona igamu amu tau rongomangaqu, mamu tau muridougira na ketsa au molo vanigamu nogo.

Linge 115:1

Taovia e ulagana igami kami tsonikaego igoe segeni moa, me tau igami, rongona nimu galuve e vo oli, migoe o mana saviliu vanigami.

Josua 7:9

!Eo, migira sui na tinoni ni Kanaan, ma na tinoni tavosi sui ara totu i laona na butona kao ia, sauba kara rongomia na omea vaga ia e laba. Me sauba kara mai ma kara tupoligami ma kara matesigami sui lakalaka! ?Migoe ma nagua sauba ko naua gana ko dilaginia na tangisekona na asamu?”

Daniel 9:9

Migoe o galuve sosongoligami nomoa mo padalegira nimami sasi, atsa moa ti igami ami piloligi nogo tanigo.

Esekiel 20:44

Me sauba kamu donaginia laka inau nogo na Taovia kalina kamu reia laka inau kau tuguvisu vanigamu, tau tana omea ke atsa kolua na omea seko tabaruga nogo igamu amu naugira, tagara, mi tana rongona moa ti igira na tinoni sui kara padalokiginia na asaqu tabu. Inau nogo na Taovia God au tsaria na omea iani.”